Obhusweruro 20:6 - Indagano Inyaaya mu-Chijita

⁶ Obhusuuruko bhurya bhwa abhaana bha Nyamuwanga nibhwo obhusuuruko bhwa okwamba. Bhari na amabhando bhanu bharisuuruka mu‑bhusuuruko obhwo, ka wone nibho abheeru bha Nyamuwanga. Okubha okufwa kwa kabhiri kutaribha na amanaga inguru yeebhwe. Abho bharibha abhagabhisi bha Nyamuwanga na Kirisito, bharitunga aamwi nage ku‑mwanya ogwo gwa emiguuga chiwumbi chimwi.

INDAGANO INYA:YA

⁶ Unu ari no mugabo mu kusu:ka kwo kwamba ari na ribando, ka ni mweru. Kwabo okufwa kwa kabiri kutari na managa. Nawe baribaga bagabisi ba Nyamuanga na ba Yesu, nibatunga aamwi nage myaka cisira.

Obhusweruro 20:6 Referans Kwoze

Obhusweruro 1:6

Achikorere okubha obhukama bhwa abhagabhisi korereki chikorere emirimu Nyamuwanga, Esemwene. Omwene ayaanwe rikusyo na obhuturo akajaanende koone! Jibhe kutyo.

Obhusweruro 2:11

Unu kaategeresya, noongwe emisango jinu Mwoyo Mweru kaabhwira amakanisa. Omuunu woonewoone unu ariyiga, atarikuunibhwa‑ko noorwo kutooto na orufu rwa kabhiri. Orufu orwo nirwo omuriro gwa akajaanende koone.

Obhusweruro 20:14

Ejo jejire jaawa, orufu na nyombe nibhyeswa mu‑nyanja ya omuriro omururu. Inyanja ya omuriro eyo, nirwo orufu rwa kabhiri.

Obhusweruro 5:10

Awe ꞉waakorere abhaanu abho, bhabhe obhukama bhwa abhagabhisi, bhakorere Nyamuwanga emirimu, wone bharitunga ku‑chaaro.”

1 Petero 2:9

Nawe emwe muri rwibhuro orusorwa, muri bhugabhisi bhwa echikama, echise cha abheeru, abhaanu bhanu mwawuuywe na Nyamuwanga, korereki muraasye ebhikorwa bhyaye ebhikuru. Omwene ꞉aabhabhirikiiye okusooka mu‑chisuute, mwingire mu‑bhweru bhwaye bhwa okuruguusya.

2 Timoteo 2:12

Araabha echiigumiirisya, chiritunga aamwi nage. Araabha echimurema, omwene wone arichirema.

Barumi 8:17

Mbe, araabha chiri bhaana bha Nyamuwanga, chaabha abhanjusi bhaaye. Chiriramira omwandu gweswe aamwi na Kirisito. Nawe chinu echikenwa kw‑iswe woori ni ati, chisangire mu‑bhinyaasyo aamwi na Kirisito, korereki eswe wone chisangire aamwi nage mw‑ikusyo ryaye.

Obhusweruro 22:7

Yeesu kaayika ati, “Tegeresya! Eniija bhwangu. Bharibhona amabhando bhanu abhagayuka na okuruubha emisango ja obhuragi bhwa echitabho chinu.”

Obhusweruro 14:13

Ninuungwa obhuraka okusooka mu‑rwire, nibhumbwira ati, “Kaama ati, okwambira woori, bhari na amabhando abhaanu bhoone bhanu abhafwa bheekirisiisye Raatabhugenyi Yeesu.” Neeya Mwoyo wa Nyamuwanga ˆnaayika ati, “Cha, bharibhona amabhando maafu. Bhariisya omwoyo okusooka ku‑mirimu jeebhwe emisito, okubha bhariyaanwa ebhiyaanwa inguru ya ebhikorwa bhyebhwe bhya ekisi.”

Barumi 12:1

Woori abhayiri bhaani, mumenyere kutyo Nyamuwanga kaachifwira echigongo. Kurwa ejo mbe, enibheerembeeresya ati, mwisoosye obhurame bhwemwe ku‑Nyamuwanga. Mubhe rwa ebhyogo bhinu bhiri ebhiwanga na ebhyeru, bhinu ebhimukondisya. Eyo niyo injira ya echimari ya okumuramya.

Obhusweruro 21:8

Nawe abhoobha, abhaanu bhanu bhatakwikirisya Nyamuwanga, bhanu abhamufuruurusya, abheeti, abharomesi, abharosi na bhanu abharamya amasusano, aamwi na abhabheeyi, bhoone abho orubhaara rwebhwe ni mu‑nyanja ya omuriro omururu gwa emisimu ja echibhiriiti. Okwo nikwo okufwa kwa kabhiri.”

1 Petero 2:5

Mumenye ati, emwe wone muri rwa amabhuyi amawanga, Nyamuwanga kaabhoombaka mubhe inju ya echinyamwoyo. Ka wone abhawuuwe na okubhakora mubhe abhagabhisi bhanu abhasoosya ebhyogo bhya echinyamwoyo bhinu ebhimukondisya ku‑njira ya Yeesu Kirisito.

Ruuka 14:15

Mbe, omugenyi umwi unu aariga eenyanjire aamwi na Yeesu ku‑nenda, ejire oongwa emisango ejo, ˆnaabhwira Yeesu ati, “Ari na ribhando omuunu unu arirya ebhiryo bhya obhugenyi, mu‑bhukama bhwa Nyamuwanga!”

Obhusweruro 3:21

Omuunu woonewoone unu ariyiga, nirimwikirisisya okwinyanja aamwi na anye ku‑chitebhe chaani cha ingʼoma, rwa kutyo anye wone ꞉naayigire, woori niinyanjire na Raata waani ku‑chitebhe chaaye cha ingʼoma.

Obhusweruro 22:5

Ingeta itaribha‑mo rindi mu‑musi omwo. Abhaanu bhatarikena idara noorwo risuubha, okubha Raatabhugenyi Nyamuwanga aribha obhweru bhwebhwe. Abhaanu abho bharitunga akajaanende koone.