Ruuka 16:8 - Indagano Inyaaya mu-Chijita

⁸ “Mbe, omwami oyo, ejire aamenya emisango ejo, ˆnaakuuya omwangarisi oyo, ku‑bhwenge bhwaye bhunu ꞉aakorere. “Naabhabhwira echijekekanyo echo, kwa okubha, abhaanu bhanu abhanyaakirira emisango ja ku‑chaaro chinu, bhari na obhwengeeso muno bhwa okusakirana abheene kwa abheene, okukira abhaanu bhanu abhagayuka emisango ja Nyamuwanga.

INDAGANO INYA:YA

⁸ Mbe esebugenyi nakuya omubi:ki omurangirangi, okuba akora eco bwenge. Okuba aba:na ba magoro ganu ni bengeso mwiimbo ryebwe kukira aba:na bo bweru.

Ruuka 16:8 Referans Kwoze

1 Batesalonika 5:5

Emwe bhoone muri bhaana bha obhweru, ka wone muri bhaana bha mu‑mwisi. Emwe na eswe, chitari bhaana bha mu‑ngeta noorwo bha mu‑chisuute.

Baefeso 5:8

Okubha, omwanya gunu guturire, emwe mwariga muri chisuute, tari woori anu muri bhweru mu‑kubha na obhumwi na Raatabhugenyi. Mbe muramega rwa abhaana bha obhweru,

Ruuka 16:10

“Omuunu omwiyikanyibhwa ku‑misango emitooto, ni mwiyikanyibhwa noorwo ku‑misango eminene. Nyabhuriko, omuunu unu atari mwiyikanyibhwa ku‑misango emitooto, ataribha omwiyikanyibhwa noorwo ku‑misango eminene.

Yowana 12:36

Omwanya gunu muri na obhweru, mwikirisye obhweru obhwo, korereki mubhe abhaana bha obhweru.” Yeesu ejire aamara okwayika emisango ejo, ˆnaasiga echise echo, ˆnaagenda okwiyibhisa.

1 Yoana 3:10

Nawe, omuunu woonewoone unu atakukora eja rirenga atari mwana wa Nyamuwanga, nyabhuriko omuunu unu atakwenda oweejaabho atari mwana wa Nyamuwanga. Obhwo nibhwo obhutaasyanya bhunu bhuri agati ya abhaana bha Nyamuwanga na abhaanu bha Syetaani.

Ruuka 16:4

Mbe woori, nimenyere omusango gunu enija okukora, korereki omwanya gunu enija okubhirimibhwa emirimu, abhaanu bhankumega iika eweebhwe.’

Ruuka 20:34

Yeesu ˆnaabhabhwira ati, “Abhaanu bha ku‑chaaro chinu abhatwara na okutwarwa.

1 Petero 2:9

Nawe emwe muri rwibhuro orusorwa, muri bhugabhisi bhwa echikama, echise cha abheeru, abhaanu bhanu mwawuuywe na Nyamuwanga, korereki muraasye ebhikorwa bhyaye ebhikuru. Omwene ꞉aabhabhirikiiye okusooka mu‑chisuute, mwingire mu‑bhweru bhwaye bhwa okuruguusya.

Bafilipi 3:19

Abhaanu abho bharisingaarisibhwa ku‑bhuteero, kwa okubha inda niryo risambwa ryebhwe. Abheene abheekuuyisya ebhikorwa bhya jiswaro bhinu abhakora. Ka wone abheeganirisya era emisango ja ku‑chaaro.

1 Bakorinto 3:18

Omuunu woonewoone agati yeemwe aasiga okwijiga ati ari na obhwengeeso. Araabha omuunu aakeerora ati ari na obhwengeeso ku‑chaaro chinu, abhe ˆneekora ati ni mumuumu korereki abhone obhwengeeso bhwa echimari.

Ruuka 18:6

Niwo, Raatabhugenyi Yeesu, ˆnaagenderera okwayika ati, “Mutegeresye emisango ja omuramusi omubhiibhi oyo jinu ꞉aayikire!

Matayo 17:26

Peetero ˆnaamusubhya ati, “Abhatobhesya ku‑bhandi.” Yeesu ˆnaamubhwira ati, “Araabha nikwo kutyo, mbe abhaana bheebhwe bhafwiriiywe echigongo okutobha rigooti.

Matayo 12:32

Ka wone, Nyamuwanga arifwira echigongo abhaanu bhanu abhanyayika kubhiibhi, anye Omwana wa Omuunu. Nawe atarifwira echigongo abhaanu bhanu abhaayika kubhiibhi Mwoyo Mweru, ku‑mwanya gunu, amwi gunu oguuja.

Ruuka 16:7

“Ejire aamara, ˆnaabhuusya wa kabhiri ati, ‘Awe owutongwa chiinu ki?’ Omwene ˆnaamusubhya ati, ‘Kaantonga amagunira egana ga obhuro.’ Omwangarisi oyo, ˆnaamubhwira ati, ‘Gega orupapura runu rukaamirwe‑ko ribhanja ryawo rinu, ukaame‑ko amagunira makumi gataanu na gasatu.’

Ruuka 20:35

Nawe, abhaanu bhanu Nyamuwanga ꞉aarorere ati bheeyire okusuuruka na okurama mu‑chaaro echiyaaya chirya, abho bhataritwara, noorwo bhataritwarwa