Obhusweruro 4:4 - Indagano Inyaaya mu-Chijita

⁴ Ka wone, echitebhe cha ingʼoma echo chaariga chisingiywe na ebhitebhe ebhindi makumi gabhiri na bhina bhya obhutungi. Ku‑bhitebhe ebhyo, bhaariga bheenyanjire‑ko abhakaruka makumi gabhiri na bhana. Abhakaruka abho, bhaariga bhafwaye emyenda emyeru na ku‑mitwe jeebhwe bhaariga bhafwaye jitengya ja inaaryo.

INDAGANO INYA:YA

⁴ Ecitebe co bukama cariga cisingiywe ebitebe byo bukama makumi gabiri na bina. Na ku bitebe ebyo bariga benyanjireko abakaruka makumi gabiri na bana, bafwaye bifwaro byeru, na ku mitwe jebwe bafwae ji:nenga ja jijaabu.

Obhusweruro 4:4 Referans Kwoze

Obhusweruro 11:16

Niwo abhakaruka makumi gabhiri na bhana bhanu bhaariga bheenyanjire ku‑bhitebhe bhyebhwe imbere ya Nyamuwanga, nibhagwa bhwifumbike na okuramya Nyamuwanga,

Matayo 19:28

Yeesu ˆnaabhasubhya ati, “Ni chimari enibhabhwira ati, anye Omwana wa Omuunu niriinyanja rwa omukama ku‑chitebhe chaani cha rikusyo mu‑chaaro echiyaaya. Niwo emwe wone bhanu munduubhire, muriinyanja ku‑bhitebhe bhya obhutungi ekumi na bhibhiri, okuramura jingʼanda ekumi na ebhiri ja Abhayisirayeeri.

Obhusweruro 4:10

Bhuri omwanya Nyamuwanga aariga ˆnaakuuyibhwa na ebhibhumbwa bhirya, abhakaruka makumi gabhiri na bhana bharya, bhaariga nibhagwa bhwifumbike imbere ya unu eenyanjire ku‑chitebhe cha ingʼoma na okumuramya. Omwene oyo, niwe omuwanga akajaanende koone. Wone bhaariga nibhafuura jitengya jeebhwe, nibhajituura imbere ya echitebhe cha ingʼoma, nibhaayikaga ati,

Obhusweruro 7:11

Bhamaraayika bhoone bhaariga bheemereeguuyu bheeyindire echitebhe cha ingʼoma, abhakaruka bharya na ebhibhumbwa bhina bhirya. Nibhagwa bhwifumbike imbere ya echitebhe echo, nibharamya Nyamuwanga,

Obhusweruro 20:4

Nejire neeya, nindora ebhitebhe bhya obhutungi bhinyanjirwe‑ko bhanu bhaariga bhayaaywe obhuturo bhwa okusoosya indamu. Abho, jaariga jiri emitima ja abhaanu bhanu ꞉bheetirwe isonga iri ati, ꞉bhaasoosiisye obhubhambaasi inguru ya Yeesu na okuraasya emisango ja Nyamuwanga. ꞉Bhataaramiisye rityanyi rirya noorwo risusano ryaryo. ꞉Bhateekirisiisye okutuurwa‑ko orunabho rwa rityanyi eryo ku‑bhisuusu bhyebhwe noorwo ku‑mabhoko geebhwe. Mbe abhaanu abho nibhasuuruka, nibhatunga aamwi na Kirisito emiguuga chiwumbi chimwi.

Obhusweruro 5:14

Ebhibhumbwa bhina bhirya nibhiitabhirisya, nibhyayikaga ati, “Jibhe kutyo!” Abhakaruka bharya wone nibhagwa bhwifumbike, nibharamya Nyamuwanga na Omwana wa Inaama.

Obhusweruro 5:8

Ejire aaramira echitabho echo, ebhibhumbwa bhirya na abhakaruka bharya nibhagwa bhwifumbike imbere yaaye. Bhuri umwi weebhwe aariga ari na indono na amabhakuri ga inaaryo geejuuywe obhubhaani. Obhubhaani obhwo niryo risabhwa rya abheeru bha Nyamuwanga.

Ruuka 22:30

Muriryaga na okunywa mu‑chikukuru ya obhukama bhwani na okwinyanja ku‑bhitebhe bhya obhutungi nimuramuraga jingʼanda ekumi na ebhiri ja Abhayisirayeeri.”

2 Timoteo 4:8

Woori nirindirira era okuyaanwa orutengya rwa okurama kwa obhurengeresi. Raatabhugenyi Yeesu, omuramusi wa rirenga, arinaana orusuku runu arisubha. Orutengya orwo nitariyaanwa anye era, tari na abhandi bhoone bhanu abharindirira kwa obhwiro okusubha kwaye.

Obhusweruro 19:4

Abhakaruka makumi gabhiri na bhana bharya, aamwi na ebhibhumbwa bhina bhirya, nibhagwa bhwifumbike, nibharamya Nyamuwanga unu aariga eenyanjire ku‑chitebhe cha ingʼoma, nibhaayikaga ati, “Jibhe kutyo! Nyamuwanga akusibhwe!”

