Obhusweruro 9:21 - Indagano Inyaaya mu-Chijita

²¹ ꞉Bhataataaye ebhibhiibhi bhyebhwe bhya okwitana, okuroga, okukora obhuromesi, noorwo obhwifi.

INDAGANO INYA:YA

²¹ Nibarema okuta mu bwiti bwebwe, amwi mu maiku gebwe, amwi mu buromesi bwebwe, amwi mu bwifi bwebwe.

Obhusweruro 9:21 Referans Kwoze

Obhusweruro 21:8

Nawe abhoobha, abhaanu bhanu bhatakwikirisya Nyamuwanga, bhanu abhamufuruurusya, abheeti, abharomesi, abharosi na bhanu abharamya amasusano, aamwi na abhabheeyi, bhoone abho orubhaara rwebhwe ni mu‑nyanja ya omuriro omururu gwa emisimu ja echibhiriiti. Okwo nikwo okufwa kwa kabhiri.”

Obhusweruro 22:15

Nawe, abharosi bhoone, abharomesi, abheeti, abhaanu bhanu abharamya amasusano na abhaanu bhoone bhanu abheenda okwayika orubheeyi, bharibha anja ya omusi ogwo rwa jimbwa.

Obhusweruro 17:5

Ku‑chisuusu chaaye, ryariga rikaamirwe‑ko risiina rinu obhugajuro bhwaryo bhwariga bhuri mbisike. Risiina eryene ni rinu, Omusi Omukuru gwa Bhaabheeri, Nyiramwene Abhagasi Bhanu Abheegusya Okwibhonera Ribhona na Owa Amafuruurusyo ga Echaaro.

2 Bakorinto 12:21

Enuubhaya ati, omwanya gunu niribhaaja‑ko rindi, Nyamuwanga waani arikora nirore jiswaro imbere yeemwe. Nirisurumbara okurora abhaanu bhaafu agati yeemwe bhanu ꞉bhaakorere ebhibhiibhi, bhachaari okubhita. Bhachaari na akatungiiywe karyakarya akabhiibhi ka obhujabhi, obhuromesi, na orukubho.

Obhusweruro 17:2

Abhakama bha echaaro ꞉bhaakorere obhuromesi nage, na abhaanu bhanu bheekaaye ku‑chaaro wone, bhakorerwe obhuromesi bhwaye rwa omuunu unu akorerwe echifuufu.”

Obhusweruro 18:3

Gwagwa kwa okubha abhaanu bha amaanga goone ꞉bhaanyweye echifuufu chaagwo, ꞉bhaakorerwe obhurigire bhwafu bhwa obhuromesi bhwagwo, abhakama bha echaaro ꞉bhaakorere obhuromesi nage. Abhakaani bha ebhiinu ku‑chaaro ꞉bhaaniibhire ku‑songa ya ebhibhiibhi bhyaye bhinu bhitari na indengo.”

Obhusweruro 16:6

Okubha abhaanu abhabhiibhi ꞉bheetire isagama ya abheeru bhaawo na abharagi bhaawo, Raatabhugenyi awe, wabhayaana isagama, bhanywe. Bheeyire jimbuma ejo!”

Obhusweruro 14:8

Neeya, maraayika owundi ˆnaaruubhira ˆnaayikaga ati, “Gwasingaarika! Omusi omukuru gwa Bhaabheeri gwasingaarika chimwi! Omusi ogwo ꞉gwanywesiisye abhaanu bha amaanga goone echifuufu echiruru kabhukabhu. Echifuufu echo ni obhuromesi bhwagwo.”

Bagalatia 5:20

okuramya amasusano, obhurosi, obhusoko, inyombo, okwigomba bhya abhandi, risungu, orwango, isoroore, okwitemyako,

Matayo 15:19

Mu‑mwoyo gwa omuunu, nimwo obhusooka obhwiganirisya obhubhiibhi, obhwiti, obhuromesi, obhusengani, obhwifi, obhubhambaasi bhwa orubheeyi na amafumo.

Obhusweruro 19:2

okubha indamu yaaye ni ya chimari na ya rirenga. Aaramura omugasi omukuru urya eegusyaga okwibhonera ribhona unu ꞉aanyamuuye echaaro ku‑bhusengani bhwaye. Nyamuwanga aasubhya orusiima, inguru ya isagama ya abhakosi bhanu omugasi oyo ꞉eetire.”

Obhusweruro 13:15

Rityanyi eryo niriyaanwa obhuturo bhwa okuyembera omwika gwa obhuwanga mw‑isusano rya rityanyi rya okwamba, korereki riture okwayika na okukora bheete abhaanu bhoone bhanu ꞉bhaaremere okuriramya.

Obhusweruro 13:13

Rityanyi rya kabhiri ꞉ryakorere ebhibharikisyo bhya okuruguusya, noorwo nirikora omuriro nigwika ku‑chaaro okusooka mu‑rutumba keenu abhaanu nibharora abhwerubhweru.

Obhusweruro 13:7

Niriikirisibhwa okurwana na abheeru bha Nyamuwanga, niribhayiga. Niriyaanwa obhuturo bhwa okutunga abhaanu bha jingʼanda joone, jinyaami joone, jinyaayika joone na abha amaanga goone.

Obhusweruro 9:20

Abhaanu bhanu ꞉bhataafuuwe ku‑tambara jinu ꞉jaabhwene abheejaabho, ꞉bhataataaye ebhibhiibhi bhyebhwe. ꞉Bhaagendereeye okuramirisya amasambwa na amasusano ga inaaryo, jipirya, isyabha, amabhuyi na jimbawu ganu ꞉bhaakonjere abheene. Amasusano ago gatakurora, gatakungwa, noorwo gatakuribhata.

Obhusweruro 17:4

Omugasi oyo aariga afwaye emyenda ja echigore ja irangi ya ijambarawu na itukurasi. Ka wone aariga enojooriisye kwa inaaryo, amabhuyi ga obhugusi obhurambu na iruuru. Mu‑kubhoko kwaye, aariga agwatire omutawo gwa inaaryo gunu gwariga gwijuuye amafuruurusyo na ebhiinu ebhijabhi bhya obhuromesi bhwaye.