Biblia Todo Logo
Bib sou entènèt

- Piblisite -




Obhusweruro 3:11 - Indagano Inyaaya mu-Chijita

11 Eniija bhwangu! Mubhe abheeyikanyibhwa, korereki omuunu woonewoone aasiga okubhateesya orutengya rwemwe.

Gade chapit la Kopi

INDAGANO INYA:YA

11 Eni:ja bwangu. Rumya cinu uri naco, omu:nu wo:ne asiga kukugegera orutenga rwao.

Gade chapit la Kopi




Obhusweruro 3:11
19 Referans Kwoze  

Ari na ribhando omuunu unu keegumiirisya omwanya gunu kaaregeejibhwa, kwa okubha omwanya gunu ariyiga amaregeejo ago, Nyamuwanga arimuyaana orutengya rwa obhuwanga bhwa akajaanende runu ꞉aaragire okuyaana bhoone bhanu abhamwenda.


Yeesu kaayika ati, “Tegeresya! Eniija bhwangu! Eniija okuriya bhuri muunu okuruubhana na ebhikorwa bhyaye.


Musige okuubhaya ebhinyaasyo bhinu bhiribhaaja‑ko. Muringire! Syetaani aribharegeeja kwa okutuura abhandi agati yeemwe mw‑ibhoyero. Emwe murinyaaka siku ekumi. Nawe mubhe abheeyikanyibhwa kw‑anye noorwo okukingira mufwe, anye niribhayaana orutengya rwa obhuwanga bhwa akajaanende koone.


tari mubhe abheeyikanyibhwa okukingira anu niriija.


Woori nirindirira era okuyaanwa orutengya rwa okurama kwa obhurengeresi. Raatabhugenyi Yeesu, omuramusi wa rirenga, arinaana orusuku runu arisubha. Orutengya orwo nitariyaanwa anye era, tari na abhandi bhoone bhanu abharindirira kwa obhwiro okusubha kwaye.


Noorwo omubhirimi woonewoone atakutura okuyaanwa echiyaanwa cha obhuyigi, akabha ataruubhire amaragiriro ga obhwenywa bhwa okubhirima.


Omwene unu kaasoosya obhubhambaasi bhwa emisango jinu kaayika ati, “Chimari, eniija bhwangu.” Jibhe kutyo. Iija Raatabhugenyi Yeesu!


Nyamuwanga ariyaana amabhando abhaanu bhoone bhanu bharisomera abheejaabho emisango ja obhuragi obhwo. Ka wone, ariyaana amabhando bhanu bharigutegeresya na okuruubha jinu jikaamirwe mu‑chitabho munu, okubha, omwanya gwa okukorekana emisango ejo guri yeeyi.


Bhuri omwanya Nyamuwanga aariga ˆnaakuuyibhwa na ebhibhumbwa bhirya, abhakaruka makumi gabhiri na bhana bharya, bhaariga nibhagwa bhwifumbike imbere ya unu eenyanjire ku‑chitebhe cha ingʼoma na okumuramya. Omwene oyo, niwe omuwanga akajaanende koone. Wone bhaariga nibhafuura jitengya jeebhwe, nibhajituura imbere ya echitebhe cha ingʼoma, nibhaayikaga ati,


Abhaanu bhanu abhayaajana ku‑bhwenywa, abheeyingirira ku‑myafu inguru ya okuyaajana. Abhakora kutyo korereki bharamire orutengya rwa obhuyigi rwa akatungu kafuyi era. Nawe eswe echikora kutyo, korereki chiramire orutengya rwa obhuyigi runu orurama akajaanende koone.


Mwichuke jinu ꞉mweeyigisiibhwe, nimujungwa. Mbe, muruubhe ejo na okuta ebhibhiibhi bhyemwe. Mukarema okutengeeja, niriija rwa kutyo omwifi kaaja na mutarimenya omwanya gunu niribhaaja‑ko.


Ka wone, echitebhe cha ingʼoma echo chaariga chisingiywe na ebhitebhe ebhindi makumi gabhiri na bhina bhya obhutungi. Ku‑bhitebhe ebhyo, bhaariga bheenyanjire‑ko abhakaruka makumi gabhiri na bhana. Abhakaruka abho, bhaariga bhafwaye emyenda emyeru na ku‑mitwe jeebhwe bhaariga bhafwaye jitengya ja inaaryo.


Anye enimenya ati, mwikaaye anu Syetaani atungire. Nawe omugenderera okwikirisya risiina ryani. Noorwo omwanya gurya omubhambaasi waani omwiyikanyibhwa Atipaasi, ꞉eetiiywe mu‑musi gwemwe gwa Perigaamo anu Syetaani eekaaye, ꞉mutaanyigaanire wuri.


Yeesu kaayika ati, “Tegeresya! Eniija bhwangu. Bharibhona amabhando bhanu abhagayuka na okuruubha emisango ja obhuragi bhwa echitabho chinu.”


Abhayiri bhaani mu‑riikirisya, musige okujujuumirana abheene kwa abheene korereki mutariramurwa. Mwangarire! Omuramusi wa ebhiraagiro ari yeeyi okusubha.


Obhworooro bhwemwe bhumenyekane ku‑bhaanu bhoone. Raatabhugenyi Yeesu ari yeeyi.


Raatabhugenyi Yeesu kaayika ati, “Muringire! Niriija rwa kutyo omwifi kaaja abhaanu bhataamenya. Ari na ribhando unu atengeejere na okwiraabha emyenda jaaye korereki asige kuyenga tuyu na okwiswasya imbere ya abhaanu.”


Swiv nou:

Piblisite


Piblisite