Obhusweruro 18:8 - Indagano Inyaaya mu-Chijita

⁸ Kurwa ejo, aribhona itambara yoone ku‑rusuku rumwi era, itambara ya orufu, inyaako ya okurira na ya omweko. Aryochibhwa chimwi mu‑muriro, kwa okubha Raatabhugenyi Nyamuwanga unu arimuramura niwe owa obhuturo.”

INDAGANO INYA:YA

⁸ Kwojirikora niji:ja jinya:ko jae mu rusiku rumwi, okufwa, no butaka, na injara, na ka aryocibwa mu muriro. Okuba Ratabugenyi Nyamuanga unu amuramuye niwe ari na managa.

Obhusweruro 18:8 Referans Kwoze

Obhusweruro 17:16

Amayembe ekumi garya na rityanyi eryo, bhirisoka omugasi urya eegusyaga. Bharimuteesya ebhiinu bhyaye bhyone na okumusiga tuyu. Bharirya inyama yaaye na inu irisigara bhariisingaarisya mu‑muriro.

Obhusweruro 18:19

Bharitutumurira oruteeri ku‑mitwe jeebhwe, okweresya ati bhasurumbara. Bharirira nibhaayikaga ati, “Jiribhona, jiribhona omusi omukuru. Omusi ogwo ꞉gwachiniibhiisye eswe abha jingarabha bhoone inguru ya obhuniibhi bhwagwo. Nawe omusi gwone gwasingaarika ku‑mwanya mufuyi era.”

1 Bakorinto 10:22

Tere, echeenda okukora Raatabhugenyi abhe na rifuwa? Omwitogera ati chiri na amanaga okumukira?

Obhusweruro 19:3

Nibhwayika rwa kabhiri ati, “Nyamuwanga akusibhwe! Ingesi okusooka mu‑musi gurya eyiituuta okuja inguru akajaanende koone.”

Obhusweruro 18:17

Nawe obhuniibhi obhwo bhwone bhwasingaarika ku‑mwanya mufuyi era.” Abhakaru bhoone bha jingarabha na abhagendi bheebhwe, abhawugi na abhakosi bhoone bha emirimu ja mu‑ngarabha, wone bhariimereeguru kura.

Obhusweruro 17:18

Omugasi unu ꞉waarorere ni musi omukuru gunu gutungire abhakama bhoone bha ku‑chaaro.”

Obhusweruro 11:17

nibhaayikaga ati, “Echikusiima Raatabhugenyi Nyamuwanga owa obhuturo bhwone. Awe waariga uri‑wo noorwo woori uri‑wo. Ku‑bhuturo bhwawo obhukuru woori waamba okutunga echaaro choone.