Tiito 1:11 - Indagano Inyaaya mu-Chijita

¹¹ Abho abhasingaarisya eriikirisya rya abhaanu mu‑misi myafu. Abheeyigisya emisango jinu jiteeyire, korereki bheebhonere jipirya ku‑njira imbiibhi eyo.

INDAGANO INYA:YA

¹¹ Abo be:ire okusibwa eminwa, okuba abo nibo abafumbika misi mikobe, nibe:igisya binu bitabe:ire, kurwa mabona go burigerige.

Tiito 1:11 Referans Kwoze

2 Timoteo 3:6

Mu‑bheene abho bhari‑mo bhanu abheengira kwa obhwira bhwa ebhibhiibhi mu‑misi ja abhaanu na okujiga abhagasi abhamuumu. Abhagasi abho bhatungirwe na ebhibhiibhi, ka wone abhakururwa na obhurigire bhwa ebhibhiibhi bhya bhuri mbaga.

1 Timoteo 6:5

ka wone nijo ejinyamura obhungwani siku joone. Abhaanu abho obhwenge bhwebhwe bhunyamukire, bhatari‑mo echimari mu‑myoyo jeebhwe. Abheetogera ati okwikara rwa kutyo Nyamuwanga keenda niyo injira ya okubhona obhuniibhi.

Barumi 3:19

Mbe, eswe chimenyere ati, omwanya gunu Ebhikaame Ebhyeru ebhisimura inguru ya echiinu choonechoone, ebhisimura inguru ya abhaanu bhanu ꞉bhaayaaywe Ebhikaame ebhyo. Ebhikaame ebhyo, ꞉bhyakaamirwe korereki abhaanu bhoone, Abhayawudi na abhaanu bhanu bhatari Bhayawudi bhasige okubha na isonga ya okwibhagira omwanya gunu Nyamuwanga ariramura echaaro. Jiribha abhwerubhweru ati abhaanu bhoone bheeyire okuramurwa na Nyamuwanga.

Tiito 3:10

Omuunu woonewoone unu kaakora abhaanu bhaawukane, nuumugonye orwa okwamba na orwa kabhiri. Ukamara okukora kutyo, araabha atakukuungwa, sigana nage chimwi.

Tiito 1:9

Abhe na eriikirisya rinu rirumateene ku‑misango ja echimari inguru ya Yeesu Kirisito, rwa kutyo ꞉eeyigisiibhwe. Niwo omwene wone, kaatura okusimbiisya abhaanu abhandi ku‑meeyigisyo ga echimari na okugonya abhaanu bhanu abhaayika emibhiibhi inguru ya ameeyigisyo ago.

Tiito 1:7

Okubha omukaruka wa rikanisa, ni mwangarisi wa emirimu ja Nyamuwanga. Kutyo, kaakenʼywa abhe muunu unu atari‑ko esoro. Asige okubha na echigundu, asige okubha na risungu, asige okubha omukorwa, asige okubha omurwani, ka wone asige okubha na inamba imbiibhi ya okubhona jipirya.

2 Bakorinto 11:10

Rwa kutyo echimari cha Kirisito chiri mu‑mwoyo gwani, atari‑wo omuunu noorwo umwi mu‑mukoowa gwone gwa Akaaya, unu kaatura okunyingirira okwikuuya inguru ya emisango ejo.

Ruuka 20:40

Okwambira omwanya ogwo, atari‑wo omuunu noorwo umwi unu ꞉aaregeejere okubhuusya Yeesu amabhuusyo agandi.

Yowana 10:12

Omuunu unu kaareebha jinaama korereki eebhonere omuyeero, oyo atari mureefi wa jinaama, ka wone jinaama jitari jaaye. Araabha aakarora omusege niguuja, keeruka na okusiga jinaama jenyere. Kurwa ejo, omusege ogugwata‑ko jinaama jindebhe, na ejindi jinu ejisigara ejinyaragana.

Matayo 23:13

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omuyingirira abhaanu okwingira mu‑bhukama bhwa mu‑rwire kwa ameeyigisyo geemwe. Emwe abheene mutakwingira, ka wone mutakwikirisisya abhaanu abhandi bhanu abheenda okwingira. [

1 Timoteo 5:4

Nawe omutumbagasi woonewoone akabha ari na abhaana amwi abheechukuru, ejikenwa abhaana na abheechukuru abho nibho bhabhe bha okwamba okwiyigira okukora emirimu ja okusakira abhayiri bheebhwe. Ku‑njira eyo abhariya abheebhusi bheebhwe ku‑ja ekisi jinu abheene wone ꞉bhaabhakoreeye. Kutyo nikwo Nyamuwanga keenda.

1 Timoteo 5:13

Aamwi na ejo, abheeyigira jitungwa ja obhurenga, bhutari bhurenga era, nawe ni bharomi na abhayengiyengi mu‑misi ja abhaanu abhandi. Jitari ejo era, abheeyingisya wone, mu‑misango ja abhaanu abhandi na okwayika emisango jinu jiteeyire.

2 Timoteo 2:18

Abho bhabhurire muno, bhasigire echimari. Abhaayika ati obhusuuruko bhwa abhafuuwe bhurakorekeene. Kwa okwiyigisya kutyo abhayabhya eriikirisya rya abhaanu abhandi.