Obhusweruro 3:21 - Indagano Inyaaya mu-Chijita

²¹ Omuunu woonewoone unu ariyiga, nirimwikirisisya okwinyanja aamwi na anye ku‑chitebhe chaani cha ingʼoma, rwa kutyo anye wone ꞉naayigire, woori niinyanjire na Raata waani ku‑chitebhe chaaye cha ingʼoma.

INDAGANO INYA:YA

²¹ Unu kaiga ndimuyana okwiyanja aamwi nanye ku citebe ca:ni eco bukama, rwanye one kutyo naigire nininyanja aamwi na Rata ku citebe cae eco bukama.

Obhusweruro 3:21 Referans Kwoze

2 Timoteo 2:12

Araabha echiigumiirisya, chiritunga aamwi nage. Araabha echimurema, omwene wone arichirema.

Matayo 19:28

Yeesu ˆnaabhasubhya ati, “Ni chimari enibhabhwira ati, anye Omwana wa Omuunu niriinyanja rwa omukama ku‑chitebhe chaani cha rikusyo mu‑chaaro echiyaaya. Niwo emwe wone bhanu munduubhire, muriinyanja ku‑bhitebhe bhya obhutungi ekumi na bhibhiri, okuramura jingʼanda ekumi na ebhiri ja Abhayisirayeeri.

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Obhusweruro 2:7

Unu kaategeresya, noongwe emisango jinu Mwoyo Mweru kaabhwira amakanisa. Woonewoone unu ariyiga, nirimwikirisisya okurya amatwasyo ga riiti rinu erisoosya obhuwanga bhwa akajaanende koone. Riiti eryo riri mu‑rwire mw‑isambu rya Nyamuwanga.

Matayo 28:18

Mbe, Yeesu ˆnaabhafogera‑ko, ˆnaabhabhwira ati, “Nyamuwanga anaaye obhuturo bhwone bhwa mu‑rwire na obhwa ku‑chaaro.

Ruuka 22:30

Muriryaga na okunywa mu‑chikukuru ya obhukama bhwani na okwinyanja ku‑bhitebhe bhya obhutungi nimuramuraga jingʼanda ekumi na ebhiri ja Abhayisirayeeri.”

Obhusweruro 20:4

Nejire neeya, nindora ebhitebhe bhya obhutungi bhinyanjirwe‑ko bhanu bhaariga bhayaaywe obhuturo bhwa okusoosya indamu. Abho, jaariga jiri emitima ja abhaanu bhanu ꞉bheetirwe isonga iri ati, ꞉bhaasoosiisye obhubhambaasi inguru ya Yeesu na okuraasya emisango ja Nyamuwanga. ꞉Bhataaramiisye rityanyi rirya noorwo risusano ryaryo. ꞉Bhateekirisiisye okutuurwa‑ko orunabho rwa rityanyi eryo ku‑bhisuusu bhyebhwe noorwo ku‑mabhoko geebhwe. Mbe abhaanu abho nibhasuuruka, nibhatunga aamwi na Kirisito emiguuga chiwumbi chimwi.

Obhusweruro 1:6

Achikorere okubha obhukama bhwa abhagabhisi korereki chikorere emirimu Nyamuwanga, Esemwene. Omwene ayaanwe rikusyo na obhuturo akajaanende koone! Jibhe kutyo.

Obhusweruro 12:11

Woori abheekirisya abheejaasu bhaayigire Syetaani ku‑sagama ya Omwana wa Inaama na ku‑bhubhambaasi bhunu bhasoosiisye. Okubha ꞉bhateeganire obhurame bhwebhwe, bhaariga bhatengeejere noorwo okufwa.

Obhusweruro 17:14

Bharigwatana na rityanyi eryo, okukora riremo na Omwana wa Inaama. Nawe Omwana wa Inaama aribhayiga, kwa okubha omwene niwe Raatabhugenyi wa bharaatabhugenyi na Omukama wa abhakama. Bhanu bhari aamwi nage nibho bhabhirikiiywe na okusorwa na Nyamuwanga, abheene ni bheeyikanyibhwa.”

Obhusweruro 7:17

Okubha, Omwana wa Inaama unu ari yeeyi na echitebhe cha ingʼoma aribha omureefi weebhwe. Aribhatangasya bhoone okuja ku‑mimiro ja amanji ganu agasoosya obhuwanga akajaanende koone. Nyamuwanga omwene aribheeya amasiga geebhwe goone.”

Obhusweruro 6:2

Niwo nindingira, nindora ifwaraasi iinyeru na omuunu ayiriinyire‑ko. Omuunu oyo aariga agwatiriiye obhukoma, ˆnaayaanwa orutengya rwa obhuyigi. ˆNaasooka mu‑rwire ari muyigi wa riremo korereki agenderere okuyiga rindi.

Matayo 25:21

“Mwami waaye ˆnaamubhwira ati, ‘Ukorere kisi muno. Awe uri mugaya wa ekisi na omwiyikanyibhwa! Wamaabha omwiyikanyibhwa ku‑bhitooto bhinu ꞉naakuyaaye, kurwa ejo enija okukukora okubha omwangarisi wa obhuniibhi bhwafu. Nuuwuuje chikonderwe aamwi.’

Obhusweruro 5:10

Awe ꞉waakorere abhaanu abho, bhabhe obhukama bhwa abhagabhisi, bhakorere Nyamuwanga emirimu, wone bharitunga ku‑chaaro.”

Obhusweruro 20:6

Obhusuuruko bhurya bhwa abhaana bha Nyamuwanga nibhwo obhusuuruko bhwa okwamba. Bhari na amabhando bhanu bharisuuruka mu‑bhusuuruko obhwo, ka wone nibho abheeru bha Nyamuwanga. Okubha okufwa kwa kabhiri kutaribha na amanaga inguru yeebhwe. Abho bharibha abhagabhisi bha Nyamuwanga na Kirisito, bharitunga aamwi nage ku‑mwanya ogwo gwa emiguuga chiwumbi chimwi.

Yowana 13:32

Araabha rikusyo rya Nyamuwanga eribhonekana okutura kw‑anye, mbe Nyamuwanga wone aryeresya abhaanu rikusyo ryani, anye Omwana wa Omuunu. Ka wone kaja okukora kutyo bhwangu.