Obhusweruro 14:7 - Indagano Inyaaya mu-Chijita

⁷ Mbe, maraayika oyo, ˆnaamura obhuraka ˆnaayika ati, “Mugayuke, muramye na okukuuya Nyamuwanga, okubha omwanya gwa okuramura abhaanu gwakingire. Muramye unu ꞉aabhumbire orutumba, echaaro, inyanja na emimiro ja amanji.”

INDAGANO INYA:YA

⁷ Na:ika na buraka bunene ati, Mu:baye Nyamuanga, mumukusye, okuba omwanya gwo kuramura kwae gweire. Muramye Unu akorere orwire, ne ca:ro, na inyanja, ne binyo bya manji.

Obhusweruro 14:7 Referans Kwoze

Obhusweruro 15:4

Raatabhugenyi, niga unu atarikuramya? Raatabhugenyi, niga unu atarikuuya risiina ryawo? Okubha awe omwene era, niwe Omweru. Abhaanu bha amaanga goone bhariija na okukuramya, kwa okubha ebhikorwa bhyawo bhya obhurengeresi ebhibhonekana abhwerubhweru.”

Obhusweruro 11:18

Abhaanu bha amaanga ꞉bhaakusokere, nawe omwanya gwa risungu ryawo gwakingire. Woori ni omwanya gwawo gwa okuramura abhaanu bhanu ꞉bhaafuuwe. Ka wone, nigwo omwanya gwa okuyaanira‑mo echiyaanwa abhakosi bhaawo abharagi, na abheeru bhaawo bhoone bhanu abhakusya risiina ryawo, abharera na abhakuru. Gunu nigwo omwanya gwa okusingaarisya abhaanu bhanu abhasingaarisya echaaro.”

Obhusweruro 4:11

“Raatabhugenyi na Nyamuwanga weeswe, wiiyire ukuuyibhwe, okuyaanwa echibharo na okubha na obhuturo bhwone. Okubha awe ꞉waabhumbire ebhiinu bhyone, mu‑kwenda kwawo ꞉bhyabhumbirwe, ka wone bhiri‑wo.”

Obhusweruro 11:13

Omwanya ogwoogwo, rinyamutikima rinene rya echaaro niritura, ribhaara rimwi kw‑ikumi rya omusi nirigwa. Rinyamutikima eryo nirireterera abhaanu bhiwumbi bhitaanu na bhibhiri (7,000) okufwa. Abhaanu bhanu ꞉bhaawonere, nibhoobhaya, nibhakuuya Nyamuwanga wa mu‑rwire.

Obhusweruro 18:10

Abhakama abho bhariimereeguru kura na omusi ogwo kwa okuubhaya ebhinyaasyo bhyagwo bhinu bhirigubhona. Bharirira nibhaayikaga ati, “Jiribhona, jiribhona omusi omukuru, Bhaabheeri, omusi gwa amanaga! Indamu yaawo yakukingira bhwangu muno.”

Obhusweruro 16:9

Abhaanu nibhoochiibhwa kubhiibhi muno. Nibhafuma risiina rya Nyamuwanga kwa okubha omwene aariga ari na obhuturo ku‑tambara ejo, nawe ꞉bhataataaye ebhibhiibhi bhyebhwe ku‑mwene noorwo ꞉bhataamukusiisye.

Obhusweruro 4:9

Ebhibhumbwa bhina ebhyo bhyariga nibhikuuya, nibhiyaana echibharo na okusiima unu eenyanjire ku‑chitebhe cha ingʼoma. Omwene oyo, niwe omuwanga akajaanende koone.

Ebikorwa 14:15

“Emwe abhaanu bhaasu, musige okukora kutyo! Eswe wone chiri abhaanu era rwa emwe! Chiri anu okubharaasisya Emisango ja Ekisi ati, musige okuramya amasambwa, muyindukire Nyamuwanga omuwanga! Omwene niwe ꞉aabhumbire orutumba, echaaro, inyanja, na bhyone bhinu bhiri‑mo.

Obhusweruro 19:5

Nejire neeya, ninuungwa obhuraka obhundi okusooka ku‑chitebhe cha ingʼoma nibhwayikaga ati, “Mukusye Nyamuwanga weeswe, emwe abhakosi bhaaye bhoone. Mumukusye emwe bhanu omumuramya, abharera na abhakuru!”

Obhusweruro 8:10

Maraayika wa kasatu wone ˆnaabhuma ingʼombi yaaye. Niwo injota inene niigwa okusooka mu‑rutumba. Injota eyo, yaariga niseekaana rwa echisiriira, niigwa kw‑ibhaara rya kasatu rya emisima na erya emimiro ja amanji.

Ruuka 17:18

Ataasubha noorwo omuunu owundi ˆnaakuuyaga Nyamuwanga, tari mugenyi unu era?”

Obhusweruro 18:19

Bharitutumurira oruteeri ku‑mitwe jeebhwe, okweresya ati bhasurumbara. Bharirira nibhaayikaga ati, “Jiribhona, jiribhona omusi omukuru. Omusi ogwo ꞉gwachiniibhiisye eswe abha jingarabha bhoone inguru ya obhuniibhi bhwagwo. Nawe omusi gwone gwasingaarika ku‑mwanya mufuyi era.”

Obhusweruro 18:17

Nawe obhuniibhi obhwo bhwone bhwasingaarika ku‑mwanya mufuyi era.” Abhakaru bhoone bha jingarabha na abhagendi bheebhwe, abhawugi na abhakosi bhoone bha emirimu ja mu‑ngarabha, wone bhariimereeguru kura.

1 Petero 4:7

Obhuteero bhwa emisango joone, bhuri yeeyi. Kurwa ejo, mwiyingirire na okwiyangarira mu‑misango joone, korereki mubhe na obhuturo bhwa okusabhwa.

Matayo 25:13

Awo Yeesu ˆnaamariisya kwa okwayika ati, “Mbe, mwiyangarire, kwa okubha mutakumenya orusuku noorwo isaa inu nirisubha.”