Biblia Todo Logo
Bib sou entènèt

- Piblisite -




Ruuka 7:13 - Indagano Inyaaya mu-Chijita

13 Raatabhugenyi ejire aarora omutumbagasi oyo, ˆnaamufwira echigongo, ˆnaamubhwira ati, “Siga okurira.”

Gade chapit la Kopi

INDAGANO INYA:YA

13 Ratabugenyi wejire amurora, namufwira ecigongo, namubwira ati, Siga kurira.

Gade chapit la Kopi




Ruuka 7:13
36 Referans Kwoze  

Omugabhisi Omukuru oyo niwe kaamenya obhujorobhoke bhweswe, kwa okubha ꞉aaregeejerwe na Syetaani ku‑misango joone rwa eswe, nawe omwene ꞉ataakorere ebhibhiibhi.


Abhaanu bhoone iika awo, bhaariga nibharira na okusurumbara inguru ya orufu rwa omuyarakaji oyo. Nawe, Yeesu ˆnaabhabhwira ati, “Musige okurira! Unu achaari kufwa, awongeeye era!”


Ku‑songa eyo, ꞉aakenerwe aaje ari rwa kutyo abhayiri bhaaye bhari mu‑joone, korereki abhe Omugabhisi Omukuru unu ari owa echigongo na omwiyikanyibhwa ku‑mirimu jaaye imbere ya Nyamuwanga. Omugabhisi oyo niwe ꞉aakorere echoogo korereki Nyamuwanga afwire echigongo abhaanu ebhibhiibhi bhyebhwe.


Yeesu ˆnaamubhuusya ati, “Maayi, kurwa ki owurira? Angu, owuyenja ga?” Maryamu ˆneetogera ati omuunu oyo aariga ari mukosi wa mu‑mugunda, mbe ˆnaamusubhya ati, “Raata, araabha naawe ugegere omutumbi gwaye, mbwira anu waagutuura, nigende nigugege.”


“Enifwira echigongo abhaanu bhanu, kwa okubha cheekaaye nabho masuubha gasatu, na bhatari na ebhiryo bhyonebhyone.


Maryamu oyo, niwe ꞉aabhambagire Raatabhugenyi Yeesu amafuta ga ebhirange, na okumufwafuuta na jifwiri jaaye ku‑maguru. Rajaaro owaabho niwe aariga ari murwaye.


Nibhabhwira bhanu bhaariga bheekumanyiisye awo ati, “Ni chimari, Raatabhugenyi weeswe aasuuruka! Aasoromokera Simooni!”


Niwo, jitumwa jaaye nibhamubhwira ati, “Raatabhugenyi nuuchoongesye eriikirisya!”


Abhaanu bhanu abharira, bhabhe rwa bhanu bhatakurira, bhanu abhakonderwa, bhabhe rwa bhanu bhatakukonderwa, bhanu abhagura ebhiinu, bhabhe rwa bhanu bhatari na echiinu,


Bhamaraayika abho nibhamubhuusya ati, “Maayi, kurwa ki owurira?” Omwene ˆnaabhasubhya ati, “Abhaanu bhaagega omutumbi gwa Raatabhugenyi waani, ka wone nitakumenya anu bhaagutuura!”


Nawe, Raatabhugenyi Yeesu ˆnaabhasubhya ati, “Abheerimaanya emwe! Niga agati yeemwe unu atakwigurira iingʼa yaaye amwi isikiri yaaye okusooka mw‑igutu ayisire okunywa amanji ku‑rusuku rwa Isabhaato?


Mbe, ejo jejire jaawa, Raatabhugenyi Yeesu ˆnaawura abharuubhirisya abhandi makumi gataanu na gabhiri na bhabhiri. ˆNaabhatuma bhabhiribhiri, bhamutangatire mu‑misi na bhuri rubhaara, anu omwene aariga eendere okukinga.


Yowana wone ˆnaabhirikira abheeyigisibhwa bhaaye bhabhiri ˆnaabhatuma bhagende okubhuusya Raatabhugenyi Yeesu ati, “Chimenyere ati, Kirisito kaja okuuja. Angu, naawe, tere chirindirire owundi?”


