Obhusweruro 14:13 - Indagano Inyaaya mu-Chijita

¹³ Ninuungwa obhuraka okusooka mu‑rwire, nibhumbwira ati, “Kaama ati, okwambira woori, bhari na amabhando abhaanu bhoone bhanu abhafwa bheekirisiisye Raatabhugenyi Yeesu.” Neeya Mwoyo wa Nyamuwanga ˆnaayika ati, “Cha, bharibhona amabhando maafu. Bhariisya omwoyo okusooka ku‑mirimu jeebhwe emisito, okubha bhariyaanwa ebhiyaanwa inguru ya ebhikorwa bhyebhwe bhya ekisi.”

INDAGANO INYA:YA

¹³ Ninungwa oburaka nibuso:ka mu rwire nibwaika ati, Bana ribando abafu:ye banu abafwira mu Ratabugenyi kuso:ka rero. Nikwo kutyo Omwoyo ka:ika, korereki besye omwoyo mu mirimu jebwe jo kunya:ka, okuba ebikorwa byebwe ebigenda nabo.

Obhusweruro 14:13 Referans Kwoze

Obhusweruro 20:6

Obhusuuruko bhurya bhwa abhaana bha Nyamuwanga nibhwo obhusuuruko bhwa okwamba. Bhari na amabhando bhanu bharisuuruka mu‑bhusuuruko obhwo, ka wone nibho abheeru bha Nyamuwanga. Okubha okufwa kwa kabhiri kutaribha na amanaga inguru yeebhwe. Abho bharibha abhagabhisi bha Nyamuwanga na Kirisito, bharitunga aamwi nage ku‑mwanya ogwo gwa emiguuga chiwumbi chimwi.

1 Batesalonika 5:10

Oyo niwe ꞉aachifwiriiye, korereki chibhe aamwi nage, omwanya gunu chiri abhaanga amwi omwanya gunu chifuuwe.

1 Batesalonika 4:16

Okubha Raatabhugenyi omwene ariika okusooka mu‑rwire. Aryamura obhuraka kwa amanaga, maraayika omukuru wone aryamura obhuraka na okubhirikira, na rinyawegoona rya Nyamuwanga riririra. Niwo, abhaanu bhanu ꞉bhaamaamire nyombe bheekirisiisye Kirisito, bharitangata okusuuruka.

1 Bakorinto 15:58

Kutyo, abhayiri bhaani abheendwa mu‑riikirisya, murumatane mu‑riikirisya eryo, okufwa omwoyo wuri. Mugenderere okukora emirimu ja Raatabhugenyi nimukomeeraga bhuri rusuku, kwa okubha mumenyere ati emirimu jinu omukora inguru ya Raatabhugenyi, jitari ja okufwirwa‑mo wuri.

Obhusweruro 19:9

Maraayika urya ˆnaambwira ati, “Kaama ati, bhari na ribhando bhanu bhakokerwe mu‑bhuregesi bhwa Omwana wa Inaama.” ˆNaambwira wone ati, “Ejo nijo emisango ja echimari ja Nyamuwanga.”

Obhusweruro 21:5

Neeya unu aariga eenyanjire ku‑chitebhe cha ingʼoma ˆnaayika ati, “Ringira, enikora bhuri chiinu okubha echiyaaya!” ˆNaambwira wone ati, “Kaama ati, ejo ni misango ja okwiyikanyibhwa na ja echimari.”

Obhusweruro 6:11

Niwo abhaanu bhoone bhanu ꞉bheetirwe, nibhayaanwa emingiro jiinyeru. Nibhabhwirwa ati, bharindirire‑wo katungu katooto, okukingira abhakosi bheejaabho, bhanu bhari abhayiri bheebhwe mu‑riikirisya, wone bheetwe rwa kutyo abheene ꞉bheetirwe. Niwo obhukumi bhwebhwe obhuja okukuumira.

2 Bakorinto 5:8

Chimari chiri na obhwiyikanyo, ka wone chikeendere noorwo okufuruka okusooka mu‑bhwikaro bhunu, chifurukire ku‑Raatabhugenyi.

Obhusweruro 16:17

Niwo, maraayika wa kataanu na kabhiri ˆnaasuka ku‑rutumba risungu rya Nyamuwanga rinu ryariga riri mw‑ibhakuri ryaye. Ninuungwa obhuraka obhunene nibhusooka ku‑chitebhe cha ingʼoma mw‑Iyekaru rya Nyamuwanga, nibhwayika ati, “Joone jaakorekeene!”

1 Batesalonika 4:14

Eswe, echiikirisya ati Yeesu ꞉aamaamire nyombe na okusuuruka. Kutyokutyo, echiikirisya ati, Nyamuwanga arisuurura abhaanu bhoone bhanu ꞉bhaamaamire nyombe bheekirisiisye Yeesu na aribhareeta aamwi nage.

1 Bakorinto 15:18

Okukira ejo, bhoone bhanu ꞉bhaafuuwe bheekirisiisye Kirisito, bhasimagiiye chimwi.

Barumi 14:8

Omwanya gunu echirama, echirama inguru ya Raatabhugenyi Yeesu. Omwanya gunu echifwa, echifwa inguru ya Raatabhugenyi Yeesu. Kurwa ejo, chibhe nichirama amwi chibhe chifuuwe, eswe chiri bhaanu bhaaye.

