Ruuka 9:11 - Indagano Inyaaya mu-Chijita

¹¹ Nawe abhaanu bhejire bhaamenya orubhaara runu ꞉aajiiye, nibhamuruubha. ˆNaabhakuma, ˆnaamba okubheeyigisya emisango inguru ya obhukama bhwa Nyamuwanga. Abharwaye mu‑bhaanu abho, bhaawosibhwaga.

INDAGANO INYA:YA

¹¹ Nawe ebise wejire byamenya nibimuru:ba. Nabaramira akondeywe, na:ika nabo emisango jo bukama bwa Nyamuanga, nabaosya banu bariga bakenere okuosibwa.

Ruuka 9:11 Referans Kwoze

Baeburania 4:16

Kurwa ejo chibhe na ribhaasi mu‑kufogera ku‑chitebhe cha ingʼoma cha Nyamuwanga, korereki achiyaane echigongo na obhwitiriranya bhwa okuchisakira omwanya gwa obhukene bhweswe.

2 Timoteo 4:2

Genderera okuraasya Emisango ja Ekisi ja Nyamuwanga. Ubhe wimaririiye okukora kutyo, omwanya gunu gwiyire amwi gunu guteeyire. Kengyaga, gonyaga na simbagirisyaga abhaanu. Ukore kutyo, kwa okwiyigisya mu‑bhwigumiirisya bhwone.

Barumi 15:3

Noorwo Kirisito omwene, ꞉ataakorere emisango ja okwikondisya omwene era. Tari jinu ꞉aakorere, jaariga jiri rwa kutyo Ebhikaame Ebhyeru ebhyayika ati, “Amafumo ganu abhakufuma Nyamuwanga, ꞉gaambwene noorwo anye.”

Barumi 10:14

Woori, abhaanu abhatura kutiki okumusabhwa araabha bhachaariga okumwikirisya? Ka wone, abhatura okumwikirisya kutiki araabha bhachaariga okuungwa emisango jaaye? Abhatura kutiki okuungwa emisango jaaye araabha omuunu achaariga okubharaasisya?

Ebikorwa 28:31

Aariga ˆneeyigisya abhaanu kwa ribhaasi inguru ya obhukama bhwa Nyamuwanga na inguru ya Raatabhugenyi Yeesu Kirisito, okugaanywa na omuunu wuri.

Yowana 6:37

Abhaanu bhoone bhanu Raata kaanaana, bhariija kw‑anye na okunyikirisya. Anye nitakurema noorwo umwi unu kaaja kw‑anye.

Yowana 4:34

Yeesu ˆnaabhasubhya ati, “Ebhiryo bhyani ni kukora okwenda kwa Raata Nyamuwanga unu ꞉aantumire, na okukuumisya emirimu jaaye.

Ruuka 9:2

Neeya ˆnaabhatuma bhagende okuraasisya abhaanu, emisango inguru ya obhukama bhwa Nyamuwanga, na okuwosya abharwaye.

Ruuka 8:10

Omwene ˆnaabhasubhya ati, “Kara emisango ja obhukama bhwa Nyamuwanga jaariga jiiserekere. Emwe muri na amabhando, kwa okubha Nyamuwanga aabhaswerurira abhwerubhweru emisango ejo, korereki mujisombookerwe. Nawe abhandi, enibhabhwira kwa ebhijekekanyo, korereki jikuumire jinu omuragi Iisaya ꞉aayikire ati, ‘Omwanya gunu abharingira, bhabhe wuti bhatakurora. Noorwo kutyo abhoongwa, bhabhe wuti bhatakusombookerwa.’

Ruuka 8:1

Ejo jejire jaawa, Yeesu ˆnaasooka‑wo ˆnaaturaga mu‑misi na mu‑nguuyo. Aariga ˆnaaraasisya abhaanu Emisango ja Ekisi ja obhukama bhwa Nyamuwanga bhuri rubhaara. Aariga ˆnaaruubhana na abheeyigisibhwa bhaaye ekumi na bhabhiri.

Ruuka 5:31

Yeesu ˆnaabhasubhya ati, “Abhaanu bhanu bhatarwaye, bhatakukena omuragusi. Tari abharwaye nibho abhamukena!

Ruuka 1:53

Abha omweko abhegutiisye kisi, nawe abhaniibhi, ꞉aabhabhirimiisye ngaro nyeru.

Matayo 21:43

Yeesu ˆnoongesya ati, “Enibhabhwira ati, ku‑songa eyo Nyamuwanga arisoosya‑wo obhukama bhwaye kw‑imwe na okuyaana abhaanu bha amaanga agandi bhanu bharitwasya amatwasyo inguru yaaye.

Matayo 21:31

“Woori angu, mu‑bhabhiri abho, niga unu ꞉aakorere rwa kutyo esemwene ꞉eendere?” Abhakuru bha abhagabhisi na abhakuru bha Abhayawudi bharya, nibhamusubhya ati, “Ni urya wa okwamba.” Niwo Yeesu ˆnaayika ati, “Ni chimari enibhabhwira ati, abhatobhesya bha rigooti na abhagasi bhanu abheegusya okwibhonera ribhona, bharibhatangatira okwingira mu‑bhukama bhwa Nyamuwanga.

Matayo 14:14

Mbe, ejire aakinga, ˆneeka okusooka mu‑ngama, ˆnaarora echise chinene cha abhaanu. ˆNaabhafwira echigongo ˆnaawosya abharwaye bheebhwe.

Barumi 10:17

Kurwa ejo, abhaanu abhatura okwikirisya Kirisito araabha bhaakoongwa emisango inguru yaaye. Nawe abhatura okuungwa era emisango ejo araabha jikaraasibhwa.

Matayo 12:15

Yeesu ejire aamenya obhutinge bhwa Abhafarisaayo abho, ˆnaasooka awo. Abhaanu bhaafu nibhamuruubha, ˆnaawosya bhoone bhanu bhaariga bharwaye.

Ruuka 9:10

Jitumwa ejo bhejire bhaasubha ku‑Yeesu, nibhamutondera joone jinu ꞉bhaakorere. ˆNaagega jitumwa ejo, nibheemuka okugenda mu‑musi gunu gwariga nigutogwa ati Bhetisaayida.

Ruuka 9:12

Risuubha ryejire ryarengeesa, jitumwa ejo ekumi na bhabhiri, nibhamubhwira ati, “Anu chiri mw‑ibhara. Nuurage abhaanu bhanu, bhagende mu‑nguuyo na mu‑masambu ganu gari yeeyi anu, korereki bheebhonere obhumaamo na ebhiryo.”