Obhusweruro 12:17 - Indagano Inyaaya mu-Chijita

¹⁷ Riyoka eryo, niribhiyirirwa muno omugasi oyo, ndigenda okurwana na abhaana abhandi bha omugasi oyo bhanu bhaariga bhasigaaye. Abhaana abho nibho bhanu abhagayuka ebhiraagiro bhya Nyamuwanga na okusoosya obhubhambaasi inguru ya Yeesu. Mbe, riyoka eryo, niriimereeguru ku‑njekekera ya inyanja.

INDAGANO INYA:YA

¹⁷ Riyoka niribiirirwa omugasi uyo, nirigenda okurwana no rwiburo rwae runu rwasigaeo, banu babigwatire ebiragiro bya Nyamuanga nibe:ma ku Yesu.

Obhusweruro 12:17 Referans Kwoze

Obhusweruro 14:12

Woori, abheeru bha Nyamuwanga abhakenwa bheegumiirisye. Abho nibho abhagwata ebhiraagiro bhya Nyamuwanga na okwikirisya Yeesu.

Obhusweruro 19:10

Niwo ningwa bhwifumbike ku‑maguru ga maraayika oyo, korereki nimuramye. Nawe omwene, ˆnaambwira ati, “Siga okukora kutyo! Anye niri omukosi weejaanyu aamwi na abhayiri bhaanyu mu‑riikirisya, bhanu abhasoosya obhubhambaasi bhwa emisango ja Yeesu. Ramya Nyamuwanga omwene era! Okubha okusoosya obhubhambaasi bhwa emisango ja Yeesu nibhwo obhwambiro bhwa obhuragi.”

Obhusweruro 11:7

Omwanya gunu bharimara okusoosya obhuragi bhwebhwe inguru ya Nyamuwanga, niwo rityanyi rinu ꞉ryariinyire okusooka mu‑ryobho rinu ritari na obhuteero, ririrwana nabho. Niribhayiga na okubheeta.

Obhusweruro 6:9

Neeya, Omwana wa Inaama ˆnaasuruumura imboyero ya kataanu ya obhurimbo. Mw‑ifuufu rya echigabhiro, nindora emitima ja abhaanu. Abhaanu abho bhaariga bheetirwe ku‑songa ya okwikirisya omusango gwa Nyamuwanga na okuguraasya ku‑bhaanu abhandi.

Obhusweruro 1:2

Anye Yowana enisoosya obhubhambaasi bhwa emisango joone jinu ꞉naarorere. Emisango ejo ni inguru ya echimari chinu Yeesu Kirisito ꞉aasweruuye na nigwo omusango gwa Nyamuwanga.

Obhusweruro 13:7

Niriikirisibhwa okurwana na abheeru bha Nyamuwanga, niribhayiga. Niriyaanwa obhuturo bhwa okutunga abhaanu bha jingʼanda joone, jinyaami joone, jinyaayika joone na abha amaanga goone.

Yowana 8:44

Emwe muri bhaanu bha Syetaani, oyo niwe esomwana! Niyo isonga omwenda okukora jinu esomwana keegomba. Syetaani ni mwiti okusookerera ku‑bhwambiro. Atakwenda echimari kata, kwa okubha echimari echo, chitari‑mo mu‑mwoyo gwaye. Omwene ni mubheeyi, na akatungiiywe kaaye ni kubheeya, ka wone niwe esemwene orubheeyi.

Obhusweruro 17:14

Bharigwatana na rityanyi eryo, okukora riremo na Omwana wa Inaama. Nawe Omwana wa Inaama aribhayiga, kwa okubha omwene niwe Raatabhugenyi wa bharaatabhugenyi na Omukama wa abhakama. Bhanu bhari aamwi nage nibho bhabhirikiiywe na okusorwa na Nyamuwanga, abheene ni bheeyikanyibhwa.”

