Obhusweruro 16:14 - Indagano Inyaaya mu-Chijita

¹⁴ Amasambwa ago, gaariga gari na obhuturo bhwa okukora ebhibharikisyo na emirimu jaago ni kugenda ku‑bhakama bhoone ku‑chaaro na okubhakumanya, korereki bhakore riremo ku‑rusuku rurya orukuru rwa risungu rya Nyamuwanga owa obhuturo bhwone.

INDAGANO INYA:YA

¹⁴ Okuba nijo emyoyo je misambwa jinu ejikora ebibarikisyo. Nijo ejiuruka nijigenda ku bakama ba i:si na be ca:ro co:ne, korereki jibakofye ku buremo bwo rusiku orukuru rwa Nyamuanga unu katura byone.

Obhusweruro 16:14 Referans Kwoze

Obhusweruro 17:14

Bharigwatana na rityanyi eryo, okukora riremo na Omwana wa Inaama. Nawe Omwana wa Inaama aribhayiga, kwa okubha omwene niwe Raatabhugenyi wa bharaatabhugenyi na Omukama wa abhakama. Bhanu bhari aamwi nage nibho bhabhirikiiywe na okusorwa na Nyamuwanga, abheene ni bheeyikanyibhwa.”

1 Timoteo 4:1

Woori, Mwoyo Mweru kaayika abhwerubhweru ati, mu‑siku ja obhuteero, abhaanu abhandi bharisiga eriikirisya rya echimari, bharitegeresya emyoyo jinu ejiyabhya na bharigayuka ameeyigisyo ga amasyetaani.

Obhusweruro 20:8

Mbe, omwanya gunu ariigurirwa, arigenda okujiga amaanga mbaara joone ja echaaro, ganu agatogwa Googu na Amagogi. Syetaani aribhakofya korereki bharwane riremo, wone bharibha abharuubhirisya bhaafu rwa omusenyi gwa inyanja.

1 Yoana 5:19

Eswe echimenya ati, chiri bhaana bha Nyamuwanga. Omubhiibhi urya atungire abhaanu abhandi bhoone bhanu bhatari na obhumwi na Nyamuwanga.

Yakobo 3:15

Obhwengeeso bhwa imbaga eyo, bhutakusooka ku‑Nyamuwanga, tari ni bhwengeeso bhunyachaaro, bhunyamuunu na obhusooka ku‑Syetaani.

Obhusweruro 16:16

Mbe, amasambwa ago, nigakumanya abhakama bhoone na bhasirikare bheebhwe orubhaara runu mu‑Chiyebhuraniya orutogwa ati, Arimagidooni.

Obhusweruro 12:9

Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.

Yowana 8:44

Emwe muri bhaanu bha Syetaani, oyo niwe esomwana! Niyo isonga omwenda okukora jinu esomwana keegomba. Syetaani ni mwiti okusookerera ku‑bhwambiro. Atakwenda echimari kata, kwa okubha echimari echo, chitari‑mo mu‑mwoyo gwaye. Omwene ni mubheeyi, na akatungiiywe kaaye ni kubheeya, ka wone niwe esemwene orubheeyi.

2 Batesalonika 2:9

Mbe, Omunyamusi oyo omwanya gwa okutuurwa abhweru kwaye, ariija na obhuturo bhwone bhwa Syetaani. Niwo, ku‑bhuturo obhwo arikora ebhibharikisyo na ebhiruguusyo bhya orubheeyi.

Mariko 13:22

Bhariibhuka abharagi abhabheeyi na abhaanu bhanu bharibhaga nibheetoga ati ni Kirisito. Bharibhaga nibhakora ebhibharikisyo na ebhiruguusyo, korereki bhajige abhaanu na araabha ikaturikeene, bharegeeje okujiga na abhasorwa bha Nyamuwanga.

Matayo 24:24

Bhariibhuka abharagi abhabheeyi na abhaanu bhanu bharibhaga nibheetoga ati ni Kirisito. Bharibhaga nibhakora ebhibharikisyo bhyafu na ebhiruguusyo. Kutyo, bhariregeeja okujiga abhaanu na araabha ikaturikeene, bhakaregeejere na abhasorwa bha Nyamuwanga.

Obhusweruro 3:10

Woori kwa okubha ꞉mwegumiirisiisye rwa kutyo ꞉naabharagiriiye, niribharinda omwanya gwa inyaako inu irireetwa ku‑chaaro choone okuregeeja abhaanu bhoone.

Barumi 1:8

Nyabharinyabhari, enisiima Nyamuwanga okutura ku‑Yeesu Kirisito, inguru yeemwe bhoone, kwa okubha emisango inguru ya eriikirisya ryemwe ejimenyekana mu‑chaaro choone.

Obhusweruro 16:7

Niwo ninuungwa obhuraka okusooka ku‑chigabhiro, nibhwayikaga ati, “Awe, Raatabhugenyi Nyamuwanga owa obhuturo bhwone, indamu yaawo ni ya echimari na ya obhurengeresi.”

Obhusweruro 13:3

Omutwe gumwi gwa rityanyi eryo gwariga guri na riwuta ebhiibhi muno rya okufwa. Nawe riwuta eryo ꞉ryaworere! Echo nichikora abhaanu bhoone ku‑chaaro nibhariruguura na okuriruubha.

Obhusweruro 6:17

Woori, orusuku rurya orukuru rwa risungu riruru okusooka ku‑Nyamuwanga na Omwana wa Inaama rwakingire! Chimari atari‑wo omuunu noorwo umwi unu kaatura okurwigumiirisya.”

Ruuka 2:1

Mu‑siku ejo ja okwibhurwa Yowana, Kayisaari Awuguusito ˆnaaragirira ati, abhaanu bhoone bhanu bhari mu‑bhyaro bhya obhutungi bhwaye, bhaje okubharwa.

Matayo 24:14

Ku‑bhuteero, Emisango ja Ekisi inguru ya obhukama bhwa mu‑rwire jiriraasibhwa ku‑chaaro choone. Ku‑mwanya ogwo abhaanu bhoone bharibha na omwanya gwa okuungwa obhubhambaasi obhwo, niwo obhuteero bhwa echaaro bhurikinga.