Ruuka 8:3 - Indagano Inyaaya mu-Chijita

³ Aariga ari‑wo wone Yoana, omugasi wa Kuja. Kuja oyo, niwe aariga ari mubhiiki omukuru wa ebhiinu bhya omukama Yeroode Atipaasi. Aariga ari‑wo Susana, na abhagasi abhandi bhaafu, bhanu bhaasoosyaga ebhiinu bhyebhwe okusakira Yeesu na abheeyigisibhwa bhaaye.

INDAGANO INYA:YA

³ Na Joana muka Kuja, omubi:ki we bi:nu bya Erode, na Susana, na bandi ba:fu banu bamusakiraga ku bi:nu byebwe.

Ruuka 8:3 Referans Kwoze

1 Timoteo 5:10

Abhe omuunu wa jikuma ja ekisi, abhe eeyigisiisye abhaana bhaaye jitungwa ja ekisi, abhe akumire abhagenyi, abhe oosiisye abheeru amaguru, abhe asakiiye abhaanu bhanu bhari mu‑nyaako, ka wone, abhe eekomeesiisye okukora ebhikorwa bhyone bhya ekisi.

Bafilipi 4:22

Ka wone abheekirisya bhoone bha Kirisito Yeesu bhanu bheekaaye mu‑musi gunu abhabhakeesya, chimwichimwi bhanu bheekaaye mu‑nju ya Kayisaari.

2 Bakorinto 8:9

Emwe mumenyere obhwitiriranya bhwa Raatabhugenyi weeswe Yeesu Kirisito. Noorwo kutyo aariga ari muniibhi, nawe ꞉eekorere wuti omutaka ku‑songa yeemwe, korereki okutura ku‑bhutaka bhwaye, emwe mubhe abhaniibhi.

Matayo 26:11

Abhataka bhari aamwi na emwe siku joone, nawe anye nitaribha aamwi na emwe siku joone.

Matayo 25:40

Niwo anye Omukama, niribhasubhya ati, ‘Ni chimari enibhabhwira ati, choonechoone chinu ꞉mwakoreeye woonewoone mu‑bharuubhirisya bhaani unu kaabhonekana wuti atari wa obhusibhusi, mbe ꞉mwakoreeye anye.’

Matayo 2:11

Mbe, nibheengira mu‑nju, nibharora omwana aamwi na Maryamu nyiramwene, nibheefukama nibharamya omwana oyo. Nibhasuruumura jisagwa jeebhwe, nibhasoosya‑mo ebhiyaanwa bhya inaaryo, obhubhaani na amafuta amarange, nibhayaana omwana oyo.

Ruuka 24:10

Abhagasi bhanu ꞉bhaabhwiriiye jitumwa ja Yeesu emisango ejo, ni Maryamu okusooka mu‑musi gwa Magidara, Yoana na Maryamu nyiramwene Yakobho, aamwi na abhagasi bhanu bhaariga bhari aamwi nabho.

Ebikorwa 13:1

Mw‑ikanisa rya mu‑musi gwa Atiyookiya, bhaariga bhari‑mo abharagi na abheeyigisya. Mu‑bheene bhaariga bhari, Bharinaabha, Simiyooni unu aatogwaga Nigeeri, Ruukiyo okusooka Kureene, Manayeni unu aariga arereeywe aamwi na omukama Yeroode Atipaasi, na Saawuri.

Matayo 14:1

Ku‑mwanya ogwo, Yeroode Atipaasi, niwe aariga ari mukama wa omukoowa gwa Gariraaya. Ejire oongwa inguru ya ebhikorwa bhinu Yeesu aariga ˆnaakora,

Matayo 14:3

Yeroode ꞉aayikire kutyo, kwa okubha niwe ꞉aagwatire Yowana, ˆnaamubhoya amaseega, ˆnaamutuura mw‑ibhoyero. ꞉Aamubhoyere, ku‑songa ya emisango jinu Yowana ꞉aayikire inguru ya obhutwarwa bhwa Yeroode na Yerodiya. Yerodiya oyo, ku‑bhwambiro aariga ari mugasi wa Firipo, omumura waabho Yeroode.

Matayo 14:6

Rwejire rwakinga orusuku rwa ichikukuru ya okwichuka okwibhurwa kwa Yeroode, omuyaasya wa Yerodiya ˆnaaja, ˆnaabhina imbere ya abhagenyi bhoone. Yeroode ˆnaakonderwa muno.

Matayo 20:8

“Echisuute chejire cheengira, omwene esambu ˆnaabhwira omwangarisi wa emirimu jaaye ati, ‘Ubhirikire abhakosi bhoone, ubhariye omuyeero gwebhwe. Ukabhariya, wambe na abhakosi bhanu bhaaja ku‑bhuteero na umariisye na bhanu bhaaja ku‑bhwambiro.’

Matayo 27:55

Awo bhaariga bhari‑wo na abhagasi bhaafu bhanu bhaariga nibharuubha Yeesu okusooka mu‑mukoowa gwa Gariraaya na okumufurubhendera. Abhagasi abho ꞉bheemereeguuyu kura‑wo nibharingiraga joone jinu jaariga nijikorekana.

Yowana 12:6

Yuuda ꞉ataayikire kutyo inguru ya okwigana abhataka, tari kwa okubha aariga ari mwifi. Omwene niwe aabhiikaga isagwa ya jipirya. Ka wone eebhaga bhinu bhyabhiikwaga mu‑sagwa omwo.