Obhusweruro 19:10 - Indagano Inyaaya mu-Chijita

¹⁰ Niwo ningwa bhwifumbike ku‑maguru ga maraayika oyo, korereki nimuramye. Nawe omwene, ˆnaambwira ati, “Siga okukora kutyo! Anye niri omukosi weejaanyu aamwi na abhayiri bhaanyu mu‑riikirisya, bhanu abhasoosya obhubhambaasi bhwa emisango ja Yeesu. Ramya Nyamuwanga omwene era! Okubha okusoosya obhubhambaasi bhwa emisango ja Yeesu nibhwo obhwambiro bhwa obhuragi.”

INDAGANO INYA:YA

¹⁰ Ningwa imbere ya maguru gae okumuramya. Nambwira ati, Wasiga kukora kutyo. Anye ndi mukosi we:ja:nyu na wa mu ba:na banyu banu abe:ma ku Yesu. Ramyaga Nyamuanga. Kwo kuba omwoyo gwo buragi nikwo okwima ku Yesu.

Obhusweruro 19:10 Referans Kwoze

Yowana 5:39

“Omwikomeesya okuyenjeresya mu‑Bhikaame Ebhyeru, kwa okubha omwitogera ati omutura okubhona‑mo obhuwanga bhwa kajaanende koone. Mbe woori, Ebhikaame ebhyo nibhyo ebhimbambaarira anye!

Baeburania 1:14

Mbe woori, bhamaraayika ni chiinu ki? Ni myoyo jinu ejikorera emirimu Nyamuwanga, omwene kaajituma jigende okukorera emirimu abhaanu bhanu bharichungurwa.

Obhusweruro 4:10

Bhuri omwanya Nyamuwanga aariga ˆnaakuuyibhwa na ebhibhumbwa bhirya, abhakaruka makumi gabhiri na bhana bharya, bhaariga nibhagwa bhwifumbike imbere ya unu eenyanjire ku‑chitebhe cha ingʼoma na okumuramya. Omwene oyo, niwe omuwanga akajaanende koone. Wone bhaariga nibhafuura jitengya jeebhwe, nibhajituura imbere ya echitebhe cha ingʼoma, nibhaayikaga ati,

Obhusweruro 12:17

Riyoka eryo, niribhiyirirwa muno omugasi oyo, ndigenda okurwana na abhaana abhandi bha omugasi oyo bhanu bhaariga bhasigaaye. Abhaana abho nibho bhanu abhagayuka ebhiraagiro bhya Nyamuwanga na okusoosya obhubhambaasi inguru ya Yeesu. Mbe, riyoka eryo, niriimereeguru ku‑njekekera ya inyanja.

Obhusweruro 12:11

Woori abheekirisya abheejaasu bhaayigire Syetaani ku‑sagama ya Omwana wa Inaama na ku‑bhubhambaasi bhunu bhasoosiisye. Okubha ꞉bhateeganire obhurame bhwebhwe, bhaariga bhatengeejere noorwo okufwa.

1 Yoana 5:10

Woori, omuunu woonewoone unu keekirisya Omwana wa Nyamuwanga, keekirisya ati obhubhambaasi obhwo ni bhwa echimari. Nawe unu atakwikirisya Nyamuwanga, kaakora Nyamuwanga okubha omubheeyi, kwa okubha atakwikirisya obhubhambaasi bhunu Nyamuwanga asoosiisye inguru ya Omwana waaye.

Baeburania 12:25

Kurwa ejo, mutegeresyega unu kaayika na emwe. Abhayisirayeeri ꞉bhateerukire ebhitiibha omwanya gunu ꞉bhaaremere okutegeresya Muusa bhunu ꞉aabhakengiisye. Mbe woori, eswe echitura kutiki okwiruka ebhitiibha araabha echirema okutegeresya Nyamuwanga omwanya gunu kaachikengya okusooka mu‑rwire?

Matayo 4:10

Nawe Yeesu ˆnaamusubhya ati, “Sooka anu, Syetaani! Jikaamirwe mu‑Bhikaame Ebhyeru ati, ‘Uramye Raatabhugenyi Nyamuwanga waawo. Umukorere emirimu omwene era.’”

Obhusweruro 14:7

Mbe, maraayika oyo, ˆnaamura obhuraka ˆnaayika ati, “Mugayuke, muramye na okukuuya Nyamuwanga, okubha omwanya gwa okuramura abhaanu gwakingire. Muramye unu ꞉aabhumbire orutumba, echaaro, inyanja na emimiro ja amanji.”

Obhusweruro 15:4

Raatabhugenyi, niga unu atarikuramya? Raatabhugenyi, niga unu atarikuuya risiina ryawo? Okubha awe omwene era, niwe Omweru. Abhaanu bha amaanga goone bhariija na okukuramya, kwa okubha ebhikorwa bhyawo bhya obhurengeresi ebhibhonekana abhwerubhweru.”

Ebikorwa 10:43

Yeesu oyo, abharagi bhoone ꞉bhaayikire inguru yaaye ati, omuunu woonewoone unu arimwikirisya arifwirwa echigongo ebhibhiibhi bhyaye ku‑njira ya risiina ryaye.”

