Obhusweruro 12:6 - Indagano Inyaaya mu-Chijita

⁶ Omugasi oyo, ˆnaabhirimira mw‑ibhara, anu Nyamuwanga aariga amwiraabhiiye, korereki amwangarire ku‑mwanya gwa siku echiwumbi chimwi na magana gabhiri na makumi gataanu na ekumi rimwi (1,260).

INDAGANO INYA:YA

⁶ Omugasi ne:rukira mwibara, eyo ariga na anu e:ra:biywe na Nyamuanga, korereki bamuri:sisye eyo siku 1,260.

Obhusweruro 12:6 Referans Kwoze

Obhusweruro 13:5

Mbe, rityanyi eryo, niriyaanwa obhuturo bhwa okwikumangya na okwayika emisango ja okufumirisya Nyamuwanga. Niriyaanwa wone obhuturo bhwa okutunga echaaro omwanya gwa ameesi makumi gana na ebhiri.

Obhusweruro 12:14

Nawe Nyamuwanga ˆnaayaana omugasi oyo amabhabha gabhiri rwa ga ingʼona inene, korereki aguruke agende mw‑ibhara mu‑bhwikaro bhunu Nyamuwanga aariga amwiraabhiiye, abhe kura na injoka eyo. Mw‑ibhara eyo aryangarirwa ku‑mwanya gwa emiguuga esatu na ameesi gataanu na kumwi.

Obhusweruro 12:4

Omukira gwa riyoka eryo, nigukurura ribhaara erimwi kw‑isatu rya jinjota mu‑rutumba, nigujeesa ku‑chaaro anu. Ryejire ryamara, niriimereeguru imbere ya omugasi oyo, unu aariga ari yeeyi okwibhura, korereki rirye omwana, akeebhurwa.

Matayo 4:11

Niwo Syetaani ˆnaasiga Yeesu awo. Awoawo, bhamaraayika bha Nyamuwanga nibhaaja okumufurubhendera.

Obhusweruro 17:3

Mbe, Mwoyo wa Nyamuwanga ˆneeka inguru yaani. Maraayika oyo ˆnaankingya mw‑ibhara. Nejire naakinga eyo, nindora omugasi ariinyire kw‑ityanyi rirya rya okwamba. Rityanyi eryo ryariga riri ritukurasi, riri na emitwe etaanu na ebhiri na ameyembe ekumi. Ka wone, ryariga riswirire amasiina ga okufumirisya Nyamuwanga.