Ruuka 5:1 - Indagano Inyaaya mu-Chijita

¹ Rusuku rumwi, Yeesu aariga eemereeguuyu ku‑ngego ya omwaro gwa Genejareeti, enu ˆneeyigisyaga echise cha abhaanu omusango gwa Nyamuwanga. Abhaanu nibhamufogera‑ko, okukingira nibhamuyiganya korereki bhamutegeresye.

INDAGANO INYA:YA

¹ Ebise wejire byamuiganya korereki bongwe omusango gwa Nyamuanga, omwene ariga e:mereguyu ku njekekera ya inyanja ya Genesareti.

Ruuka 5:1 Referans Kwoze

Mariko 3:9

Yeesu ˆnaabhwira abheeyigisibhwa bhaaye ati bhamwiraabhire ingama, kwa okubha echise chirya chaariga chiri chinene muno, korereki chikamuyiganya, eengire mu‑ngama omwo.

Matayo 14:34

Yeesu na abheeyigisibhwa bhaaye bhejire bhaambuka inyanja, nibhakinga mu‑chaaro cha Genejareeti.

Mariko 6:53

Yeesu na abheeyigisibhwa bhaaye bhejire bhaambuka inyanja, nibhakinga mu‑chaaro cha Genejareeti. Nibheesa inanga ku‑ngego awo.

Matayo 11:12

Okusookerera jisiku jinu Yowana Omubhatiija aariga ˆnaaraasya okukingira reero inu, abhaanu abheekomeesya okwingira mu‑bhukama bhwa mu‑rwire kwa amanaga, na abhaanu bha amanaga nibho abhabhubhona.

Ruuka 12:1

Omwanya ogwo, abhaanu ebhiwumbi na ebhiwumbi, bhaariga bheekofyanyiisye eyo, nibhakingira okutajana. Yeesu ˆnaamba okubhwira abheeyigisibhwa bhaaye ati, “Mwikenge obhwirimaanya bhwa Abhafarisaayo kwa okubha obhwirimaanya obhwo obhuswirana rwa echifwimbya.

Mariko 5:24

Yeesu ˆnaagenda na omukuru oyo. Echise echinene cha abhaanu chinu chaariga nichimuruubha, nichimuyiganyaga muno.

Ruuka 8:45

Yeesu ˆnaabhuusya ati, “Niga unu aankuunʼya‑ko?” Abhaanu bhoone bhejire bhaarema, Peetero wone ˆnaayika ati, “Mwami weeswe, ni bhaanu bhaafu bhanu abhakwiyinda na okukuyiganya!”

Mariko 4:1

Yeesu ˆnaamba okwiyigisya abhaanu rindi ku‑njekekera ya inyanja. Echise echinene muno cha abhaanu nichiikofyanya anu Yeesu aariga ari. Niwo ˆnaariinya mu‑ngama inu yaariga iri mu‑nyanja, ˆneenyanja omwo korereki bhaasiga okumuyiganya. Echise choone nichiimereeguru ku‑chaaro ku‑njekekera ya inyanja.

Ruuka 5:2

ˆNaarora amaato gabhiri, ku‑ngego ya omwaro ogwo. Abhakokoosi abheene, ꞉bhaagasigire awo, nibhagenda okwosya amagoobhe geebhwe.

Ruuka 8:22

Rusuku rumwi, Yeesu ˆnaariinya mu‑ngama na abheeyigisibhwa bhaaye. ˆNaabhabhwira ati, “Chaambuke inyanja, chije ku‑ngego eyindi.” Mbe, nibhagenda.

Ruuka 8:23

Omwanya gunu bhaariga bhachaagenda, Yeesu ˆnaagenda okuwongera. Bhejire bhaakinga mu‑bhusibha, nigutiimuka omuyaga mwafu muno gwa echiiwure! Ingama niyamba okwijura amanji nibhabha mu‑ngʼanga ya okutubhira.

Ruuka 8:33

Amasambwa ago gejire gaasooka ku‑muunu oyo, nigagenda nigeengira mu‑mbiiji ejo. Awoawo riyijo ryone rya jimbiiji niryoromoka rwa omuyaga ku‑chooromoko kurya, nirisingaarika mu‑manji.

Yowana 1:40

Omwiyigisibhwa owumwi ku‑bheeyigisibhwa abhabhiri bhanu ꞉bhoonguuwe emisango ja Yowana na okuruubha Yeesu, aariga ˆnaatogwa Andereya, omumura waabho Simooni Peetero.

Yowana 6:1

Ejo jejire jaawa, Yeesu ˆnaambuka inyanja ya Gariraaya, inu risiina erindi eyitogwa ati, inyanja ya Tibheeriyo.

Baeburania 13:7

Mwichuke abhatangasya bheemwe bhanu bhaariga nibhabheeyigisya omusango gwa Nyamuwanga. Mwiganirisye inguru ya jitungwa jeebhwe kutyo bhaariga bheekaaye, murorerega eriikirisya ryebhwe.