Obhusweruro 7:9

Ejo jejire jaawa, nindingira, nindora echise echinene cha abhaanu chinu omuunu aariga atakutura okubhara. Abhaanu abho bhaariga bhasookere mu‑maanga goone, mu‑ngʼanda joone, mu‑nyaami joone na mu‑nyaayika joone. Abho bhoone bhaariga bheemereeguuyu imbere ya echitebhe cha ingʼoma na imbere ya Omwana wa Inaama. Abhaanu abho bhaariga bhafwaye emingiro jiinyeru na bhaariga bhagwatiriiye amatabhi ga jikinda mu‑mabhoko geebhwe.

Obhusweruro 19:14

Ebhise bhya abhasirikare bha mu‑rwire abhamuruubha inyuma. Abhasirikare abho bhafwaye jibhafuta jiinyeru pee, wone bhariinyire ku‑fwaraasi jiinyeru.

Obhusweruro 6:11

Niwo abhaanu bhoone bhanu ꞉bheetirwe, nibhayaanwa emingiro jiinyeru. Nibhabhwirwa ati, bharindirire‑wo katungu katooto, okukingira abhakosi bheejaabho, bhanu bhari abhayiri bheebhwe mu‑riikirisya, wone bheetwe rwa kutyo abheene ꞉bheetirwe. Niwo obhukumi bhwebhwe obhuja okukuumira.

Obhusweruro 9:7

Jiisige ejo, jaariga jiri rwa jifwaraasi jinu jiraabhirwe okuja okurwana riremo. Ku‑mitwe jaajo, bhyariga bhiri‑ko ebhiinu wuti jitengya ja inaaryo na obhusu bhwajo bhwariga nibhususana rwa obhusu bhwa abhaanu.

Obhusweruro 2:10

Musige okuubhaya ebhinyaasyo bhinu bhiribhaaja‑ko. Muringire! Syetaani aribharegeeja kwa okutuura abhandi agati yeemwe mw‑ibhoyero. Emwe murinyaaka siku ekumi. Nawe mubhe abheeyikanyibhwa kw‑anye noorwo okukingira mufwe, anye niribhayaana orutengya rwa obhuwanga bhwa akajaanende koone.

Obhusweruro 3:18

Kurwa ejo, enibhatongera mugure kw‑anye inaaryo inu yesiibhwe mu‑muriro korereki mubhe abhaniibhi. Mugure wone emyenda emyeru, muswikire obhutuyu bhwemwe korereki mutariiswara. Mugure omuti gwa okubhambaga ku‑meeso geemwe korereki mubhe na obhuturo bhwa okurora.

Obhusweruro 4:6

Ka wone, imbere ya echitebhe cha ingʼoma chaariga chiri‑wo echiinu wuti inyanja ya rirore. Inyanja eyo, yaariga iri rwa ribhuyi rinu eringʼarabhya muno. Agati ya echitebhe cha ingʼoma na abhakaruka bharya, bhyariga bhiri‑wo ebhibhumbwa bhina ebhya obhuwanga. Ebhibhumbwa ebhyo bhyariga bhisingiiye echitebhe cha ingʼoma mbaara joone. Ka wone, bhyariga bhiswirire ameeso bhuri orubhaara ku‑mibhiri jabhyo.

Obhusweruro 5:6

Niwo nindora Omwana wa Inaama eemereeguuyu ayeeyi na echitebhe cha ingʼoma. Wone aariga eyindirwe na ebhibhumbwa bhina bhirya na abhakaruka makumi gabhiri na bhana bharya. Omwana wa Inaama oyo, aariga ˆnaabhonekana wuti atemerwe omutwe. Ka wone aariga ari na amayembe gataanu na gabhiri na ameeso gataanu na gabhiri. Ameeso ago ni emyoyo etaanu na ebhiri ja Nyamuwanga jinu jaariga jitumirwe bhuri orubhaara ku‑chaaro choone.

Obhusweruro 5:11

Niwo nindora na okuungwa bhamaraayika bhaafu muno, ebhiwumbi na ebhiwumbi, bhaariga bhari bhanyatabharwa. Bhamaraayika abho bhaariga bheeyindire echitebhe chirya cha ingʼoma, ebhibhumbwa bhirya na abhakaruka bharya.

Obhusweruro 14:3

Abhaanu abho, bhaariga bheemereeguuyu imbere ya echitebhe cha ingʼoma chirya, na imbere ya ebhibhumbwa bhina ebhiwanga bhirya na abhakaruka bharya makumi gabhiri na bhana. Abhaanu abho, bhaariga nibheemba orwimbo oruyaaya na atari‑wo omuunu owundi unu ꞉aaturire okwiyigira okwimba orwimbo orwo, tari abho bhaariga bhagurirwe okusooka ku‑chaaro.