Obhusweruro 9:1 - Indagano Inyaaya mu-Chijita

¹ Neeya maraayika wa kataanu wone ˆnaabhuma ingʼombi yaaye. Niwo nindora injota inu yaariga isookere mu‑rutumba, iguuye ku‑chaaro anu. Injota eyo, niiyaanwa orwiguriro rwa orwigi rwa eryobho rinu ritari na obhuteero.

INDAGANO INYA:YA

¹ Maraika wa kata:nu nabuma iŋombi, nindora injota ni:so:ka mu rwire ni:gwa ku ca:ro. Nayabwa orufunguro rwe ryobo rinu ritana bute:ro.

Obhusweruro 9:1 Referans Kwoze

Obhusweruro 8:10

Maraayika wa kasatu wone ˆnaabhuma ingʼombi yaaye. Niwo injota inene niigwa okusooka mu‑rutumba. Injota eyo, yaariga niseekaana rwa echisiriira, niigwa kw‑ibhaara rya kasatu rya emisima na erya emimiro ja amanji.

Obhusweruro 9:2

Niyiigura eryobho eryo, ingesi nyafu muno rwa ingesi ya obhuyi bhunene niisooka‑mo. Orutumba na risuubha nibhifundikirwa, nichibha chisuute ku‑songa ya ingesi eyo.

Barumi 10:7

Rindi Muusa aayikire ati, “Ka wone mwasiga okwayika ati, ‘Niga unu kaatura okwika emwaro okukinga nyombe?’” Okwayika kutyo kuri rwa okugenda okureeta Kirisito okusooka nyombe.

Obhusweruro 1:18

Naanye unu niri omuwanga! Naariga nifuuwe, nawe woori, rora, niri omuwanga rindi akajaanende koone! Ka wone, anye niri na jinyiguriro ja orufu na ja nyombe.

Obhusweruro 20:1

Nejire neeya, nindora maraayika ˆneekaga okusooka mu‑rwire. Maraayika oyo, aariga ari na orwiguriro rwa okwigurira eryobho rinu ritari na obhuteero na aariga agwatiriiye riseega rinene mu‑kubhoko kwaye.

Obhusweruro 17:8

Rityanyi rinu ꞉waarorere, ryariga riri aanga nawe woori ryafuuwe. Rityanyi eryo, riri yeeyi okusooka mu‑ryobho rinu ritari na obhuteero, korereki Nyamuwanga arisingaarisye. Abhaanu bhoone ku‑chaaro bhanu amasiina geebhwe ꞉gataakaamirwe mu‑chitabho cha obhuwanga echaaro chichaari okubhumbwa, bhariruguura aribha bhaarora rityanyi eryo ryariga riri‑wo, woori ritari‑wo na riribha‑wo rindi.”

Ruuka 8:31

Amasambwa ago, nigaamba okwirembeeresya Yeesu ati, aasiga okugaragirira okuja nyombe.

Obhusweruro 8:12

Maraayika wa kana wone ˆnaabhuma ingʼombi yaaye. Niwo ribhaara erimwi ku‑mbaara esatu ja risuubha, ja okwesi na ja jinjota, niribhumwa niribha chisuute. Orubhaara rwa kasatu rwa mu‑mwisi na mu‑ngeta nichibha chisuute chaafu muno.

Obhusweruro 8:2

Nejire neeya, nindora bhamaraayika bhataanu na bhabhiri bhanu abheemereeguruga imbere ya Nyamuwanga na bhuri umwi weebhwe ˆnaayaanwa ingʼombi.

Obhusweruro 20:10

Syetaani unu aabhajigaga, aryeswa mu‑nyanja ya omuriro omururu gwa emisimu ja echibhiriiti. Omwo nimwo ꞉ryeeserwe rityanyi rirya na omuragi omubheeyi urya. Abho bhoone bharinyaasibhwa omwo mu‑ngeta na mu‑mwisi, akajaanende koone.

Obhusweruro 1:20

꞉Waarorere jinjota etaanu na ebhiri mu‑kubhoko kwani kwa ebhuryo. ꞉Waarorere wone emitereko etaanu na ebhiri ja inaaryo ja okutuura‑ko jidara. Siga nikwiyigisye obhugajuro bhwa jimbisike ejo. Emitereko jirya ni amakanisa garya agataanu na gabhiri, jinjota jirya etaanu na ebhiri ni bhamaraayika bha amakanisa ago.”

Ruuka 10:18

Yeesu ˆnaabhasubhya ati, “꞉Naarorere Syetaani ˆneeka rwa orurabhyo okusooka mu‑rwire.

Obhusweruro 6:13

Jinjota nijigwa ku‑chaaro bhuyagayaga okusooka mu‑rutumba, rwa amatwasyo amaworofya kutyo agawunguruka omwanya gunu riiti erisingisibhwa na omuyaga omwafu.

Obhusweruro 11:7

Omwanya gunu bharimara okusoosya obhuragi bhwebhwe inguru ya Nyamuwanga, niwo rityanyi rinu ꞉ryariinyire okusooka mu‑ryobho rinu ritari na obhuteero, ririrwana nabho. Niribhayiga na okubheeta.