Obhusweruro 19:11 - Indagano Inyaaya mu-Chijita

¹¹ Nejire neeya, nindora orwire rwigukire. Ringira, ifwaraasi iinyeru na unu aariga ayiriinyire‑ko kaatogwa ati, “Mwiyikanyibhwa” na “Owa Echimari.” Niwe kaaramura na okurwana riremo kwa obhurengeresi.

INDAGANO INYA:YA

¹¹ Nindora orwire rwigukire mbe ni:boneka ifarasi nyeru. Na Unu ariga airinyireko katogwa Mwiikanyibwa na wa Cimari. Niwe karamura narwana mu burenge:resi.

Obhusweruro 19:11 Referans Kwoze

Obhusweruro 6:2

Niwo nindingira, nindora ifwaraasi iinyeru na omuunu ayiriinyire‑ko. Omuunu oyo aariga agwatiriiye obhukoma, ˆnaayaanwa orutengya rwa obhuyigi. ˆNaasooka mu‑rwire ari muyigi wa riremo korereki agenderere okuyiga rindi.

Obhusweruro 3:14

“Ukaamire maraayika wa mw‑ikanisa rya Rawodeekiya kutya, Anye, naanye Jibhe kutyo, omubhambaasi omwiyikanyibhwa wa echimari inguru ya Nyamuwanga. Anye, naanye obhusimukwa bhwa ebhibhumbwa bhyone bhinu Nyamuwanga ꞉aabhumbire. Mutegeresye jinu enibhabhwira!

Obhusweruro 4:1

Ejo jejire jaawa, nindora echiroro echindi. Ringira! ꞉Naarorere orwigi rwiguuywe‑wo mu‑rwire! Mbe, obhuraka rwa bhwa ingʼombi bhunu ꞉noonguuwe obhwa okwamba nibhumbwira ati, “Iija, riinya inguru enu, korereki nikweresye emisango jinu ni bhusibhusi jikorekane aribha ejo jaatura.”

Obhusweruro 3:7

“Ukaamire maraayika wa mw‑ikanisa rya Firadeefiya kutya, Anye niwe omweru na owa echimari. Ka wone, niri na orwiguriro rwa omukama Dawudi. Nikeegara orwigi, atari‑wo owundi unu kaatura okurwigura. Nikarwigura, atari‑wo owundi unu kaatura okurwigara. Mutegeresye jinu enibhabhwira!

Obhusweruro 1:5

na okusooka ku‑Yeesu Kirisito. Omwene niwe omubhambaasi omwiyikanyibhwa. ꞉Aabheeye wa okwamba okusuururwa korereki abhe omukama wa abhakama bhoone mu‑chaaro. Yeesu acheendere. Okutura ku‑sagama yaaye ꞉aachoosiisye ebhibhiibhi bhyeswe.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Obhusweruro 11:19

Niwo, orwigi rwa Riyekaru rya Nyamuwanga rya mu‑rwire nirwiguka. Risandikwa rya indagano ya Nyamuwanga niribhonekana mw‑Iyekaru eryo. Nindora jindabhyo na ninuungwa obhuraka bhwa ribharuka. Rinyamutikima rya echaaro niritura na niigwa ingʼubha nyafu muno ya amabhuyi amanene.

Yowana 1:51

Yeesu ˆnaagenderera okwayika ati, “Ni chimari enibhabhwira ati, murirora orwire rwigukire, ka wone murirora bhamaraayika bha Nyamuwanga nibhariinyaga na okwika inguru yaani, anye Omwana wa Omuunu.”

Obhusweruro 19:19

Mbe, nindora rityanyi rirya rya okwamba na abhakama bha echaaro na ebhise bhyebhwe bhya abhasirikare ꞉bheekofyanyiisye aamwi. Abho bhoone, bhaariga nibhakena okurwana riremo na unu aariga eenyanjire ku‑fwaraasi iinyeru, ari aamwi na ebhise bhyaye bhya abhasirikare.

Obhusweruro 19:21

Omuunu unu aariga ariinyire ku‑fwaraasi iinyeru, ꞉eetire abhaanu bhanu bhaariga bhasigaaye. ꞉Aabheetire ku‑mbanda yaaye inu yaariga nisooka mu‑kanwa kaaye. Jinyonyi ejo joone, nijirya jinyama ja abhaanu abho nijiiguta.