Obhusweruro 4:2 - Indagano Inyaaya mu-Chijita

² Awoawo Mwoyo Mweru ˆneeka inguru yaani, nindora echitebhe cha ingʼoma mu‑rwire eyo chiyanjirwe‑ko omuunu.

INDAGANO INYA:YA

² Aonao nimba mu Mwoyo. Mbe rora, ecitebe ca iŋoma cariga citeyweo mu rwire, na Unu acinyanjireko.

Obhusweruro 4:2 Referans Kwoze

Obhusweruro 1:10

Rusuku rumwi, ruri rusuku rwa Raatabhugenyi Yeesu, Mwoyo Mweru ˆneeka inguru yaani. Awoawo ninuungwa obhuraka obhunene inyuma yaani, obhuraka rwa bhwa ingʼombi.

Obhusweruro 5:1

Nejire neeya, nindora unu aariga eenyanjire ku‑chitebhe chirya cha ingʼoma ari na echitabho mu‑kubhoko kwaye kwa ebhuryo. Echitabho echo, chaariga chikaamirwe mbaara joone ebhiri, ka wone chaariga chibhoyerwe na jimboyero etaanu na ebhiri ja obhurimbo.

Obhusweruro 4:9

Ebhibhumbwa bhina ebhyo bhyariga nibhikuuya, nibhiyaana echibharo na okusiima unu eenyanjire ku‑chitebhe cha ingʼoma. Omwene oyo, niwe omuwanga akajaanende koone.

Obhusweruro 4:5

Echitebhe cha ingʼoma echo chaariga nichisoosya jindabhyo na amabharuka. Imbere yaacho, jaariga jiri‑wo jidara etaanu na ebhiri nijaakaga. Jidara ejo, nijo emyoyo etaanu na ebhiri ja Nyamuwanga.

Obhusweruro 5:13

Niwo ninuungwa ebhibhumbwa bhyone mu‑rwire eyo, ku‑chaaro anu, mu‑nyombe eyo na mu‑nyanja nibhiimba aamwi, “Omwene unu eenyanjire ku‑chitebhe cha ingʼoma, na Omwana wa Inaama, bhakusibhwe, bhayaanwe echibharo, bhayaanwe rikusyo na obhuturo akajaanende koone!”

Obhusweruro 21:10

Niwo Mwoyo Mweru ˆneeka inguru yaani, maraayika oyo ˆnaansira ku‑chiima echinene echireera. ˆNaanyeeresya omusi omweru Yerusareemu, nigwikaga okusooka mu‑rwire ku‑Nyamuwanga.

Baeburania 8:1

Omusango omunene mu‑joone ejo nigwo gunu. Eswe chiri na Omugabhisi Omukuru wa imbaga eyo, unu eenyanjire mu‑rwire eyo, orubhaara rwa ebhuryo rwa echitebhe cha ingʼoma cha Nyamuwanga owa obhuturo bhwone.

Obhusweruro 3:21

Omuunu woonewoone unu ariyiga, nirimwikirisisya okwinyanja aamwi na anye ku‑chitebhe chaani cha ingʼoma, rwa kutyo anye wone ꞉naayigire, woori niinyanjire na Raata waani ku‑chitebhe chaaye cha ingʼoma.

Obhusweruro 20:11

Nejire neeya, nindora Nyamuwanga eenyanjire ku‑chitebhe echeeru echinene cha ingʼoma. Orutumba na echaaro nibhiiruka okusooka imbere yaaye na ꞉bhitaabhonekeene rindi.

Obhusweruro 19:4

Abhakaruka makumi gabhiri na bhana bharya, aamwi na ebhibhumbwa bhina bhirya, nibhagwa bhwifumbike, nibharamya Nyamuwanga unu aariga eenyanjire ku‑chitebhe cha ingʼoma, nibhaayikaga ati, “Jibhe kutyo! Nyamuwanga akusibhwe!”

Obhusweruro 21:5

Neeya unu aariga eenyanjire ku‑chitebhe cha ingʼoma ˆnaayika ati, “Ringira, enikora bhuri chiinu okubha echiyaaya!” ˆNaambwira wone ati, “Kaama ati, ejo ni misango ja okwiyikanyibhwa na ja echimari.”

Obhusweruro 17:3

Mbe, Mwoyo wa Nyamuwanga ˆneeka inguru yaani. Maraayika oyo ˆnaankingya mw‑ibhara. Nejire naakinga eyo, nindora omugasi ariinyire kw‑ityanyi rirya rya okwamba. Rityanyi eryo ryariga riri ritukurasi, riri na emitwe etaanu na ebhiri na ameyembe ekumi. Ka wone, ryariga riswirire amasiina ga okufumirisya Nyamuwanga.

Obhusweruro 12:5

Neeya omugasi oyo ˆneebhura omwana wa echirume. Omwana oyo aritunga amaanga goone ga echaaro ku‑bhuturo obhukuru. Nawe riyoka eryo richaari okurya omwana oyo, ˆnaasaakurwa, ˆnaasirwa ku‑Nyamuwanga, ku‑chitebhe chaaye cha ingʼoma.

Obhusweruro 6:16

Nibhabhwira ebhiima ebhyo na amabhuyi ago ati, “Muchigwire! Muchibhise, korereki unu eenyanjire ku‑chitebhe cha ingʼoma asige okuchirora. Muchibhise, chiiruke risungu rya Omwana wa Inaama.

Matayo 22:43

Yeesu ˆnaabhabhuusya ati, “Araabha ejo ni ja chimari, ni kurwa ki Dawudi, omwanya gunu aatangasibhwaga na Mwoyo wa Nyamuwanga, ꞉aabhirikiiye Kirisito, ‘Raatabhugenyi’? ꞉Aayikire ati,

Obhusweruro 4:10

Bhuri omwanya Nyamuwanga aariga ˆnaakuuyibhwa na ebhibhumbwa bhirya, abhakaruka makumi gabhiri na bhana bharya, bhaariga nibhagwa bhwifumbike imbere ya unu eenyanjire ku‑chitebhe cha ingʼoma na okumuramya. Omwene oyo, niwe omuwanga akajaanende koone. Wone bhaariga nibhafuura jitengya jeebhwe, nibhajituura imbere ya echitebhe cha ingʼoma, nibhaayikaga ati,