Ruuka 21:12 - Indagano Inyaaya mu-Chijita

¹² “Nawe, ejo joone jichaari okukorekana, bharibhagwata na okubhanyaasya, bharibhasira mu‑nju ja ameekofyanyo geebhwe na okubhabhoya mu‑mabhoyero. Bharibhasira imbere ya abhakama na abhatungi, inguru yaani.

INDAGANO INYA:YA

¹² Nawe ebyo byone bicari kubao, baribagwata, nibabanya: sya, nibabata mu mekofyanyisyo na mu mabubusi, nibabasira ku bakama na ku bakuru kurwa risi:na ryani.

Ruuka 21:12 Referans Kwoze

1 Petero 2:13

Mugayukega abhatungi bha abhaanu inguru ya Raatabhugenyi Yeesu. Mugayukega omukama, kwa okubha omwene niwe omutangasya weemwe omukuru ku‑chaaro.

Ebikorwa 22:30

Omukuru wa abhasirikare oyo eendaga okumenya bhuri chiinu chinu echikora Abhayawudi abho bhasitaake Pawuro. Mbe, bhwejire bhwacha, ˆnaamwigurira, ˆnaaragirira ati, abhakuru bha abhagabhisi bheekumanye aamwi na abhakuru abheejaabho bhoone bha ribharaja rikuru rya Abhayawudi. Bhejire bhaamara okwikofyanya, ˆnaareeta Pawuro na okumwimereegusyu agati yeebhwe.

Ebikorwa 9:4

ˆNaagwa aasi, ˆnoongwa obhuraka nibhumubhuusya ati, “Saawuri awe! Saawuri awe! Ni kurwa ki owunnyaasya?”

Ebikorwa 8:3

Omwanya ogwo Saawuri ˆnaamba okunyaasya abheekirisya bha Yeesu. Omwene aariga ˆneengira mu‑nju jeebhwe, ˆnaagwataga abharume na abhagasi kwa amanaga, ˆnaabhasira mw‑ibhoyero.

Ebikorwa 5:40

Kurwa ejo, ritongera rya Gamaryeri eryo, niriikirisibhwa na abheejaabho abho. Bhejire bhaamara, nibhabhirikira jitumwa mw‑ibharaja eryo, nibhabhabhuma simbo nyafu. Nibheeya nibhabhagaanya ati, bhasige okubhwira abhaanu kw‑isiina rya Yeesu, nibhabhataatira, nibhagenda.

Yowana 15:20

Mwasiga okurabhirwa omusango gunu ꞉naabhabhwiriiye ati, ‘Omugaya atakutura okubha omukuru okukira omwami waaye.’ Mbe, araabha ꞉bhaanyaasiisye anye, emwe wone bharibhanyaasya. Nawe araabha ꞉bheekirisiisye ameeyigisyo gaani, ageemwe wone abhaja okugeekirisya.

Matayo 22:6

Abhandi nibhagwata abhakosi bha omukama, nibhabhabhuma na okubheeta.

Obhusweruro 2:10

Musige okuubhaya ebhinyaasyo bhinu bhiribhaaja‑ko. Muringire! Syetaani aribharegeeja kwa okutuura abhandi agati yeemwe mw‑ibhoyero. Emwe murinyaaka siku ekumi. Nawe mubhe abheeyikanyibhwa kw‑anye noorwo okukingira mufwe, anye niribhayaana orutengya rwa obhuwanga bhwa akajaanende koone.

Matayo 24:8

Ejo joone jiribha rwa obhwambiro bhwa obhusungu bhwa omugasi unu keenda okwibhura.

Ruuka 21:11

Bhuri rubhaara riribha‑wo rinyamutikima rya echaaro, omweko omururu kabhukabhu, na amarwara amawuute amabhiibhi muno. Echibharikisyo echinene chirisookerera ku‑rutumba. Abhaanu bharirora emisango emisito jinu jiribhakanga muno.

Yowana 15:21

Nawe abhaja okubhakorera joone ejo kwa okubha omunduubha, ka wone kwa okubha bhatakumenya unu antumire.