Ruuka 22:12 - Indagano Inyaaya mu-Chijita

¹² Niwo omwene inju kaja okubheeresya echisago echinene mu‑bhutingo. Echisago echo chiri‑mo bhuri chiinu. Muchiiraabhire ebhiryo bhya Okwambuka omwo.”

INDAGANO INYA:YA

¹² Mbe oyo kajo:be:resya inyumba nene eya inguru irebekere. Muci:ra:bire omwo.

Ruuka 22:12 Referans Kwoze

Ebikorwa 1:13

Bhejire bhaakinga mu‑musi gwa Yerusareemu, nibhagenda nibhariinya mu‑chisago cha mu‑bhutingo munu bhaariga bheekaaye kwa siku nooto. Jitumwa ejo nibho bhanu, Peetero, Yowana, Yakobho, Andereya, Firipo, Tomaasi, Bhatoromaayo, Mataayo, Yakobho omwana wa Arufwayo, Simooni unu aariga ari Omujeroote na Yuuda omwana wa Yakobho.

Yowana 2:25

Omwene ꞉ateendere omuunu woonewoone okumubhwira jinu abhaanu bheeganirisyaga, kwa okubha ꞉aamenyere joone jinu jaariga jiri mu‑mwoyo gwa bhuri muunu.

Ebikorwa 20:8

Anu chaariga chiikumanyisiisye, chaariga chiri mu‑chisago chinu chaariga chiri mu‑bhutingo. Omwo jaariga jiri‑mo jidara nyafu nijaakaga.

Yowana 21:17

Yeesu ˆnaabhuusya Peetero rwa kasatu ati, “Simooni, omwana wa Yowana, angu unyendere?” Mbe, Peetero ˆnaasurumbara kwa okubha ꞉aamubhuusiisye rwa kasatu ati, “Angu, unyendere?” ˆNaamusubhya ati, “Raatabhugenyi, awe umenyere joone. Umenyere ati nikwendere.” Yeesu ˆnaamubhwira ati, “Yangarira jinaama jaani.

Ruuka 22:11

Mumubhuusye omwene inju eyo ati, ‘Omwiyigisya kaabhuusya ati, “Angu chiri aaki echisago cha abhagenyi chinu eneenda okuriira‑mo ebhiryo bhya Okwambuka aamwi na abheeyigisibhwa bhaani?”’

Ruuka 22:13

Mbe, abheeyigisibhwa abho, nibhagenda nibhasongʼana joone jiri rwa kutyo Yeesu ꞉aabhabhwiriiye. Nibheeraabha ebhiryo bhya Okwambuka omwo.