Obhusweruro 19:5 - Indagano Inyaaya mu-Chijita

⁵ Nejire neeya, ninuungwa obhuraka obhundi okusooka ku‑chitebhe cha ingʼoma nibhwayikaga ati, “Mukusye Nyamuwanga weeswe, emwe abhakosi bhaaye bhoone. Mumukusye emwe bhanu omumuramya, abharera na abhakuru!”

INDAGANO INYA:YA

⁵ Oburaka nibuso:ka mu citebe ca iŋoma, nibwaika ati, Mukusye Nyamuanga weswe, emwe abagaya bae bo:ne banu omumu:baya, abakuru na bato:to.

Obhusweruro 19:5 Referans Kwoze

Obhusweruro 7:15

Nikwo okukora bhari imbere ya echitebhe cha ingʼoma cha Nyamuwanga. Abhamukorera emirimu mu‑ngeta na mu‑mwisi mw‑Iyekaru ryaye. Nyamuwanga omwene unu eenyanjire ku‑chitebhe cha ingʼoma, aribha aamwi nabho na okubharinda.

Obhusweruro 20:12

Nindora abhafuuwe bhoone, abharera na abhakuru, bheemereeguuyu imbere ya echitebhe cha ingʼoma. Niwo ebhitabho bhinu bhyariga bhikaamirwe‑mo ebhikorwa bhya abhaanu bhoone nibhifumburwa. Echitabho echindi nichifumburwa, echo nicho echitabho cha obhuwanga. Abhafuuwe abho nibharamurwa okuruubhana na ebhikorwa bhyebhwe bhinu bhyariga bhikaamirwe mu‑bhitabho omwo.

Obhusweruro 16:17

Niwo, maraayika wa kataanu na kabhiri ˆnaasuka ku‑rutumba risungu rya Nyamuwanga rinu ryariga riri mw‑ibhakuri ryaye. Ninuungwa obhuraka obhunene nibhusooka ku‑chitebhe cha ingʼoma mw‑Iyekaru rya Nyamuwanga, nibhwayika ati, “Joone jaakorekeene!”

Obhusweruro 13:16

Rityanyi rya kabhiri eryo nirisinyiirisya abhaanu bhoone, bha echibharo na bhanu bhatari na echibharo, abhaniibhi na abhataka, abha obhwitaage na abhagaya, bhatuurwe‑ko orunabho ku‑kubhoko kwa ebhuryo amwi ku‑chisuusu.

Obhusweruro 19:18

Muuje murye jinyama ja abhakama, ja abhakuru bha riremo, ja abhayaari, ja jifwaraasi na ja bhanu bhajiriinyire‑ko, ja abhaanu bhoone, bha obhwitaage na abhagaya, abharera na abhakuru.”