Woori, abhayiri bheeswe, echeenda mumenye emisango ja abheekirisya bhanu bharamaamire nyombe, korereki musige okusurumbara rwa bhanu bhatari na obhwiyikanyo bhwa okurama na Nyamuwanga akajaanende koone.


Raatabhugenyi Yeesu ˆneekebhuukira ˆnaaringira Peetero mu‑bhusu. Awoawo, Peetero ˆneechuka emisango jinu Raatabhugenyi aariga amubhwiriiye ati, “Reero inu, rikookorome richaari okukookoroma, owubha waanyigaanire kwiya kasatu.”


Ejire aarebherera mw‑irango rya omusi, ˆnaabhugana na abhaanu bhayangirega omutumbi. Omutumbi ogwo aariga ari musigaji umwi era ku‑nyiramwene, na nyiramwene aariga ari mutumbagasi. Omugasi oyo aamwi na abhaanu abhandi bha mu‑musi ogwo, bhaariga nibhagenda okusiika omutumbi ogwo.


Yeesu ˆnaafogera kw‑iraro rinu ryariga riri‑ko omutumbi, ˆnaarikuunʼya‑ko. Abhaanu bhanu bhaariga bhayangire omutumbi ogwo, nibheemereeguru. Yeesu ˆnaabhwira omutumbi ogwo ati, “Mumura awe, enikubhwira ati, iimuka!”


Rusuku rumwi, Yeesu aariga ari rubhaara rurebhe, ˆnaasabhwaga Nyamuwanga. Ejire aamara okusabhwa, owumwi wa abheeyigisibhwa bhaaye ˆnaamubhwira ati, “Raatabhugenyi, nuuchiiyigisye kutyo chiraasabhwega Nyamuwanga, rwa kutyo Yowana Omubhatiija ꞉eeyigisiisye abheeyigisibhwa bhaaye.”


Nawe, Raatabhugenyi Yeesu ˆnaabhabhwira ati, “Emwe Abhafarisaayo, omwiyesya kwa okwosya omutawo na orutubha anja, nawe mu‑myoyo jeemwe mwijuuywe obhusaakusi na obhujabhi.


Raatabhugenyi Yeesu ˆnaamusubhya ati, “Mbe, ni mubhiiki ki omwiyikanyibhwa na owa obhwengeeso? Ni mubhiiki unu omwami waaye kaawura okubha omwimereegururu omukuru ku‑bhakosi bheejaabho, korereki abhayaane omuyeero gwebhwe ku‑mwanya gwaye.


Omwene ˆnaabhasubhya ati, “Araabha mukabheeye na eriikirisya ritooto, rwa akaro ka iyaradaari, mwakabhwiriiye rikuyu rinene rinu ati, ‘Iiyika anu, ugende, wiiyambe mu‑nyanja!’ ryakabhagayukire.


Niwo, Raatabhugenyi Yeesu, ˆnaagenderera okwayika ati, “Mutegeresye emisango ja omuramusi omubhiibhi oyo jinu ꞉aayikire!


Nawe, Jaakayo ˆneemereeguru, ˆnaabhwira Raatabhugenyi ati, “Raatabhugenyi ringira! Woori kutya, risinja rya omwandu gwani enigabhira abhataka. Araabha ꞉naateesiisye omuunu woonewoone echiinu, enimusubhisya kwiya kana ya chinu ꞉naamuteesiisye.”


Nibheengira mu‑fwa omwo, nawe ꞉bhataarorere‑mo omubhiri gwa Raatabhugenyi Yeesu.


Mbe, Yeesu ꞉oonguuwe ati Abhafarisaayo ꞉bhaabhwiriiywe ati kaabhatiija, ka wone ati kaabhona abheeyigisibhwa bhaafu okukira Yowana.


Niwo, abhaanu abhandi nibhaaja na jingama okusooka mu‑musi gwa Tibheeriyo, nibhakinga anu echise cha abhaanu ꞉bhaariiye emikaate, omwanya gunu Raatabhugenyi Yeesu ꞉aamarire okusiima Nyamuwanga.


Mbe, abhayara bhaabho Rajaaro, nibhatuma omuunu okugenda ku‑Yeesu okumubhwira ati, “Raatabhugenyi, omusaani waawo Rajaaro ni murwaye.”


Swiv nou:

Piblisite


Piblisite