Obhusweruro 5:2 - Indagano Inyaaya mu-Chijita

² Niwo nindora maraayika owa obhuturo bhwafu, ˆnaamura obhuraka ˆnaayikaga ati, “Niga unu eeyire okusuruumura jimboyero ja obhurimbo ejo na okufumbura echitabho echo?”

INDAGANO INYA:YA

² Nindora maraika wa managa naragirisya na buraka bunene ati, ?Niga unu e:ire okuramburura ecitabo no kusurumura ebiboyero byendeko bita:nu na bibiri?

Obhusweruro 5:2 Referans Kwoze

Obhusweruro 5:5

Niwo umwi wa abhakaruka bharya ˆnaambwira ati, “Siga okurira! Ringira! Itare ya mu‑ruganda rwa Yuuda, unu ari orwibhuro orukuru rwa omukama Dawudi, ayigire. Omwene niwe eeyire okusuruumura jimboyero ja obhurimbo etaanu na ebhiri ku‑chitabho echo na okuchifumbura.”

Obhusweruro 10:1

Nejire neeya, nindora maraayika owundi wa obhuturo bhwafu, ˆneekaga okusooka mu‑rwire. Maraayika oyo, aariga afwaye eriire na omutwe gwaye gwariga gwiyindirwe‑ko rikoma rya ryabhaasi. Obhusu bhwaye bhwariga nibhungʼarabhya rwa risuubha. Amaguru gaaye gaariga gari rwa jingʼingi jinu ejiseekana omuriro.

Obhusweruro 18:21

Mbe, maraayika owumwi owa amanaga, ˆnaabhatura ribhuyi risito rwa orubhuyi rwa okuseera‑ko, ˆnaaryesa mu‑nyanja, ˆnaayika ati, “Ku‑managa maafu rwa kutya, omusi omukuru gwa Bhaabheeri guryeswa na okusingaarika chimwi.

Obhusweruro 5:1

Nejire neeya, nindora unu aariga eenyanjire ku‑chitebhe chirya cha ingʼoma ari na echitabho mu‑kubhoko kwaye kwa ebhuryo. Echitabho echo, chaariga chikaamirwe mbaara joone ebhiri, ka wone chaariga chibhoyerwe na jimboyero etaanu na ebhiri ja obhurimbo.