Obhusweruro 22:11 - Indagano Inyaaya mu-Chijita

¹¹ Mbe, omuunu unu kaakora ebhibhiibhi, agenderere okubhikora na omujabhi echinyamwoyo agenderere okujabhiyara. Omuunu unu kaakora obhurengeresi, agenderere okukora ja obhurengeresi na omweru agenderere okubha omweru.”

INDAGANO INYA:YA

¹¹ Unu kanyamura agume okunyamura, no mujabi agume okujabiara. No murenge:resi agume okure-nge:resya, no mweru agume e:rere.

Obhusweruro 22:11 Referans Kwoze

2 Timoteo 3:13

Nawe bhanu abhakora ebhibhiibhi na abhajigi, bharigenderera okukora ebhibhiibhi muno, bharibhaga nibhajiga na okujigwa.

Matayo 15:14

Mubhasige, abho ni bhatangasya abhawofu bhanu abhatangasya abhawofu! Araabha omuwofu akatangasya omuwofu oweejaabho, bhoone ku‑bhubhiri bhwebhwe bharigwa mu‑ryobho.”

Matayo 5:6

Bhari na ribhando abha omweko na obhwiro bhwa okukora emisango ja obhurengeresi, kwa okubha Nyamuwanga aribheegutya.

Yuuda 1:24

Nyamuwanga niwe owa obhuturo bhwa okubhaangarira, korereki mwasiga okwikuujura. Ka wone, kaatura okubheemereegusyu mw‑ikusyo ryaye, nimusandabhaga muno, mutaabha‑ko esoro.

Matayo 25:10

“Mbe, abhayara abhataamutaamu nibhagenda okugura amafuta. Omwanya gunu bhaariga bhachaagenda era okugura amafuta, omutwasi ˆnaakinga. Abhayara abheengeeso bhanu bhaariga bheeraabhire, nibheengira aamwi nage mw‑iyumba rinu obhuregesi bhwariga nibhukorekana. Niwo, orwigi nirwigarwa.

Baefeso 5:27

Isonga iri ati, eebhonere rikanisa erya rikusyo, rinu ritari‑ko esoro, noorwo ifunyo amwi echiinu choonechoone chinu echisusana rwa ebhyo. Tari ribhe ryeru rinyamburwa obhujabhi bhwonebhwone.

Matayo 21:19

Niwo ˆnaarora ku‑mbari ya injira riiti rimwi rinu eritogwa ati ritiini. ˆNaafogera ayeeyi, ˆnaasongʼana ritari‑ko amatwasyo goonegoone, tari riri na amasya era. Kutyo ˆnaabhwira riiti eryo ati, “Okwambira reero utaritwasya amatwasyo akajaanende!” Awoawo, riiti niriwotoka.

Yowana 8:21

Mbe, Yeesu ˆnaabhwira Abhafarisaayo abho rindi ati, “Anye enigenda, na emwe omuja okunyenja. Nawe murifwa ku‑songa ya ebhibhiibhi bhyemwe. Anu enigenda, emwe mutaritura okuuja‑wo.”

Obhusweruro 16:21

Ingʼubha nyafu muno ya amabhuyi niigwa. Amabhuyi ago, obhusito bhwago bhwariga wuti kiro makumi gataanu bhuri rimwi, ꞉gaasookere mu‑rutumba nigagwira abhaanu. Abhaanu nibhafuma Nyamuwanga ku‑songa ya itambara inu ꞉yaareeterwe na ingʼubha ya amabhuyi eyo, okubha itambara eyo yaariga iri mbiibhi muno.

Obhusweruro 22:3

Omusi ogwo, gutaribha‑mo echiinu choonechoone chinu chiiyiimirwe na Nyamuwanga. Echitebhe chirya cha ingʼoma cha Nyamuwanga na Omwana wa Inaama chiribha mu‑musi omwo. Abhakosi bhaaye wone, bhariramya Nyamuwanga.

Bakolosai 1:22

ku‑njira ya orufu rwa Kirisito. ꞉Aakorere kutyo, korereki abhareete imbere yaaye muri bheeru, bhanyataayikwa kubhiibhi noorwo mutari na esoro.

Matayo 5:45

Mbe, mukakora kutyo, ejibhonekana ati, chimari emwe muri abhaana bha Esomwana unu ari mu‑rwire. Omwene niwe kaamirikira risuubha abhaanu abha ebhikorwa ebhibhiibhi na abha ebhikorwa bhya ekisi. Ka wone, kaagwisisya ingʼubha abharengeresi aamwi na bhanu bhatari bharengeresi.