Ruuka 16:2 - Indagano Inyaaya mu-Chijita

² Mbe, omuniibhi oyo, ˆnaamubhirikira omwangarisi wa omwandu gwaye, ˆnaamubhwira ati, ‘Emisango emibhiibhi jinu enuungwa inguru yaawo, ni misango ki? Nuunyeresye echitabho cha obhukumi bhwa obhwitorotongyo bhwa omwandu gwani, kwa okubha utakutura okugenderera rindi okubha omwangarisi wa omwandu gwani!’

INDAGANO INYA:YA

² Namubirikira namubu:sya ati, ?Niki cinu enungwa kwawe? Bara obukumi bwo bubi:ki bwao, okuba utaca:tura kuba mubi:ki.

Ruuka 16:2 Referans Kwoze

Obhusweruro 20:12

Nindora abhafuuwe bhoone, abharera na abhakuru, bheemereeguuyu imbere ya echitebhe cha ingʼoma. Niwo ebhitabho bhinu bhyariga bhikaamirwe‑mo ebhikorwa bhya abhaanu bhoone nibhifumburwa. Echitabho echindi nichifumburwa, echo nicho echitabho cha obhuwanga. Abhafuuwe abho nibharamurwa okuruubhana na ebhikorwa bhyebhwe bhinu bhyariga bhikaamirwe mu‑bhitabho omwo.

1 Petero 4:10

Bhuri umwi weeswe ayaaywe echiyaanwa okusooka ku‑Nyamuwanga, korereki asakire abheejaabho. Kaakenwa okuchikorera emirimu kisi, rwa omwangarisi wa ekisi wa obhwitiriranya bhwa bhuri mbaga bhwa Nyamuwanga.

1 Petero 4:5

Nawe, abheene bharikenwa bheebhagire ku‑Nyamuwanga. Omwene atengeejere okuramura abhaanu bhoone abhaanga na abhafuuwe.

1 Timoteo 5:24

Abhaanu abhandi, ebhibhiibhi bhyebhwe ebhibhonekana abhwerubhweru, noorwo bhichaari okuramurwa. Nawe abhaanu abhandi, ebhibhiibhi bhyebhwe bhiiserekere, bhiriswerurwa omwanya gundi.

1 Timoteo 4:14

Komeera okukorera emirimu echiyaanwa chinu Nyamuwanga akuyaaye ku‑njira ya emisango ja obhuragi na okutuurirwa‑ko amabhoko aamwi na abhakaruka bha rikanisa.

2 Bakorinto 5:10

Nikwo kutyo, kwa okubha eswe bhoone chiriimereeguru imbere ya echitebhe cha indamu cha Kirisito, korereki bhuri umwi, ayaanwe omuyeero okuruubhana na kutyo ꞉aakorere ku‑chaaro kunu, jibhe ja kisi amwi mibhiibhi.

1 Bakorinto 4:5

Woori, mwasiga okuramura abhaanu omwanya guchaari kukinga, rindirira okukingira orusuku runu Raatabhugenyi Yeesu ariija. Omwene niwe arituura abhweru ebhiinu bhyone bhinu bhibhisirwe mu‑chisuute na okweresya bhinu bhiri mu‑myoyo ja abhaanu. Niwo bhuri muunu aribhona jikuma jinu jimwiyire, okusooka ku‑Nyamuwanga.

1 Bakorinto 4:2

Woori, omuunu unu ayaaywe emirimu, keendwa abhe omukosi omwiyikanyibhwa.

1 Bakorinto 1:11

Abhayiri bhaani, abhaanu abharebhe bha iika wa Koroowe ꞉bhaambwiriiye ati, iri‑wo inyombo agati yeemwe.

Barumi 14:12

Kurwa ejo, bhuri umwi weeswe, ariibhagira omwene imbere ya Nyamuwanga.

Ruuka 12:42

Raatabhugenyi Yeesu ˆnaamusubhya ati, “Mbe, ni mubhiiki ki omwiyikanyibhwa na owa obhwengeeso? Ni mubhiiki unu omwami waaye kaawura okubha omwimereegururu omukuru ku‑bhakosi bheejaabho, korereki abhayaane omuyeero gwebhwe ku‑mwanya gwaye.

Ruuka 12:20

“Nawe, Nyamuwanga ˆnaamubhwira ati, ‘Omutaamutaamu awe! Ingeta inu, owuja okwitwa! Ka ebhiinu bhyone bhinu wibhiikiiye, ebhija okubha bhyaga?’”

Matayo 12:36

Mbe, enibhabhwira ati, ku‑rusuku rurya rwa indamu, abhaanu bharisoosya obhukumi inguru ya bhuri musango omubhiibhi gunu ꞉bhaayikire.

Matayo 20:8

“Echisuute chejire cheengira, omwene esambu ˆnaabhwira omwangarisi wa emirimu jaaye ati, ‘Ubhirikire abhakosi bhoone, ubhariye omuyeero gwebhwe. Ukabhariya, wambe na abhakosi bhanu bhaaja ku‑bhuteero na umariisye na bhanu bhaaja ku‑bhwambiro.’

Ruuka 16:1

Ka wone, Yeesu ˆnaabhwira abheeyigisibhwa bhaaye echijekekanyo ati, “Aariga ari‑wo omuniibhi umwi. Omuniibhi oyo aariga ari na omwangarisi wa omwandu gwaye. Omwangarisi oyo, ˆnaasitaakibhwa ati, aariga ˆnaanyamura omwandu gwa omuniibhi waaye.

Ruuka 16:3

“Omwangarisi oyo, ˆneebhuusya ati, ‘Mwami waani keenda okumbirimya emirimu. Woori nikore kutiki? Nitari na amanaga ga okurima, na enirora jiswaro okusabhiirisya.