Obhusweruro 21:23 - Indagano Inyaaya mu-Chijita

²³ Omusi ogwo gutakukena esuubha ryake‑mo amwi okwesi kwake‑mo okubha rikusyo rya Nyamuwanga niryo erimirika‑mo, na Omwana wa Inaama niwe idara yeende‑mo.

INDAGANO INYA:YA

²³ Amwi omusi ogwo gutakenere esu:ba amwi kwesi kusekamo, okuba rikusyo rya Nyamuanga niryo eritamo bweru, na itara yendemo niwe Omwana wa Ina:ma.

Obhusweruro 21:23 Referans Kwoze

Obhusweruro 22:5

Ingeta itaribha‑mo rindi mu‑musi omwo. Abhaanu bhatarikena idara noorwo risuubha, okubha Raatabhugenyi Nyamuwanga aribha obhweru bhwebhwe. Abhaanu abho bharitunga akajaanende koone.

Obhusweruro 21:11

Omusi ogwo, gwariga guri na rikusyo rya Nyamuwanga na gwangʼarabhyaga rwa ribhuyi rya obhugusi obhurambu rya yaasipi rinu ryabharangiryaga rwa rirore.

Yowana 1:9

Obhweru bhwa echimari obhwo, bhunu obhumirikira bhuri muunu, bhwariga nibhuuja ku‑chaaro kunu.

Obhusweruro 18:1

Ejo jejire jaawa, nindora echiroro echindi. ꞉Naarorere maraayika owundi ˆneekaga okusooka mu‑rwire. Maraayika oyo, aariga ari na obhuturo bhwafu, na rikusyo ryaye niringʼarabhisya echaaro.

Ruuka 2:32

Obhuchungusi obhwo, ni bhweru bhwa okweresya injira yaawo, ku‑bhaanu bhanu bhatari Bhayawudi, na okuyaana abhaanu bhaawo Abhayisirayeeri rikusyo.”

Obhusweruro 21:25

Amarango goone ga omusi ogwo garibhaga geguuywe omwanya gwone, okubha ingeta itaribha‑wo.

Yowana 5:23

Raata ꞉aakorere kutyo, korereki abhaanu bhoone bhayaane Omwana echibharo rwa kutyo abhayaana Esemwene echibharo. Omuunu woonewoone unu atakuyaana Omwana echibharo, oyo atakuyaana echibharo Raata unu ꞉aamutumire.

Yowana 1:18

Atari‑wo omuunu woonewoone unu ararorere Nyamuwanga noorwo na akatyari. Tari Mwana waaye eenyere, unu wone ari Nyamuwanga, ka wone ari yeeyi na Raata Nyamuwanga, oyo niwe asweruuye Nyamuwanga kw‑iswe.

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

Yowana 1:4

Musango oyo niwe obhusimukwa bhwa obhuwanga bhwone, na obhuwanga obhwo obhureeta obhweru ku‑bhaanu.

Ebikorwa 22:11

Nimba muwofu, kwa okubha obhweru obhwo ꞉bhwamofusiisye. Kurwa ejo abheejaasu abho nibhangwata okubhoko, nibhantangasya, nibhankingya Damaasiko.

Mariko 8:38

Okubha omuunu woonewoone unu arindorera jiswaro anye, na emisango jaani, kw‑iyimbo rinu ribhiibhi, rinu abhaanu bhatari bheeyikanyibhwa imbere ya Nyamuwanga, anye Omwana wa Omuunu wone nirirorera omuunu oyo jiswaro, omwanya gunu niriija na bhamaraayika abheeru mw‑ikusyo rya Raata.”

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Yowana 17:24

“Raata, eniigomba ati abhaanu bhanu unaaye bhabhe aamwi na anye anu niribha, korereki bharore rikusyo ryani rinu ꞉waanaaye, kwa okubha ꞉waanyendere noorwo uchaari okubhumba echaaro.

Obhusweruro 5:6

Niwo nindora Omwana wa Inaama eemereeguuyu ayeeyi na echitebhe cha ingʼoma. Wone aariga eyindirwe na ebhibhumbwa bhina bhirya na abhakaruka makumi gabhiri na bhana bharya. Omwana wa Inaama oyo, aariga ˆnaabhonekana wuti atemerwe omutwe. Ka wone aariga ari na amayembe gataanu na gabhiri na ameeso gataanu na gabhiri. Ameeso ago ni emyoyo etaanu na ebhiri ja Nyamuwanga jinu jaariga jitumirwe bhuri orubhaara ku‑chaaro choone.

Obhusweruro 7:17

Okubha, Omwana wa Inaama unu ari yeeyi na echitebhe cha ingʼoma aribha omureefi weebhwe. Aribhatangasya bhoone okuja ku‑mimiro ja amanji ganu agasoosya obhuwanga akajaanende koone. Nyamuwanga omwene aribheeya amasiga geebhwe goone.”

Obhusweruro 14:4

Abhaanu abho nibho abharuubha Omwana wa Inaama woonewoone anu kaaja. Ka wone, ꞉bhateejabhiyasiisye na abhagasi, okubha bhaariga bhari bhimura. ꞉Bhaagurirwe okusooka agatigati ya abhaanu abhandi, nibhasoosibhwa wone okubha echoogo cha ebhigeswa cha okwamba ku‑Nyamuwanga na ku‑Mwana wa Inaama.