Obhusweruro 19:7 - Indagano Inyaaya mu-Chijita

⁷ Eswe wone, chikonderwe, chimusandabhire na okumukusya. Okubha obhuregesi bhwa Omwana wa Inaama bhwakinga, na omwenga emariiriiye.

INDAGANO INYA:YA

⁷ Cikonderwe, cisandabe, cikusyega Oyo, okuba oburegesi bwo Mwana wa Ina:ma bweire, no Mwenga wae e:cumacumire.

Obhusweruro 19:7 Referans Kwoze

Obhusweruro 21:9

Neeya owumwi wa bhamaraayika bhataanu na bhabhiri bharya, bhanu bhaariga bhari na amabhakuri gataanu na gabhiri ga jitambara etaanu na ebhiri ja obhuteero, ˆnaaja ˆnaambwira ati, “Iija enu, nikweresye omwenga, unu aribha omugasi wa Omwana wa Inaama.”

Obhusweruro 21:2

Mbe, nindora omusi omweru, nigwo Yerusareemu inyaaya, nigwika okusooka mu‑rwire ku‑Nyamuwanga. Omusi ogwo gwariga gunojooribhwe rwa kutyo omwenga kaanojooribhwa inguru ya omurume waaye.

2 Bakorinto 11:2

Anye enibhafuyira, rifuwa rinu erisooka ku‑Nyamuwanga, kwa okubha muri rwa omuyarajuma, unu ꞉naasandiiye obhuko omurume umwi, omurume oyo niwe Kirisito.

Matayo 22:2

“Obhukama bhwa mu‑rwire obhususana na omukama umwi unu ꞉aakorereeye omwana waaye obhuregesi.

Obhusweruro 19:9

Maraayika urya ˆnaambwira ati, “Kaama ati, bhari na ribhando bhanu bhakokerwe mu‑bhuregesi bhwa Omwana wa Inaama.” ˆNaambwira wone ati, “Ejo nijo emisango ja echimari ja Nyamuwanga.”

Baefeso 5:32

Imbisike eyo ikomeeye turuturu, nawe anye enisimura inguru ya Kirisito na rikanisa.

Yowana 3:29

Omumura unu ari na omwenga niwe omutwasi. Anye niri rwa omusaani wa omutwasi, niimereeguuyu ku‑mbari yaaye, na enikonderwa okuungwa jinu omutwasi kaayika. Chimari musango gunu gwankondisya muno.

Baefeso 5:23

Okubha omurume niwe omutwe gwa omugasi, rwa Kirisito kutyo ari omutwe gwa rikanisa, gunu guri omubhiri gwaye, ka wone, Kirisito omwene, niwe Omuchungusi waaryo.

Ruuka 12:36

Mubhe rwa abhakosi bha emirimu, bhanu abharindirira omwami weebhwe asubhe okusooka mu‑bhuregesi. Omwanya gunu kaaja na okwibhuurisya, bhamwigurire orwigi bhwangu.

Bafilipi 3:3

Eswe neeswe chitenderwe echinyamwoyo kwa okubha Mwoyo wa Nyamuwanga kaachisakira kutyo jiiyire chiramye Nyamuwanga. Eswe echikuuyisya Kirisito Yeesu na okumwiyikanya. Ka wone chitakwiyikanya ebhikorwa bhyeswe bhya echinyamubhiri korereki chibhone obhuchungusi,

Matayo 1:20

Jejefu ejire eeganirisya kutyo, awoawo maraayika wa Raatabhugenyi ˆnaamusoromokera mu‑chirooto. Maraayika oyo, ˆnaamubhwira ati, “Jejefu, omwana wa Dawudi, waasiga okuubhaya okutwara Maryamu, kwa okubha inda yaaye ayibhwene ku‑bhuturo bhwa Mwoyo Mweru.

Obhusweruro 11:13

Omwanya ogwoogwo, rinyamutikima rinene rya echaaro niritura, ribhaara rimwi kw‑ikumi rya omusi nirigwa. Rinyamutikima eryo nirireterera abhaanu bhiwumbi bhitaanu na bhibhiri (7,000) okufwa. Abhaanu bhanu ꞉bhaawonere, nibhoobhaya, nibhakuuya Nyamuwanga wa mu‑rwire.