Obhusweruro 2:25 - Indagano Inyaaya mu-Chijita

²⁵ tari mubhe abheeyikanyibhwa okukingira anu niriija.

INDAGANO INYA:YA

²⁵ Nawe cinu munaco mucigumyega kukinga anu ndi:jira.

Obhusweruro 2:25 Referans Kwoze

Obhusweruro 3:11

Eniija bhwangu! Mubhe abheeyikanyibhwa, korereki omuunu woonewoone aasiga okubhateesya orutengya rwemwe.

Obhusweruro 22:7

Yeesu kaayika ati, “Tegeresya! Eniija bhwangu. Bharibhona amabhando bhanu abhagayuka na okuruubha emisango ja obhuragi bhwa echitabho chinu.”

Obhusweruro 3:3

Mwichuke jinu ꞉mweeyigisiibhwe, nimujungwa. Mbe, muruubhe ejo na okuta ebhibhiibhi bhyemwe. Mukarema okutengeeja, niriija rwa kutyo omwifi kaaja na mutarimenya omwanya gunu niribhaaja‑ko.

Baeburania 10:23

Chiikomeesye muno okugwatirira jinu echiikirisya na okwiyikanya, okubha Nyamuwanga unu ꞉aaragire, ni mwiyikanyibhwa.

Obhusweruro 22:20

Omwene unu kaasoosya obhubhambaasi bhwa emisango jinu kaayika ati, “Chimari, eniija bhwangu.” Jibhe kutyo. Iija Raatabhugenyi Yeesu!

1 Batesalonika 5:21

tari, muregeeje emisango joone ja obhuragi, nawe mugwate‑mo ja ekisi

Barumi 12:9

Mwende abheejaanyu kwa omutima omweru. Musige chimwi okukora obhujabhi, tari mukorega ja ekisi omwanya gwone.

Obhusweruro 1:7

Muringire! Ariija ari ku‑meere! Abhaanu bhoone bharimurora, noorwo bhanu ꞉bhaamusomere, wone bharimurora. Jingʼanda joone mu‑chaaro jiririra inguru yaaye. Chimari nikwo kutyo jiribha. Jibhe kutyo.

Baeburania 4:14

Mbe, chiri na Omugabhisi Omukuru unu ꞉aagendere na okwingira mu‑rwire, niwe Yeesu Omwana wa Nyamuwanga. Ku‑songa eyo, chigwatirire jinu echiikirisya.

Baeburania 3:6

Nawe Kirisito ni mwiyikanyibhwa rwa Omwana unu keemereegururu abhaanu bha mu‑nju ya Nyamuwanga. Abhaanu abho niiswe araabha chikagenderera okukingira ku‑bhuteero chiri na ribhaasi na okwikuuyisya jinu echiiyikanya.

Yowana 14:3

Omwanya gunu nirimara okubheerabhira obhwikaro, niriija rindi okubhagega korereki anu niribha, emwe wone niwo muribha aamwi na anye.

2 Petero 3:10

Orusuku rwa okusubha Raatabhugenyi Yeesu ruriija kwa okutakya rwa omwifi. Orusuku orwo, orutumba rurisooka‑wo kwa omurundumo munene, ebhiinu bhinu bhiri‑mo bhiryochibhwa kwa omuriro, echaaro wone chirisingaarisibhwa aamwi na ebhiinu bhyone bhinu bhiri‑mo.

1 Bakorinto 11:26

Kutyo, omwanya gunu omurya omukaate ogwo na okunywera omutawo ogwo, omubha nimuraasya okufwa kwa Raatabhugenyi okukingira omwanya gunu ariija.

1 Bakorinto 4:5

Woori, mwasiga okuramura abhaanu omwanya guchaari kukinga, rindirira okukingira orusuku runu Raatabhugenyi Yeesu ariija. Omwene niwe arituura abhweru ebhiinu bhyone bhinu bhibhisirwe mu‑chisuute na okweresya bhinu bhiri mu‑myoyo ja abhaanu. Niwo bhuri muunu aribhona jikuma jinu jimwiyire, okusooka ku‑Nyamuwanga.

Ebikorwa 11:28

Owumwi weebhwe, risiina ryaye aatogwaga Agabho, ˆneemereeguru mw‑isangi, ˆnaasoosya obhuragi kwa obhuturo bhwa Mwoyo Mweru ati, omweko omururu oguuja okuswirana ku‑chaaro choone. Chimari rwa kutyo ꞉aayikire, omweko ogwo ꞉gwabheeye‑wo ku‑mwanya gwa obhutungi bhwa Kirawudiyo unu aariga ari Kayisaari.