Obhusweruro 3:18 - Indagano Inyaaya mu-Chijita

¹⁸ Kurwa ejo, enibhatongera mugure kw‑anye inaaryo inu yesiibhwe mu‑muriro korereki mubhe abhaniibhi. Mugure wone emyenda emyeru, muswikire obhutuyu bhwemwe korereki mutariiswara. Mugure omuti gwa okubhambaga ku‑meeso geemwe korereki mubhe na obhuturo bhwa okurora.

INDAGANO INYA:YA

¹⁸ Mbe nikubwire obwenge ati, nugure kwanye ijaabu inu yesibwe mu muriro, korereki uni:be. Ugure na jingubo jinyeru korereki ufware, jiswaro jo buju:re bwao jisige kuboneka. Ugure no muti gwo kubambaga ku me:so gao korereki urore.

Obhusweruro 3:18 Referans Kwoze

Obhusweruro 16:15

Raatabhugenyi Yeesu kaayika ati, “Muringire! Niriija rwa kutyo omwifi kaaja abhaanu bhataamenya. Ari na ribhando unu atengeejere na okwiraabha emyenda jaaye korereki asige kuyenga tuyu na okwiswasya imbere ya abhaanu.”

1 Petero 1:7

Amaregeejo ago, agaregeeja eriikirisya ryemwe, korereki ribhonekane ati ni rya echimari. Noorwo inaaryo, inu eyitura okusingaarika, eyochiibhwa mu‑muriro korereki wone iregeejibhwe. Nyabhuriko, eriikirisya ryemwe rinu riri na obhurambu obhunene okukira inaaryo, ni bhusibhusi wone riregeejibhwe, ribhonekane ati ni rya echimari. Awo niwo, Yeesu Kirisito aribhakuuya, aribhayaana rikusyo na echibharo, orusuku runu ariswerurwa.

Obhusweruro 19:8

Omwene ayaaywe emyenda ja ekisi ja okungʼarabhya na niinyeru muno.” Emyenda ja ekisi ejo, obhugajuro bhwajo ni ebhikorwa bhya rirenga bhya abheeru.

Obhusweruro 7:13

Neeya, owumwi wa abhakaruka bharya, ˆnaambusya ati, “Angu, abhaanu bhanu bhafwaye emingiro jiinyeru ejo ni bhaaga? Angu, umenyere enu bhasookere?”

Matayo 13:44

Yeesu ˆnaabhabhwira rindi echijekekanyo echindi, ˆnaayika ati, “Obhukama bhwa mu‑rwire bhuri rwa echiinu cha obhugusi obhurambu, chinu chaariga chibhisirwe mw‑isambu. Rusuku rumwi, omuunu umwi ejire aachisongʼana, wone ˆnaachibhisa. Mbe ˆnaakonderwa muno, ˆnaagenda okugusya ebhiinu bhyone bhinu aariga ari nabhyo, ˆnaagura risambu eryo.

Yakobo 2:5

Abhayiri bhaani abheendwa, muntegeresye kisi. Mutakumenya ati Nyamuwanga ꞉aawuuwe abhataka bha ku‑chaaro, bhabhe abhaniibhi mu‑riikirisya, bhanjure obhukama bhunu ꞉aaragire bhanu abhamwenda?

Obhusweruro 3:17

Omwayika ati, ‘Eswe chiri abhaniibhi. Chaniibhire muno. Chiri na bhuri echiinu chinu echikena!’ Nawe mutakumenya ati emwe mutari na amanaga, muri bhaanu bha okufwirwa echigongo, muri bhataka, muri bhawofu, ka wone muri tuyu.

Obhusweruro 2:9

Enimenya ebhinyaasyo bhyemwe na obhutaka bhwemwe. Nawe chimari emwe muri bhaniibhi! Ka wone, enimenya amafumo ganu omufumwa. Amafumo ago agasoosibhwa na bhanu abheetoga ati, ni bhaana bha Nyamuwanga, nawe bhatari abhaana bha Nyamuwanga, abheene ni bharuubhirisya bha Syetaani.

2 Bakorinto 8:9

Emwe mumenyere obhwitiriranya bhwa Raatabhugenyi weeswe Yeesu Kirisito. Noorwo kutyo aariga ari muniibhi, nawe ꞉eekorere wuti omutaka ku‑songa yeemwe, korereki okutura ku‑bhutaka bhwaye, emwe mubhe abhaniibhi.

2 Bakorinto 5:3

Omwanya gunu chirifwafibhwa emibhiri miyaaya, chitaribhonekana wuti chiri tuyu.

Ruuka 12:21

Yeesu, ˆnaamariisya kwa okwayika ati, “Nikwo kutyo jiribha, ku‑muunu unu keekumanyisya ebhiinu bhyafu inguru yaaye omwene, nawe obhuniibhi bhwaye bhutari na omuriiro gwonegwone imbere ya Nyamuwanga.”

Matayo 25:9

Nawe abhayara abheengeeso nibhabhasubhya ati, ‘Jitakuturikana! Chitakutura okubhasakira, kwa okubha amafuta ganu chiri nago, gatakutura okwiya eswe na emwe. Akiri mugende ku‑bhanu abhagusya amafuta, mwigurire ageemwe.’

1 Timoteo 6:18

Ka wone, bhabhwire bhakore ja ekisi, niwo bharibha abhaniibhi mu‑bhikorwa bhya ekisi. Bhabhe bhafura na okusangira ebhiinu bhyebhwe aamwi na abhaanu abhandi.

Obhusweruro 4:4

Ka wone, echitebhe cha ingʼoma echo chaariga chisingiywe na ebhitebhe ebhindi makumi gabhiri na bhina bhya obhutungi. Ku‑bhitebhe ebhyo, bhaariga bheenyanjire‑ko abhakaruka makumi gabhiri na bhana. Abhakaruka abho, bhaariga bhafwaye emyenda emyeru na ku‑mitwe jeebhwe bhaariga bhafwaye jitengya ja inaaryo.