Obhusweruro 2:24 - Indagano Inyaaya mu-Chijita

²⁴ Woori emwe mw‑ikanisa rya Tiyaatira, agati yeemwe bhari‑wo abhandi bhanu bhari abheeyikanyibhwa. Abhaanu abho bhatakuruubha ameeyigisyo ga Yejebheeri oyo, noorwo bhatakumenya emisango jinu abhaanu abhandi abhatoga ati ni emisango ja imbisike muno. Chimari emisango ejo ni meeyigisyo ga Syetaani! Tari abhaanu abheeyikanyibhwa bharya, enibhabhwira ati, nitaribhoongesya‑ko omugugu ogundi,

INDAGANO INYA:YA

²⁴ Nawe enibabwira, emwe abandi abende Tuatira, bo:ne banu mutana kwiigisya okwo, ka banu mutamenyere ebyo bwina bya Syetani rwa kutyo aba:ika. Emwe nitakubatu:rako mugugu gundi.

Obhusweruro 2:24 Referans Kwoze

Obhusweruro 12:9

Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.

2 Bakorinto 11:3

Nawe woori enuubhaya ati, rwa kutyo Aawa ꞉aajigirwe na injoka irya indigendige, na emwe wone mwasiga okujigwa, nimusiga okwenda Kirisito mu‑bhwiyikanyibhwa na omutima omweru.

2 Bakorinto 2:11

korereki Syetaani aasiga okuchiyiga, kwa okubha chimenyere kisi obhurigerige bhwaye.

Ebikorwa 15:28

Okubha jaakondera Mwoyo Mweru aamwi na eswe ati, chisige okubhatwika omugugu ogundi tari ebhiraagiro bhya bhusibhusi bhinu.

Obhusweruro 13:14

Ku‑bhibharikisyo bhinu ꞉ryayaaywe okukora imbere ya rityanyi rya okwamba rirya, nirijiga abhaanu bha ku‑chaaro anu. Niribhwira abhaanu bhabhaaje risusano rya okuyaana echibharo rityanyi rya okwamba, rinu ꞉ryawutasiibhwe kwa imbanda, nawe niriwora, nirigenderera okwikara.

1 Bakorinto 2:10

Nawe eswe, Nyamuwanga ꞉aacheeresiisye ejo okutura ku‑Mwoyo Mweru, kwa okubha Mwoyo Mweru kaatatirisya joone, noorwo obhutinge bhwa Nyamuwanga bhunu bhubhisirwe.

Ebikorwa 16:14

Mu‑bhanu bhaachitegeresyaga, aariga ari‑mo omugasi umwi, asookere mu‑musi gwa Tiyaatira, risiina ryaye aatogwaga Riidiya. Riidiya oyo, aariga ari omugusi wa emyenda ja ekisi ja ijambarawu na aaramyaga Nyamuwanga. Pawuro ejire aabhabhwira Emisango ja Ekisi, Raatabhugenyi ˆneegura mutima gwa Riidiya, ˆnaategeresya kisi omusango gunu Pawuro aariga ˆnaaraasya.

Yakobo 3:15

Obhwengeeso bhwa imbaga eyo, bhutakusooka ku‑Nyamuwanga, tari ni bhwengeeso bhunyachaaro, bhunyamuunu na obhusooka ku‑Syetaani.

Obhusweruro 1:11

Obhuraka obhwo nibhumbwira ati, “Kaama mu‑chitabho emisango joone jinu owuja okurora. Ukamara usire echitabho echo mu‑makanisa ganu gari mu‑misi etaanu na ebhiri jinu jiri Yefeeso, Simuriina, Perigaamo, Tiyaatira, Sariidi, Firadeefiya, na Rawodeekiya.”

Obhusweruro 2:9

Enimenya ebhinyaasyo bhyemwe na obhutaka bhwemwe. Nawe chimari emwe muri bhaniibhi! Ka wone, enimenya amafumo ganu omufumwa. Amafumo ago agasoosibhwa na bhanu abheetoga ati, ni bhaana bha Nyamuwanga, nawe bhatari abhaana bha Nyamuwanga, abheene ni bharuubhirisya bha Syetaani.

Obhusweruro 2:13

Anye enimenya ati, mwikaaye anu Syetaani atungire. Nawe omugenderera okwikirisya risiina ryani. Noorwo omwanya gurya omubhambaasi waani omwiyikanyibhwa Atipaasi, ꞉eetiiywe mu‑musi gwemwe gwa Perigaamo anu Syetaani eekaaye, ꞉mutaanyigaanire wuri.

Obhusweruro 2:18

“Ukaamire maraayika wa mw‑ikanisa rya Tiyaatira kutya, Anye, naanye Omwana wa Nyamuwanga. Ameeso gaani gari rwa jimbeesi ja omuriro na amaguru gaani agangʼarabhya muno rwa echuuma echitukurasi chinu chikuubhirwe muno. Mutegeresye jinu enibhabhwira!