Obhusweruro 13:16 - Indagano Inyaaya mu-Chijita

¹⁶ Rityanyi rya kabhiri eryo nirisinyiirisya abhaanu bhoone, bha echibharo na bhanu bhatari na echibharo, abhaniibhi na abhataka, abha obhwitaage na abhagaya, bhatuurwe‑ko orunabho ku‑kubhoko kwa ebhuryo amwi ku‑chisuusu.

INDAGANO INYA:YA

¹⁶ Nirisinyirisya bo:ne, abakuru na bato:to, na bani:bi na bataka, na be:bure na bagaya, baterweko ecibarikisyo ku kuboko kwebwe okwe buryo, amwi ku bisu:su byebwe,

Obhusweruro 13:16 Referans Kwoze

Obhusweruro 20:4

Nejire neeya, nindora ebhitebhe bhya obhutungi bhinyanjirwe‑ko bhanu bhaariga bhayaaywe obhuturo bhwa okusoosya indamu. Abho, jaariga jiri emitima ja abhaanu bhanu ꞉bheetirwe isonga iri ati, ꞉bhaasoosiisye obhubhambaasi inguru ya Yeesu na okuraasya emisango ja Nyamuwanga. ꞉Bhataaramiisye rityanyi rirya noorwo risusano ryaryo. ꞉Bhateekirisiisye okutuurwa‑ko orunabho rwa rityanyi eryo ku‑bhisuusu bhyebhwe noorwo ku‑mabhoko geebhwe. Mbe abhaanu abho nibhasuuruka, nibhatunga aamwi na Kirisito emiguuga chiwumbi chimwi.

Obhusweruro 19:20

Nawe rityanyi, aamwi na omuragi omubheeyi unu ꞉aakorere ebhibharikisyo ku‑songa ya rityanyi eryo, ꞉bhaagwatirwe ngwatwa. Ku‑njira ya ebhiruguusyo bhinu omuragi oyo ꞉aakorere, aariga ajigire abhaanu bhanu bhaariga bhateeywe‑ko orunabho rwa rityanyi eryo na okuramya risusano ryaryo. Bhoone ku‑bhubhiri bhwebhwe nibheeswa bhari bhaanga mu‑nyanja ya omuriro omururu gwa emisimu ja echibhiriiti.

Obhusweruro 7:3

ˆnaayikaga ati, “Murindirire okwamba! Musige okunyamura echaaro, inyanja noorwo amati, okukingira anu chirimara okutuura‑ko orunabho ku‑bhisuusu bhya abhakosi bha Nyamuwanga weeswe.”

Obhusweruro 19:18

Muuje murye jinyama ja abhakama, ja abhakuru bha riremo, ja abhayaari, ja jifwaraasi na ja bhanu bhajiriinyire‑ko, ja abhaanu bhoone, bha obhwitaage na abhagaya, abharera na abhakuru.”

Obhusweruro 19:5

Nejire neeya, ninuungwa obhuraka obhundi okusooka ku‑chitebhe cha ingʼoma nibhwayikaga ati, “Mukusye Nyamuwanga weeswe, emwe abhakosi bhaaye bhoone. Mumukusye emwe bhanu omumuramya, abharera na abhakuru!”

Obhusweruro 20:12

Nindora abhafuuwe bhoone, abharera na abhakuru, bheemereeguuyu imbere ya echitebhe cha ingʼoma. Niwo ebhitabho bhinu bhyariga bhikaamirwe‑mo ebhikorwa bhya abhaanu bhoone nibhifumburwa. Echitabho echindi nichifumburwa, echo nicho echitabho cha obhuwanga. Abhafuuwe abho nibharamurwa okuruubhana na ebhikorwa bhyebhwe bhinu bhyariga bhikaamirwe mu‑bhitabho omwo.

