Obhusweruro 13:3 - Indagano Inyaaya mu-Chijita

³ Omutwe gumwi gwa rityanyi eryo gwariga guri na riwuta ebhiibhi muno rya okufwa. Nawe riwuta eryo ꞉ryaworere! Echo nichikora abhaanu bhoone ku‑chaaro nibhariruguura na okuriruubha.

INDAGANO INYA:YA

³ Nindora omutwe gwaryo gumwi gusomere bwiti, na riuta ryaryo ryo kufwa niriora. Ne ca:ro co:ne nicirugu:ra niciru:ba rityanyi.

Obhusweruro 13:3 Referans Kwoze

Obhusweruro 17:8

Rityanyi rinu ꞉waarorere, ryariga riri aanga nawe woori ryafuuwe. Rityanyi eryo, riri yeeyi okusooka mu‑ryobho rinu ritari na obhuteero, korereki Nyamuwanga arisingaarisye. Abhaanu bhoone ku‑chaaro bhanu amasiina geebhwe ꞉gataakaamirwe mu‑chitabho cha obhuwanga echaaro chichaari okubhumbwa, bhariruguura aribha bhaarora rityanyi eryo ryariga riri‑wo, woori ritari‑wo na riribha‑wo rindi.”

Obhusweruro 13:14

Ku‑bhibharikisyo bhinu ꞉ryayaaywe okukora imbere ya rityanyi rya okwamba rirya, nirijiga abhaanu bha ku‑chaaro anu. Niribhwira abhaanu bhabhaaje risusano rya okuyaana echibharo rityanyi rya okwamba, rinu ꞉ryawutasiibhwe kwa imbanda, nawe niriwora, nirigenderera okwikara.

Obhusweruro 17:17

Nyamuwanga omwene niwe ꞉aabhakorere bhabhe na obhukarariiye bhumwi bhwa okuyaana rityanyi obhuturo bhwebhwe bhwa okutunga. Abho bharikora kutyo okukingira anu obhutinge bhwa Nyamuwanga bhurikuumira.

Obhusweruro 17:10

Ka wone emitwe etaanu na ebhiri ejo ni bhakama bhataanu na bhabhiri. Abhakama abhataanu bharafuuwe, owundi niwe atungire woori, owundi achaari okuuja. Aribha aaja, aritunga omwanya mufuyi era.

Obhusweruro 17:13

Abhakama ekumi abho bharibha na obhukarariiye bhumwi, bhariyaana rityanyi eryo obhuturo na amanaga geebhwe goone.

Obhusweruro 13:12

Nirikorera obhuturo bhwone bhwa rityanyi rirya rya okwamba na inguru yaaryo eryene. Rityanyi rya kabhiri eryo nirisinyiirisya abhaanu bhoone bha ku‑chaaro bharamye rityanyi rya okwamba rinu ryariga riri na riwuta rya okufwa rinu ꞉ryaworere.

Ebikorwa 8:13

Noorwo Simooni wone ˆneekirisya Yeesu, ˆnaabhatiijibhwa, ˆnaaruubhana na Firipo bhuri orubhaara. Omwanya gunu ꞉aarorere ebhibharikisyo na ebhiruguusyo bhyafu bhinu Firipo aariga ˆnaakora, ꞉aaruguurire.

Ruuka 2:1

Mu‑siku ejo ja okwibhurwa Yowana, Kayisaari Awuguusito ˆnaaragirira ati, abhaanu bhoone bhanu bhari mu‑bhyaro bhya obhutungi bhwaye, bhaje okubharwa.

Obhusweruro 17:6

꞉Naaruguurire muno, nejire naarora omugasi oyo akorerwe isagama ya abheeru bha Nyamuwanga, bhanu ꞉bheetirwe ku‑songa ya okubha abhabhambaasi bha Yeesu.

Yowana 12:19

Nawe Abhafarisaayo nibhaayikana abheene kwa abheene ati, “Omurora? Chitakutura okukora choonechoone! Ringira, abhaanu bhoone abhamuruubha.”

Obhusweruro 17:11

Rityanyi eryo ryariga riri iwanga, nawe nirifwa, oyo niwe omukama wa kataanu na kasatu. Omukama oyo, ni owumwi wa bhakama bhataanu na bhabhiri bharya, nawe Nyamuwanga arimusingaarisya wone.