Ruuka 8:6 - Indagano Inyaaya mu-Chijita

⁶ Jimbibho ejindi nijigwa ku‑rutare runu amayaru gaariga gatari maafu. Ku‑rutare okwo, nijimera, nijibhurwa amanji, nijuuma.

INDAGANO INYA:YA

⁶ Ejindi nijigwa ku rutare. Wejire jamera nijiotoka kurwo kuburwa amanji.

Ruuka 8:6 Referans Kwoze

Ruuka 8:13

“Jimbibho jinu ꞉jaaguuwe ku‑rutare, ejisusanyibhwa na abhaanu bhanu abhoongwa omusango gwa Nyamuwanga, nibhaguramira kwa rikonderwa enene, nibhagwikirisya katungu katooto era. Nawe omwanya gunu abharegeejibhwa abhagusiga. Bhari rwa amati ganu emisi jaago jiri ingurunguru era.

Baeburania 3:15

Mwichuke jinu jikaamirwe mu‑Bhikaame Ebhyeru ati, “Reero inu, mukoongwa obhuraka bhwa Nyamuwanga, musigega okukora emyoyo jeemwe okubha emikomeeye, rwa kutyo bhasaaja weemwe bhaariga nibharema okutangasibhwa na anye.”

Ruuka 8:5

“Aariga ari‑wo omubhibhi umwi unu ꞉aagendere okubhibha jimbibho mw‑isambu ryaye. Omwanya gunu aabhibhaga, ejindi ꞉jaaguuwe ku‑njira, nijitajwa na abhaanu, nijiriibhwa na jinyonyi.

Ruuka 8:7

Ejindi nijigwa mu‑mawa. Amawa ago, gejire gaakura nigajiyiganya, kurwa ejo ꞉jitaakurire.