Obhusweruro 1:9

Anye Yowana niri omuyiri waanyu mu‑riikirisya. Echisangira aamwi mu‑bhwigumiirisya ebhinyaasyo inguru ya Yeesu na obhukama bhwaye. Naariga nisirirwe kw‑isinga rinu eritogwa ati Paatimo. ꞉Naasirirwe kw‑isinga eryo rwa omubhoywa ku‑songa ya okuraasya omusango gwa Nyamuwanga na okusoosya obhubhambaasi inguru ya Yeesu.

Bafilipi 3:3

Eswe neeswe chitenderwe echinyamwoyo kwa okubha Mwoyo wa Nyamuwanga kaachisakira kutyo jiiyire chiramye Nyamuwanga. Eswe echikuuyisya Kirisito Yeesu na okumwiyikanya. Ka wone chitakwiyikanya ebhikorwa bhyeswe bhya echinyamubhiri korereki chibhone obhuchungusi,

Ruuka 24:44

Ejire aamara okurya, ˆnaabhabhwira ati, “Emisango jinu nijo ꞉naabhabhwiriiye omwanya gunu naariga niri aamwi na emwe. ꞉Naabhabhwiriiye ati, ni bhusibhusi jikuumire joone jinu jikaamirwe inguru yaani mu‑bhiraagiro bhya Muusa, ku‑bharagi na mu‑Jabhuri.”

Ruuka 1:19

Maraayika oyo ˆnaamusubhya ati, “Anye, naanye Gaabhuryeri, unu enimereeguru imbere ya Nyamuwanga. Nyamuwanga aantuma kw‑awe, korereki niije okukubhwira emisango ja ekisi jinu.

Mariko 5:22

ˆNaaja omuunu umwi mu‑bhakuru bha inju ya eriikofyanyo, risiina ryaye aatogwaga Yaayiro. Ejire aarora Yeesu, ˆneefukama imbere yaaye,

Ebikorwa 13:27

Okubha abhaanu bha Yerusareemu na abhakuru bheebhwe ꞉bhataamenyere ati Yeesu niwe Omuchungusi, nibhamuramura eetwe. Kwa okukora kutyo, ꞉bhaakuumisiisye emisango jinu jikaamirwe inguru yaaye mu‑bhitabho bhya abharagi, na nijo jaasomwaga bhuri rusuku rwa Isabhaato.

1 Yoana 5:21

Abhaana bhaani mu‑riikirisya, mwiyangarire mwasiga okuramya amasusano.

1 Batesalonika 5:15

Mwangarire, omuunu woonewoone aasiga okusubhya orusiima ku‑weejaabho. Tari bhuri rusuku mwikomeesye okukoreraniraga ja ekisi, emwe abheene kwa abheene. Mukore kutyo ku‑bhaanu bhoone.

Baefeso 5:15

Mbe, mukabhuke muno inguru ya kutyo muramire. Musige okurama rwa abhaanu bhanu bhatari na obhwengeeso, tari murame rwa abhaanu bhanu bhari na obhwengeeso.

2 Bakorinto 8:7

Muri bhaniibhi mu‑misango joone. Muri na eriikirisya, obhuturo bhwa okwayika kisi, obhumenyi, obhwikomeesya bhwafu bhwa okukora ja ekisi, na eryenda ryemwe kw‑iswe. Mbe, nyabhuriko, mubhe abhaniibhi ku‑mirimu ja obhwitiriranya ejo, ja okusakira abhandi.

Mariko 7:25

Eyo aariga ari‑wo omugasi umwi ari Mufoyeenike. Aariga atari Muyawudi. ꞉Aasookere Foyeenike mu‑mukoowa gwa Siiriya. Omuyaasya waaye aariga awungirwe risambwa. Omugasi oyo ejire oongwa ati Yeesu ari eyo, awoawo ˆnaamujaa‑ko, ˆneefukama imbere yaaye. ˆNeerembeeresya Yeesu ati asoosye risambwa mu‑muyaasya waaye.

Baefeso 5:33

Mbe, enibhwira emwe bhoone ati, bhuri murume eende omugasi waaye rwa kutyo keeyenda omwene, na bhuri mugasi ni bhusibhusi ayaane omurume waaye echibharo.

Obhusweruro 1:1

Bhunu nibhwo obhusweruro bhwa Yeesu Kirisito. Nyamuwanga ꞉aamusweruriiye, korereki eeresye abhakosi bhaaye emisango jinu ni bhusibhusi jikorekane bhwangu. Yeesu wone ˆnaaragirira maraayika waaye okunnyeeresya emisango ejo anye omukosi waaye Yowana.

Obhusweruro 19:9

Maraayika urya ˆnaambwira ati, “Kaama ati, bhari na ribhando bhanu bhakokerwe mu‑bhuregesi bhwa Omwana wa Inaama.” ˆNaambwira wone ati, “Ejo nijo emisango ja echimari ja Nyamuwanga.”