Obhusweruro 6:15

Niwo abhakama bha echaaro, abhatangasya, abhakuru bha riremo, abhaniibhi, abhaanu bha echibharo, aamwi na abhaanu abhandi bhoone, bhabhe bhanu bhari na obhwitaage amwi abhagaya, bhoone nibheeyibhisa mu‑senga na emwaro ya amabhuyi ga mu‑bhiima.

Ebikorwa 26:22

Nawe, Nyamuwanga ꞉aansakiiye okukingira orusuku rwa reero. Akorere niniimereeguru anu imbere ya abhaanu bhoone, abhakuru na abharera, korereki okusoosya obhubhambaasi. Emisango jinu enaayika, nijo jirya era Muusa na abharagi abhandi ꞉bhaayikire ati jirikorekana.

Obhusweruro 15:2

Ka wone, nindora echiinu chinu chaariga chiri rwa inyanja ya rirore, inu isasikeene na omuriro. Ku‑mbarimbari awo, bhaariga bheemereeguuyu‑wo abhaanu bhanu ꞉bhaayigire rityanyi rirya, risusano ryaryo, aamwi na obhukumi bhwa risiina ryaryo. Abhaanu abho bhaariga bhagwatiriiye jindono mu‑mabhoko geebhwe ganu bhaariga bhayaaywe na Nyamuwanga korereki bhamuramye.

Obhusweruro 11:18

Abhaanu bha amaanga ꞉bhaakusokere, nawe omwanya gwa risungu ryawo gwakingire. Woori ni omwanya gwawo gwa okuramura abhaanu bhanu ꞉bhaafuuwe. Ka wone, nigwo omwanya gwa okuyaanira‑mo echiyaanwa abhakosi bhaawo abharagi, na abheeru bhaawo bhoone bhanu abhakusya risiina ryawo, abharera na abhakuru. Gunu nigwo omwanya gwa okusingaarisya abhaanu bhanu abhasingaarisya echaaro.”

Bakolosai 3:11

Kurwa ejo, bhutari‑wo obhutaasyanya rindi agati ya Omuyawudi na unu atari Muyawudi, unu atenderwe na unu atatenderwe, unu kaasooka mu‑chaaro cha kura amwi omusikisi, omugaya na omwitaage. Tari Kirisito niwe wa bhusibhusi na omwene ari mw‑imwe bhoone.

Baefeso 6:8

Mukore kutyo, kwa okubha mumenyere ati, Raatabhugenyi ariyaana bhuri muunu echiyaanwa ku‑bhuri musango gwa ekisi gunu kaakora, abhe ari mugaya amwi unu ari na obhwitaage.

Bagalatia 6:17

Mbe, okwambira woori omuunu woonewoone asige okunnyaasya rindi, kwa okubha ku‑mubhiri gwani niri na jingʼofu, ꞉naabhwene jimbuma inguru ya okukorera Yeesu.

Bagalatia 3:28

Kurwa ejo, bhutari‑wo obhutaasyanya agati ya Omuyawudi na Omuyunaani, amwi omugaya na omuunu omwitaage, amwi omurume na omugasi. Bhoone muri chiinu chimwi, kwa okubha muri na obhumwi na Kirisito Yeesu.

1 Bakorinto 12:13

Enaayika kutyo, kwa okubha eswe bhoone, chibhe Abhayawudi amwi abhaanu bhanu bhatari Bhayawudi, chibhe abhagaya amwi abheetaage, ꞉chaabhatiijiibhwe mu‑Mwoyo umwi na okuyaanwa Mwoyo umwi oyo, korereki chibhe omubhiri gumwi.

2 Timoteo 3:8

Abheeyigisya bha orubheeyi bhanu, abheengira kwa obhwiro bhwa ebhibhiibhi, abhayingirira echimari. Abhakora rwa kutyo Yaane na Yambure bhaayaajanaga na Muusa. Abhaanu abho obhwenge bhwebhwe bhunyamukire, bharemere okwikirisya Nyamuwanga.