Ruuka 16:9

Ka wone, enibhabhwira ati, obhuniibhi bhwa echaaro chinu bhuriwaa‑wo. Woori, musakirega abhaanu abhandi ku‑bhuniibhi bhunu muri nabhwo, niwo muribhonera abhasaani. Araabha murikora kutyo, Nyamuwanga aribhakuma mu‑bhwikaro bhwaye bhwa akajaanende koone.

Matayo 3:17

Niwo, obhuraka okusooka mu‑rwire nibhwayika ati, “Unu niwe Omwana waani omwendwa, niwe kaankondisya.”

Obhusweruro 11:19

Niwo, orwigi rwa Riyekaru rya Nyamuwanga rya mu‑rwire nirwiguka. Risandikwa rya indagano ya Nyamuwanga niribhonekana mw‑Iyekaru eryo. Nindora jindabhyo na ninuungwa obhuraka bhwa ribharuka. Rinyamutikima rya echaaro niritura na niigwa ingʼubha nyafu muno ya amabhuyi amanene.

Obhusweruro 11:15

Neeya, maraayika wa kataanu na kabhiri ˆnaabhuma ingʼombi yaaye. Niwo ninuungwa obhuraka bhunene bhwa bhamaraayika bhaafu mu‑rwire eyo, nibhwayikaga ati, “Obhutungi bhwa echaaro bhwabheeye bhwa Raatabhugenyi Nyamuwanga weeswe, aamwi na Kirisito waaye. Nyamuwanga niwe aritunga akajaanende koone.”

Obhusweruro 10:4

Omwanya gunu amabharuka ago ꞉geetabhiirisiisye, naariga nineenda okukaama emisango jinu jaayikwaga na amabharuka ago, nawe ninuungwa obhuraka okusooka mu‑rwire nibhumbwira ati, “Emisango ja amabharuka ejo, siga okujikaama! Emisango ejo ni mbisike!”

Obhusweruro 2:1

Omuunu oyo, ˆnaagenderera okwayika ati, “Ukaamire maraayika wa mw‑ikanisa rya Yefeeso kutya, Anye niri na jinjota jirya etaanu na ebhiri mu‑kubhoko kwani kwa ebhuryo, anye eniribhataga agatigati ya emitereko etaanu na ebhiri ja inaaryo ja okutuura‑ko jidara. Mutegeresye jinu enibhabhwira!

Bafilipi 2:17

Noorwo ikabha ati isagama yaani eyisoosibhwa rwa echoogo ku‑chigabhiro, aamwi na eriikirisya ryemwe rinu erikorwa echoogo imbere ya Nyamuwanga, anye enikonderwa na okusandabha aamwi na emwe bhoone.

Ruuka 16:25

“Bhurayimu ˆnaamusubhya ati, ‘Mwana waani, ichuka ati omwanya gunu waariga uri ku‑chaaro, awe ꞉waabhwene emisango ja ekisi mu‑bhurame bhwawo, nawe Rajaaro, ꞉aabhwene emisango emibhiibhi mu‑bhurame bhwaye. Woori anu kutya, omwene kaafungʼamibhwa, omwanya ogwo awe wone owunyaasibhwa.

Obhusweruro 1:11

Obhuraka obhwo nibhumbwira ati, “Kaama mu‑chitabho emisango joone jinu owuja okurora. Ukamara usire echitabho echo mu‑makanisa ganu gari mu‑misi etaanu na ebhiri jinu jiri Yefeeso, Simuriina, Perigaamo, Tiyaatira, Sariidi, Firadeefiya, na Rawodeekiya.”

1 Bakorinto 15:20

Nawe woori, chimari enibhabhwira ati, Kirisito ˆnaasuuruka okusooka mu‑bhafuuwe, na omwene niwe wa okwamba okusuuruka ku‑bhanu bhafuuwe.

1 Timoteo 5:24

Abhaanu abhandi, ebhibhiibhi bhyebhwe ebhibhonekana abhwerubhweru, noorwo bhichaari okuramurwa. Nawe abhaanu abhandi, ebhibhiibhi bhyebhwe bhiiserekere, bhiriswerurwa omwanya gundi.

1 Timoteo 5:25

Kutyokutyo, ebhikorwa bhya ekisi ebhibhonekana abhweru. Nyabhuriko bhinu bhiiserekere, bhirituurwa abhweru.

Obhusweruro 2:7

Unu kaategeresya, noongwe emisango jinu Mwoyo Mweru kaabhwira amakanisa. Woonewoone unu ariyiga, nirimwikirisisya okurya amatwasyo ga riiti rinu erisoosya obhuwanga bhwa akajaanende koone. Riiti eryo riri mu‑rwire mw‑isambu rya Nyamuwanga.

Obhusweruro 22:17

Mwoyo wa Nyamuwanga na omwenga wa Omwana wa Inaama abhabhirikira Raatabhugenyi Yeesu, nibhaayika ati, “Iija!” Abhaanu bhoone wone bhanu bharyungwa emisango ejo bhaayike ati, “Iija!” Woonewoone unu ari na obhwiro, aaje anywe amanji ganu agasoosya obhuwanga, atagurire wuri.