Obhusweruro 19:19 - Indagano Inyaaya mu-Chijita

¹⁹ Mbe, nindora rityanyi rirya rya okwamba na abhakama bha echaaro na ebhise bhyebhwe bhya abhasirikare ꞉bheekofyanyiisye aamwi. Abho bhoone, bhaariga nibhakena okurwana riremo na unu aariga eenyanjire ku‑fwaraasi iinyeru, ari aamwi na ebhise bhyaye bhya abhasirikare.

INDAGANO INYA:YA

¹⁹ Nindora rityanyi na bakama be ca:ro ne bise byebwe nibe:kofyanya okurwana na Oyo enyanjire ku farasi ne cise cae.

Obhusweruro 19:19 Referans Kwoze

Obhusweruro 16:16

Mbe, amasambwa ago, nigakumanya abhakama bhoone na bhasirikare bheebhwe orubhaara runu mu‑Chiyebhuraniya orutogwa ati, Arimagidooni.

Obhusweruro 16:14

Amasambwa ago, gaariga gari na obhuturo bhwa okukora ebhibharikisyo na emirimu jaago ni kugenda ku‑bhakama bhoone ku‑chaaro na okubhakumanya, korereki bhakore riremo ku‑rusuku rurya orukuru rwa risungu rya Nyamuwanga owa obhuturo bhwone.

Obhusweruro 18:9

Abhakama bha echaaro bhanu ꞉bhaakorere obhuromesi nage na okusangira obhuniibhi bhwaye, bharirira na okusurumbarira omugasi urya omwanya gunu bharirora ingesi ya okusingaarisibhwa kwaye.

Obhusweruro 14:9

Mbe, ˆnaabhonekana maraayika owundi wa kasatu. ˆNaamura obhuraka ˆnaayika ati, “Araabha omuunu akaramya rityanyi eryo na risusano ryaryo, na okutuurwa‑ko orunabho ku‑chisuusu amwi ku‑kubhoko,

Obhusweruro 11:7

Omwanya gunu bharimara okusoosya obhuragi bhwebhwe inguru ya Nyamuwanga, niwo rityanyi rinu ꞉ryariinyire okusooka mu‑ryobho rinu ritari na obhuteero, ririrwana nabho. Niribhayiga na okubheeta.

Obhusweruro 19:21

Omuunu unu aariga ariinyire ku‑fwaraasi iinyeru, ꞉eetire abhaanu bhanu bhaariga bhasigaaye. ꞉Aabheetire ku‑mbanda yaaye inu yaariga nisooka mu‑kanwa kaaye. Jinyonyi ejo joone, nijirya jinyama ja abhaanu abho nijiiguta.