Obhusweruro 14:15 - Indagano Inyaaya mu-Chijita

¹⁵ Neeya, maraayika owundi ˆnaasooka mw‑Iyekaru rya Nyamuwanga mu‑rwire eyo, ˆnaamura obhuraka ˆnaabhwira unu aariga eenyanjire ku‑riire okwo ati, “Gega omuworo gwawo ugende okugesa, kwa okubha ebhigeswa bhya echaaro bhyakomeeye na omwanya gwa okugesa gwakingire.”

INDAGANO INYA:YA

¹⁵ Maraika oundi naso:ka mu yekaru, na:ikirira inguru na buraka bunene, nabwira oyo enyanjire ku ri:re ati, Nu:tu:reko orugera rwao ugese, okuba omwanya gwo kugesa gweire, okuba orugeso rwe ca:ro rwaiye.

Obhusweruro 14:15 Referans Kwoze

Mariko 4:29

Echiimesya chirya chikakomeera, na okuuma, niwo omurimi kaagega omuworo ˆnaagenda okugesa.”

Matayo 13:39

Omusoko unu ꞉eejire okubhibha amagorogoro ni Syetaani omwene. Omwanya gwa okugesa ni bhuteero bhwa echaaro chinu, na abhagesi ni bhamaraayika bha Nyamuwanga.

Obhusweruro 14:18

Niwo, maraayika owundi ˆnaasooka ku‑chigabhiro. Omwene aariga ari na obhuturo ku‑muriro. ˆNaamura obhuraka ˆnaabhwira maraayika wa omuworo gwa obhuugi bhwafu ati, “Iisya omuworo gwawo ogwo, uteme amatwasyo ga emijabhiibhu ja echaaro, kwa okubha amatwasyo gaayiiye.”

Matayo 13:30

Musige bhikure bhyone, okukingira omwanya gwa okugesa. Ku‑mwanya ogwo, niribhwira abhagesi ati, bhatangate okukumanya amagorogoro na okugabhoya masekomaseko, korereki bhagooche. Niwo bharigesa ingano na okuyibhiika mu‑chitara chaani.’”

Obhusweruro 16:17

Niwo, maraayika wa kataanu na kabhiri ˆnaasuka ku‑rutumba risungu rya Nyamuwanga rinu ryariga riri mw‑ibhakuri ryaye. Ninuungwa obhuraka obhunene nibhusooka ku‑chitebhe cha ingʼoma mw‑Iyekaru rya Nyamuwanga, nibhwayika ati, “Joone jaakorekeene!”

Matayo 23:32

Mbe, mugende mukuumisye ebhibhiibhi bhinu bhasaaja waanyu ꞉bhaambisiisye!

Obhusweruro 15:6

Bhamaraayika bhataanu na bhabhiri bharya bha jitambara etaanu na ebhiri nibhasooka omwo. Bhamaraayika abho, bhaariga bhafwaye emyenda jibhafuta jiinyeru, nijibharangisya na ku‑bhifubha bhyebhwe, bhaariga bhafwaye emichipi jingari ja inaaryo.

Obhusweruro 14:14

Niwo nindingira rindi, nindora eriire eryeru. Ku‑riire okwo, aariga eenyanjire‑ko omuunu ˆnaasusana rwa Omwana wa Omuunu. Ku‑mutwe gwaye, aariga afwaye orutengya rwa inaaryo. Mu‑kubhoko kwaye aariga agwatiriiye omuworo gwa obhuugi bhwafu.

Obhusweruro 6:10

Niwo, nibhaamura obhuraka nibharira, nibhaayika ati, “Raatabhugenyi awe, Nyamuwanga owa obhuturo bhwone, unu uri mweru na owa echimari, mbawo owukoora! Uriramura ri abhaanu bha ku‑chaaro na okuchisubhisya orusiima ku‑bhanu ꞉bhaachiitire?”

1 Batesalonika 2:16

kwa okubha abhachiyingirira okuraasya Emisango ja Ekisi ku‑bhaanu bhanu bhatari Bhayawudi. Bhatakwenda abhaanu abho bhachunguke. Nikwo kutyo, abhagenderera okukuumisya ebhibhiibhi bhyebhwe bhinu abhakora bhuri rusuku. Nawe, risungu rya Nyamuwanga ryabhakingiiye!

Obhusweruro 13:12

Nirikorera obhuturo bhwone bhwa rityanyi rirya rya okwamba na inguru yaaryo eryene. Rityanyi rya kabhiri eryo nirisinyiirisya abhaanu bhoone bha ku‑chaaro bharamye rityanyi rya okwamba rinu ryariga riri na riwuta rya okufwa rinu ꞉ryaworere.

Obhusweruro 11:19

Niwo, orwigi rwa Riyekaru rya Nyamuwanga rya mu‑rwire nirwiguka. Risandikwa rya indagano ya Nyamuwanga niribhonekana mw‑Iyekaru eryo. Nindora jindabhyo na ninuungwa obhuraka bhwa ribharuka. Rinyamutikima rya echaaro niritura na niigwa ingʼubha nyafu muno ya amabhuyi amanene.

Obhusweruro 14:16

Niwo omuunu oyo, ˆneesya omuworo gwaye ku‑chaaro, ˆnaagesa ebhigeswa bhya echaaro choone.

Obhusweruro 14:17

Neeya, maraayika owundi ˆnaasooka mw‑Iyekaru rya Nyamuwanga mu‑rwire eyo. Omwene wone, aariga agwatiriiye omuworo gwa obhuugi bhwafu.