Ruuka 16:9 - Indagano Inyaaya mu-Chijita

⁹ Ka wone, enibhabhwira ati, obhuniibhi bhwa echaaro chinu bhuriwaa‑wo. Woori, musakirega abhaanu abhandi ku‑bhuniibhi bhunu muri nabhwo, niwo muribhonera abhasaani. Araabha murikora kutyo, Nyamuwanga aribhakuma mu‑bhwikaro bhwaye bhwa akajaanende koone.

INDAGANO INYA:YA

⁹ Anye enibabwira ati, Mutaranega obusa:ni nimukorera jimpirya jo burangirangi, korereki jikawao, babakume emwe mu bwikaro bunyatawao.

Ruuka 16:9 Referans Kwoze

Matayo 19:21

Yeesu ˆnaamubhwira ati, “Araabha oweenda okubha omuunu unu akuumiiye, genda ugusye ebhiinu bhyone bhinu uri nabhyo, jipirya jinu uribhona, ugabhire abhataka. Urikora kutyo uribhiikira ebhibhiikwa mu‑rwire. Urimara, uuje unduubhe.”

Matayo 6:24

“Atari‑wo omukosi unu kaatura okukorera abhaami bhabhiri ku‑mwanya gumwi. Aakakora kutyo, kaatura okusoka omwami umwi na okwenda owundi, amwi okuyaana echibharo owumwi na okugaya owundi. Kurwa ejo, mutakutura okukorera Nyamuwanga na obhuniibhi ku‑mwanya gumwi!

Ruuka 16:11

Araabha mukarema okubha abheeyikanyibhwa ku‑bhuniibhi bhwa ku‑chaaro anu, niga unu aribheekirisya ku‑bhuniibhi bhwa echimari bhwa mu‑rwire?

Ruuka 14:14

Niwo uriyaanwa amabhando, kwa okubha abheene abho bhatari na echiinu cha okukuriya. Kurwa ejo, Nyamuwanga arikuriya omwanya gunu arisuurura abharengeresi.”

Ruuka 12:33

Mugusye ebhiinu bhyemwe, jiyera jinu omuja okubhona okuruubhana na ebhiinu ebhyo, muyaane abhataka. Mwibhariirire jisagwa jinu jitakunyamuka, na okwibhiikira ebhibhiikwa mu‑rwire anu bhitakugeruka‑ko. Eyo niwo omwifi atakukinga, korereki eebhe, noorwo amayeenje gatakunyamura.

Ruuka 11:41

Muyaanega abhanare ebhiinu kwa emyoyo jeemwe joone, niwo bhyone ebhibha bhyosiibhwe kwa emwe.

2 Bakorinto 4:17

Enaayika kutyo, kwa okubha ebhinyaasyo bhyeswe ni bhyangu na ni bhya kasinjeeke era. Ka wone, ebhichireetera rikusyo rya akajaanende koone. Rikusyo eryo ni ryafu muno, okukira ebhinyaasyo bhyone.

Ruuka 16:13

Atari‑wo omukosi unu kaatura okukorera abhaami bhabhiri ku‑mwanya gumwi. Aakakora kutyo, kaatura okusoka omwami umwi na okwenda owundi, amwi okuyaana echibharo owumwi na okugaya owundi. Kurwa ejo, mutakutura okukorera Nyamuwanga na obhuniibhi ku‑mwanya gumwi!”

Ebikorwa 10:31

ˆNaambwira ati, ‘Koroneeriyo, Nyamuwanga oongwa risabhwa ryawo, aarora na kutyo owusakira abhanare.

Matayo 6:19

“Mwasiga okwibhiikira ebhibhiikwa ku‑chaaro kunu, anu amayeenje na obhutaretare ebhinyamura na abheefi abhafumura orwigi korereki bheebhe.

Yuuda 1:21

Kwa okukora kutyo, mwiyangarirega mu‑ryenda rya Nyamuwanga, nimugenderera okurindirira obhuwanga bhwa akajaanende koone, bhunu muriyaanwa na Raatabhugenyi weeswe Yeesu Kirisito ku‑chigongo chaaye.

Ebikorwa 10:4

Koroneeriyo ˆnaaroreerera maraayika oyo kwa obhuubha, ˆnaamubhuusya ati, “Mwami waani, chaabha‑wo ki?” Maraayika oyo ˆnaamubhwira ati, “Nyamuwanga oongwa risabhwa ryawo, aarora na kutyo owusakira abhanare. Ejo joone, kaajimenya na okujikondererwa mu‑rwire.

Ruuka 16:4

Mbe woori, nimenyere omusango gunu enija okukora, korereki omwanya gunu enija okubhirimibhwa emirimu, abhaanu bhankumega iika eweebhwe.’