Ruuka 23:5 - Indagano Inyaaya mu-Chijita

⁵ Nawe abhaanu abho nibhakomeeresya nibhaayikaga ati, “Ku‑meeyigisyo gaaye, kaakungirisya abhaanu mu‑chaaro choone cha Abhayawudi. ꞉Aambiiye Gariraaya eyo, ka woori aakingire Yuudeya enu.”

INDAGANO INYA:YA

⁵ Nawe abe:ne nibongesya okukungirisya niba:ika ati, Kayoganya aba:nu, ne:igisya mu Buyaudi yo:ne, ambiye Galilaya kukinga na anu.

Ruuka 23:5 Referans Kwoze

Yowana 2:11

Yeesu ꞉aakorere echibharikisyo echo mu‑musi gwa Kaana mu‑mukoowa gwa Gariraaya. Echo nicho echibharikisyo cha okwamba chinu ꞉aakorere okweresya rikusyo ryaye, na abheeyigisibhwa bhaaye nibhamwikirisya.

Yowana 1:43

Mwejo yende‑ko, Yeesu ˆnaaramura okugenda mu‑mukoowa gwa Gariraaya. Niwo ˆnaasongʼana Firipo, ˆnaamubhwira ati, “Nuunduubhe.”

Mariko 1:14

Nijitura siku nyafu, Yowana ˆnaabhoywa mw‑ibhoyero. Omwanya gunu aariga ari mw‑ibhoyero, Yeesu ˆnaagenda mu‑mukoowa gwa Gariraaya, ˆnaaraasyaga Emisango ja Ekisi ja Nyamuwanga.

Matayo 4:23

Yeesu aaturaga enu na erya mu‑mukoowa gwone gwa Gariraaya. Eengiraga mu‑nju ja ameekofyanyo ga Abhayawudi na okwiyigisya abhaanu omwo. Aariga wone ˆnaaraasisya abhaanu Emisango ja Ekisi inguru ya obhukama bhwa mu‑rwire na okuwosya abhaanu abha amarwara ga mbaga nyafu.

Ebikorwa 23:10

Injogere niigenderera okukanya, okukingira omukuru wa abhasirikare urya ˆnaayaya, ˆneetogera ati bhakatabhuuye Pawuro bhibhaarabhaara. Kurwa ejo, ˆnaaragirira abhasirikare bhagende bhamusoosye agatigati ya abhaanu bharya kwa amanaga na okumwingisya mu‑runengo rwa obhutungi.

Ebikorwa 10:37

Omumenya emisango jinu ꞉jaakorekeene mu‑chaaro choone cha Yuudeya okwambira Gariraaya, Yowana ejire aamara okuraasisya abhaanu ati, bhabhatiijiibhwe.

Ebikorwa 7:57

Nawe abhakuru bha Abhayawudi abho nibhamwaya muno, nibhasibhaga amatwi geebhwe kwa amabhoko. Bhoone nibheejungira Tefwano kwa obhumwi, nibhamugwata,

Ebikorwa 7:54

Abhakuru bha Abhayawudi abho bhejire bhoongwa emisango ja Tefwano ejo, nibhabhiyirwa muno, nibhaguguna ameeno kwa risungu.

Ebikorwa 5:33

Abhakuru abho bhejire bhoongwa ejo, ꞉bhaabhiyiiywe muno, bhaariga nibheenda okwita jitumwa ejo.

Yowana 19:15

Abheene nibhamwaya, nibhaayikaga ati, “Nuumwite, nuumwite! Nuumubhumiirire ku‑musarabha!” Piraato ˆnaabhabhuusya ati, “Angu, omwenda nibhumiirire ku‑musarabha omukama weemwe?” Abhakuru bha abhagabhisi nibhamusubhya ati, “Eswe chitari na omukama owundi, tari Kayisaari eenyere!”

Yowana 7:52

Abheene nibhasubhya Nikodeemu ati, “Si, noorwo awe wone usookere Gariraaya? Genda utatirisye kisi mu‑Bhikaame Ebhyeru, owuja okusombookerwa ati, atari‑wo omuragi unu kaasookerera mu‑mukoowa gwa Gariraaya.”

Yowana 7:41

Abhaanu abhandi nibhaayika ati, “Omuunu unu niwe Kirisito.” Nawe abhandi nibhaayika ati, “Wuri, Kirisito atakutura okusooka mu‑mukoowa gwa Gariraaya.

Ruuka 23:23

Nawe, abhaanu abho nibhagenderera okumwaya muno ati, Yeesu abhumiirirwe ku‑musarabha. Ku‑bhuteero, amaraka geebhwe nigayiga.

Ruuka 11:53

Omwanya gunu Yeesu ꞉aasookere awo, Abhafarisaayo na abheeyigisya bha ebhiraagiro bhya Muusa, nibhaamba okubha abharuru muno ku‑mwene. Bhaariga nibhamubhuusirisya inguru ya emisango myafu,

Matayo 27:24

Piraato ejire aamenya ati atakutura okuyindura obhwiganirisya bhwa abhaanu bharya ka wone ꞉bhaambire injogere, ˆnaagega amanji ˆneesaabha amabhoko gaaye imbere yeebhwe. Niwo ˆnaabhabhwira ati, “Anye nitari na echikayo choonechoone ku‑rufu rwa omuunu omurengeresi unu. Omusango gunu gubhe inguru yeemwe abheene!”

Matayo 2:1

Yeesu ꞉eebhuriiywe mu‑musi gwa Bhetereyeemu mu‑mukoowa gwa Yuudeya, omwanya gwa obhutungi bhwa omukama Yeroode. Mbe, ku‑mwanya ogwo, nigwo abhasombookerwa bha jinjota okusooka ebhuwuruka esuubha, ꞉bhaakingire mu‑musi gwa Yerusareemu. Bhejire bhaakinga omwo, nibhabhuusya abhaanu ati,

Matayo 11:1

Yeesu ejire aamara okuragirira abheeyigisibhwa bhaaye ekumi na bhabhiri, ˆnaasooka awo, ˆnaagenda mu‑musi ogundi gwa Gariraaya okwiyigisya na okuraasisya abhaanu eyo.

Ruuka 23:6

Piraato ejire oongwa ejo, ˆnaabhuusya araabha Yeesu ni Mugariraaya.