Obhusweruro 17:12 - Indagano Inyaaya mu-Chijita

¹² “Amayembe ekumi ganu ꞉waarorere ni bhakama ekumi bhanu bhachaari okutunga. Abho bhoone bhariyaanwa obhuturo bhwa okutunga aamwi na rityanyi eryo, nawe bharitunga omwanya gwa esaa rimwi era.

INDAGANO INYA:YA

¹² Amaembe ekumi ganu warora, nibo abakama ekumi, banu bicari kubona bukama. Nawe bariyabwa amanaga rwa bakama batunge aamwi na rityanyi bamare saa imwi.

Obhusweruro 17:12 Referans Kwoze

Obhusweruro 12:3

Nikwiya, ku‑rutumba okwo, nichibha‑ko echibharikisyo echindi cha okuruguusya. Mbe rora! Riyoka rinene ritukurasi kaa nirisoromoka. Riyoka eryo ryariga riri na emitwe etaanu na ebhiri na amayembe ekumi, bhuri omutwe gwariga guri na orutengya.

Obhusweruro 13:1

Nejire neeya, nindora rityanyi nirisooka mu‑nyanja. Rityanyi eryo, ryariga riri na emitwe etaanu na ebhiri na amayembe ekumi, na bhuri riyembe ryariga riri na orutengya. Bhuri mutwe gwariga gukaamirwe‑ko risiina rya okufumirisya Nyamuwanga.

Obhusweruro 17:16

Amayembe ekumi garya na rityanyi eryo, bhirisoka omugasi urya eegusyaga. Bharimuteesya ebhiinu bhyaye bhyone na okumusiga tuyu. Bharirya inyama yaaye na inu irisigara bhariisingaarisya mu‑muriro.

Obhusweruro 18:19

Bharitutumurira oruteeri ku‑mitwe jeebhwe, okweresya ati bhasurumbara. Bharirira nibhaayikaga ati, “Jiribhona, jiribhona omusi omukuru. Omusi ogwo ꞉gwachiniibhiisye eswe abha jingarabha bhoone inguru ya obhuniibhi bhwagwo. Nawe omusi gwone gwasingaarika ku‑mwanya mufuyi era.”

Obhusweruro 18:17

Nawe obhuniibhi obhwo bhwone bhwasingaarika ku‑mwanya mufuyi era.” Abhakaru bhoone bha jingarabha na abhagendi bheebhwe, abhawugi na abhakosi bhoone bha emirimu ja mu‑ngarabha, wone bhariimereeguru kura.

Obhusweruro 18:10

Abhakama abho bhariimereeguru kura na omusi ogwo kwa okuubhaya ebhinyaasyo bhyagwo bhinu bhirigubhona. Bharirira nibhaayikaga ati, “Jiribhona, jiribhona omusi omukuru, Bhaabheeri, omusi gwa amanaga! Indamu yaawo yakukingira bhwangu muno.”

Obhusweruro 10:11

Nimbwirwa ati, “Owukenwa usoosye obhuragi rindi inguru ya jingʼanda nyafu, ebhyaro bhyafu, jinyaayika nyafu na abhakama bhaafu.”