Obhusweruro 7:4 - Indagano Inyaaya mu-Chijita

⁴ Nejire neeya, nimbwirwa obhukumi bhwa abhaanu bhanu bhaariga bhateeywe‑ko orunabho rwa Nyamuwanga. Obhukumi bhwebhwe bhoone bhwariga bhuri bhisira egana na makumi gana na bhana (144,000) okusooka mu‑ngʼanda joone ekumi na ebhiri ja Abhayisirayeeri.

INDAGANO INYA:YA

⁴ Ninungwa obukumi bwebwe banu bateyweko orunyamo, bariga bari 144,000 banu baso:kere mu ŋanda jo:ne ja ba:na ba Isiraeli.

Obhusweruro 7:4 Referans Kwoze

Obhusweruro 14:1

Nejire neeya, nindingira, nindora Omwana wa Inaama eemereeguuyu ku‑chiima chinu echitogwa Sayuuni na aariga ari aamwi na abhaanu bhisira egana na makumi gana na bhana (144,000). Abhaanu abho bhaariga bhakaamirwe ku‑bhisuusu bhyebhwe, risiina rya Omwana wa Inaama na risiina rya Esemwene.

Obhusweruro 14:3

Abhaanu abho, bhaariga bheemereeguuyu imbere ya echitebhe cha ingʼoma chirya, na imbere ya ebhibhumbwa bhina ebhiwanga bhirya na abhakaruka bharya makumi gabhiri na bhana. Abhaanu abho, bhaariga nibheemba orwimbo oruyaaya na atari‑wo omuunu owundi unu ꞉aaturire okwiyigira okwimba orwimbo orwo, tari abho bhaariga bhagurirwe okusooka ku‑chaaro.

Ruuka 22:30

Muriryaga na okunywa mu‑chikukuru ya obhukama bhwani na okwinyanja ku‑bhitebhe bhya obhutungi nimuramuraga jingʼanda ekumi na ebhiri ja Abhayisirayeeri.”

Matayo 19:28

Yeesu ˆnaabhasubhya ati, “Ni chimari enibhabhwira ati, anye Omwana wa Omuunu niriinyanja rwa omukama ku‑chitebhe chaani cha rikusyo mu‑chaaro echiyaaya. Niwo emwe wone bhanu munduubhire, muriinyanja ku‑bhitebhe bhya obhutungi ekumi na bhibhiri, okuramura jingʼanda ekumi na ebhiri ja Abhayisirayeeri.

Ebikorwa 26:7

Omurago ogwo, noorwo abhaanu bha jingʼanda jeeswe ekumi na ebhiri abheeyikanya ati Nyamuwanga aribhakuumisisya. Niyo isonga abhamuramya mu‑ngeta na mu‑mwisi. Mukama awe, obhwo nibhwo obhwiyikanyo bhwani bhunu obhukora Abhayawudi bhansitaake reero!

Obhusweruro 9:16

Nibhiija ebhise bhyafu bhya abhasirikare bhanu bhaariga bhariinyire ku‑fwaraasi. Ninuungwa ati obhukumi bhwebhwe bhwariga bhuri bhiwumbi makumi gabhiri kwiya bhiwumbi ekumi rimwi (200,000,000).

Yakobo 1:1

Inyarubha inu niikaamire anye Yakobho, omukosi wa Nyamuwanga na owa Raatabhugenyi Yeesu Kirisito. Enikaamira emwe jingʼanda ekumi na ebhiri, jinu jinyarambukire na okuja okwikara mu‑bhyaro bhyafubhyafu. Enibhakeesya!

Barumi 9:27

Ka wone, omuragi Iisaya ꞉aayikire inguru ya Abhayisirayeeri ati, “Noorwo kutyo Abhayisirayeeri ni bhaafu rwa omusenyi gwa ku‑nyanja, tari bhanu bharichungurwa, ni bhatooto.

Obhusweruro 7:5

Abhaanu ebhiwumbi ekumi na ebhiri okusooka bhuri oruganda ꞉bhaateeywe‑ko orunabho orwo. Ebhiwumbi ekumi na ebhiri okusooka mu‑ruganda rwa Yuuda, ebhiwumbi ekumi na ebhiri okusooka mu‑ruganda rwa Rubheeni, ebhiwumbi ekumi na ebhiri okusooka mu‑ruganda rwa Gaadi.

Ruuka 14:22

“Omugaya oyo ejire aasubha, ˆnaabhwira omwami oyo ati, ‘Mwami waani, omusango gunu waandagirira okukora, naagukuumisya. Noorwo kutyo, guchaari‑wo omwanya gwa abhandi okwingira.’