Obhusweruro 12:4 - Indagano Inyaaya mu-Chijita

⁴ Omukira gwa riyoka eryo, nigukurura ribhaara erimwi kw‑isatu rya jinjota mu‑rutumba, nigujeesa ku‑chaaro anu. Ryejire ryamara, niriimereeguru imbere ya omugasi oyo, unu aariga ari yeeyi okwibhura, korereki rirye omwana, akeebhurwa.

INDAGANO INYA:YA

⁴ No mukira gwaryo nigukurura riba:ra rya kasatu erya jinjota ja mu rwire, nirije:sa ku ca:ro. Riyoka niri:mereguru imbere yo mugasi unu ariga najo:kwibura, korereki rirye omwana wae unu ajo:kwibura.

Obhusweruro 12:4 Referans Kwoze

Obhusweruro 12:9

Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.

Yowana 8:44

Emwe muri bhaanu bha Syetaani, oyo niwe esomwana! Niyo isonga omwenda okukora jinu esomwana keegomba. Syetaani ni mwiti okusookerera ku‑bhwambiro. Atakwenda echimari kata, kwa okubha echimari echo, chitari‑mo mu‑mwoyo gwaye. Omwene ni mubheeyi, na akatungiiywe kaaye ni kubheeya, ka wone niwe esemwene orubheeyi.

Obhusweruro 9:19

Obhuturo bhwa jifwaraasi ejo bhwariga bhuri mu‑minwa ka wone ku‑mikira jaajo. Okubha emikira jaajo jaariga jiri rwa jinjoka jinu jiri na emitwe ja okuwutaasisya abhaanu.

Obhusweruro 9:10

Emikira jaajo jaariga jiri na jimboreera rwa ja jinge. Obhusungu bhwajo bhwariga bhuri na obhuturo bhwa okureterera abhaanu obhwasye omwanya gwa ameesi gataanu.

Obhusweruro 8:7

Maraayika wa okwamba ˆnaabhuma ingʼombi yaaye. Niwo niigwa ingʼubha ya amabhuyi na omuriro bhisasikeene na isagama, nibhyeswa ku‑chaaro. Omuriro ogwo nigusingaarisya orubhaara orumwi ku‑mbaara esatu ja echaaro na amati, nigusingaarisya amanyaasi amabhisi goone ku‑rubhaara orumwi orwoorwo.

1 Petero 5:8

Mwiyingirire na okutengeeja, omwanya gwone. Okubha omusoko weemwe, Syetaani, keeyinda enu na erya rwa itare inu eyiruuta, niiyenja omuunu wa okusingaarisya.

Obhusweruro 17:18

Omugasi unu ꞉waarorere ni musi omukuru gunu gutungire abhakama bhoone bha ku‑chaaro.”

Obhusweruro 8:8

Maraayika wa kabhiri wone ˆnaabhuma ingʼombi yaaye. Niwo echiinu rwa echiima echinene muno chinu echaaka omuriro, nicheeswa mu‑nyanja. Omwanya gunu ꞉chaaguuwe mu‑nyanja, ribhaara erimwi ku‑mbaara esatu ja inyanja niriyiinduka niribha isagama.

Obhusweruro 8:9

Ku‑rubhaara orumwi orwoorwo, ebhibhumbwa bhyone nibhifwa na jingarabha nijisingaarika chimwi.

Obhusweruro 8:10

Maraayika wa kasatu wone ˆnaabhuma ingʼombi yaaye. Niwo injota inene niigwa okusooka mu‑rutumba. Injota eyo, yaariga niseekaana rwa echisiriira, niigwa kw‑ibhaara rya kasatu rya emisima na erya emimiro ja amanji.

Obhusweruro 8:11

Injota eyo, yaariga niitogwa ati, Nyabhusungu. Niyindura ribhaara rya kasatu rya amanji nigabha amaruru kabhukabhu. Mbe, abhaanu bhaafu nibhafwa, kwa okubha ꞉bhaanyweye amanji amaruru kabhukabhu ago.

Obhusweruro 8:12

Maraayika wa kana wone ˆnaabhuma ingʼombi yaaye. Niwo ribhaara erimwi ku‑mbaara esatu ja risuubha, ja okwesi na ja jinjota, niribhumwa niribha chisuute. Orubhaara rwa kasatu rwa mu‑mwisi na mu‑ngeta nichibha chisuute chaafu muno.

Obhusweruro 12:7

Niwo niribha‑wo riremo mu‑rwire. Maraayika omukuru, unu kaatogwa ati Mikayeeri, aamwi na bhamaraayika bhaaye, nibharwana na riyoka na bhamaraayika bhaaryo.

Obhusweruro 13:2

Rityanyi rinu ꞉naarorere ryariga nirisusana rwa ingo, nawe amaguru gaaryo gaariga gari rwa ga ritarago na omunwa gwaryo gwariga guri rwa gwa itare. Riyoka rirya, niriyaana rityanyi eryo, amanaga gaaryo, echitebhe chaaryo cha obhutungi na obhuturo bhwafu.

Obhusweruro 13:4

Nibharamya riyoka rirya, kwa okubha ꞉ryayaanire rityanyi eryo obhuturo bhwa okutunga. Abhaanu nibharamya wone rityanyi eryo, nibhaayikaga ati, “Atari‑wo omuunu owundi rwa rityanyi rinu! Ka wone, atari‑wo unu kaatura okurwana naryo!”

Obhusweruro 16:13

Niwo nindora amasambwa amajabhi gasatu ganu gaasusanaga na gawarukerwe. Erimwi nirisooka mu‑kanwa ka riyoka rirya, erindi nirisooka mu‑kanwa ka rityanyi rirya na erindi nirisooka mu‑kanwa ka omuragi omubheeyi urya.

Obhusweruro 20:2

ˆNaagwata riyoka rirya, injoka irya ya kara inu eyitogwa ati Mubheeyeresya amwi Syetaani, ˆnaaribhoya kwa riseega eryo na okuryesa mu‑ryobho rinu ritari na obhuteero. ˆNeegara orwigi rwa eryobho eryo na okurutuura‑ko orunabho. Omubheeyeresya oyo, ni bhusibhusi ariikara mu‑ryobho eryo emiguuga chiwumbi chimwi. Ku‑mwanya ogwo ataribha na obhuturo bhwa okujiga abhaanu ku‑chaaro anu. Aribha emiguuga chiwumbi chimwi jaawa, ariigurirwa kwa omwanya mufuyi era.