Obhusweruro 8:5 - Indagano Inyaaya mu-Chijita

⁵ Neeya maraayika oyo ˆnaagega ribhakuri ryaye, ˆnaawokoora amakara ga omuriro ku‑chigabhiro, ˆnaageejusya mu‑mabhakuri omwo, ˆnaayeesa ku‑chaaro anu. Nibhubha‑wo obhuraka bhwa ribharuka, nijibha‑wo jindabhyo na rinyamutikima rya echaaro.

INDAGANO INYA:YA

⁵ Maraika oyo nagega impiki, naijusya omuriro gwa ku cigabiro, naye:sa ku ca:ro. Nigabao amabaruka, na maraka, na jindafi, ne ciyararo.

Obhusweruro 8:5 Referans Kwoze

Obhusweruro 11:19

Niwo, orwigi rwa Riyekaru rya Nyamuwanga rya mu‑rwire nirwiguka. Risandikwa rya indagano ya Nyamuwanga niribhonekana mw‑Iyekaru eryo. Nindora jindabhyo na ninuungwa obhuraka bhwa ribharuka. Rinyamutikima rya echaaro niritura na niigwa ingʼubha nyafu muno ya amabhuyi amanene.

Obhusweruro 4:5

Echitebhe cha ingʼoma echo chaariga nichisoosya jindabhyo na amabharuka. Imbere yaacho, jaariga jiri‑wo jidara etaanu na ebhiri nijaakaga. Jidara ejo, nijo emyoyo etaanu na ebhiri ja Nyamuwanga.

Ebikorwa 16:26

Awo rinyamutikima rinene muno niritura mu‑chaaro nirisingisya orufuka rwa ribhoyero. Awoawo jinjigi joone nijiyigura ejeene era na amaseega goone ganu bhaariga bhabhabhoyeeye nigasuruumuka.

Obhusweruro 11:13

Omwanya ogwoogwo, rinyamutikima rinene rya echaaro niritura, ribhaara rimwi kw‑ikumi rya omusi nirigwa. Rinyamutikima eryo nirireterera abhaanu bhiwumbi bhitaanu na bhibhiri (7,000) okufwa. Abhaanu bhanu ꞉bhaawonere, nibhoobhaya, nibhakuuya Nyamuwanga wa mu‑rwire.

Obhusweruro 6:12

Nejire neeya, nindora Omwana wa Inaama ˆnaasuruumura imboyero ya kataanu na imwi ya obhurimbo. Omwanya gunu ꞉aayisuruumuuye, niribha‑wo rinyamutikima rinene muno rya echaaro. Risuubha ndiirabhura ti rwa amakara, okwesi nikutukura ka rwa isagama.

Ebikorwa 4:31

Bhejire bhaamara okusabhwa Nyamuwanga, inju inu bhaariga bheekofyanyiisye‑mo niitikima. Abho bhoone nibheejusibhwa na Mwoyo Mweru, nibhaamba okwiyigisya abhaanu omusango gwa Nyamuwanga kwa ribhaasi.

Ruuka 12:49

“Anye, ꞉neejire ku‑chaaro anu, korereki nikongeesye omuriro gwa okutaaganya abhaanu. Naakeendere muno okurora omuriro ogwo gukongesiibhwe!

Matayo 24:7

Echaaro chimwi chirirwana na echaaro echindi, na obhukama bhumwi bhurirwana na obhukama obhundi. Omweko na rinyamutikima rya echaaro bhirisookerera bhuri rubhaara.

Obhusweruro 8:3

Maraayika owundi ˆnaaja, ˆneemereeguru imbere ya echigabhiro. Maraayika oyo aariga agwatire ribhakuri rya inaaryo ya okwotera‑mo obhubhaani. ˆNaayaanwa obhubhaani bhwafu korereki abhusaasye na risabhwa rya abheeru bhoone bha Nyamuwanga, abhituure bhyone ku‑chigabhiro cha inaaryo chinu chiri imbere ya echitebhe cha ingʼoma.