Obhusweruro 1:9

Anye Yowana niri omuyiri waanyu mu‑riikirisya. Echisangira aamwi mu‑bhwigumiirisya ebhinyaasyo inguru ya Yeesu na obhukama bhwaye. Naariga nisirirwe kw‑isinga rinu eritogwa ati Paatimo. ꞉Naasirirwe kw‑isinga eryo rwa omubhoywa ku‑songa ya okuraasya omusango gwa Nyamuwanga na okusoosya obhubhambaasi inguru ya Yeesu.

1 Yoana 5:10

Woori, omuunu woonewoone unu keekirisya Omwana wa Nyamuwanga, keekirisya ati obhubhambaasi obhwo ni bhwa echimari. Nawe unu atakwikirisya Nyamuwanga, kaakora Nyamuwanga okubha omubheeyi, kwa okubha atakwikirisya obhubhambaasi bhunu Nyamuwanga asoosiisye inguru ya Omwana waaye.

1 Yoana 5:2

Echimenya chimari ati echeenda abhaana bha Nyamuwanga, mu‑kwenda Nyamuwanga na okugayuka ebhiraagiro bhyaye.

1 Yoana 2:3

Araabha chikagayuka ebhiraagiro bhyaye, niwo echimenya ati echimusombookerwa.

Obhusweruro 22:14

Bharibhona amabhando, abhaanu bhanu abhafura emingiro jeebhwe mu‑sagama ya Omwana wa Inaama, korereki bheekirisibhwe okwingira mu‑musi omuyaaya ogwo okutura ku‑marango gaagwo na okurya amatwasyo ga riiti rinu erisoosya obhuwanga bhwa akajaanende koone.

Obhusweruro 20:4

Nejire neeya, nindora ebhitebhe bhya obhutungi bhinyanjirwe‑ko bhanu bhaariga bhayaaywe obhuturo bhwa okusoosya indamu. Abho, jaariga jiri emitima ja abhaanu bhanu ꞉bheetirwe isonga iri ati, ꞉bhaasoosiisye obhubhambaasi inguru ya Yeesu na okuraasya emisango ja Nyamuwanga. ꞉Bhataaramiisye rityanyi rirya noorwo risusano ryaryo. ꞉Bhateekirisiisye okutuurwa‑ko orunabho rwa rityanyi eryo ku‑bhisuusu bhyebhwe noorwo ku‑mabhoko geebhwe. Mbe abhaanu abho nibhasuuruka, nibhatunga aamwi na Kirisito emiguuga chiwumbi chimwi.

Obhusweruro 19:19

Mbe, nindora rityanyi rirya rya okwamba na abhakama bha echaaro na ebhise bhyebhwe bhya abhasirikare ꞉bheekofyanyiisye aamwi. Abho bhoone, bhaariga nibhakena okurwana riremo na unu aariga eenyanjire ku‑fwaraasi iinyeru, ari aamwi na ebhise bhyaye bhya abhasirikare.

Obhusweruro 18:20

Mukonderwe emwe bhanu mwikaaye mu‑rwire. Mukonderwe, emwe abheeru bha Nyamuwanga, jitumwa na abharagi, kwa okubha Nyamuwanga aasoosya indamu ku‑musi ogwo ku‑jinu ꞉gwabhakoreeye.

Obhusweruro 17:6

꞉Naaruguurire muno, nejire naarora omugasi oyo akorerwe isagama ya abheeru bha Nyamuwanga, bhanu ꞉bheetirwe ku‑songa ya okubha abhabhambaasi bha Yeesu.

1 Bakorinto 2:1

Abhayiri bhaani mu‑riikirisya, omwanya gunu ꞉neejire kw‑imwe okubharaasisya inguru ya obhutinge bhwa imbisike ya Nyamuwanga bhunu bhwariga bhubhisirwe, ꞉nitaabhuraasiisye mu‑bhwa ekisi bhwa emisango noorwo mu‑bhwengeeso.

1 Petero 5:8

Mwiyingirire na okutengeeja, omwanya gwone. Okubha omusoko weemwe, Syetaani, keeyinda enu na erya rwa itare inu eyiruuta, niiyenja omuunu wa okusingaarisya.

Matayo 28:20

na okubheeyigisya okugwata joone jinu ꞉naabharagiriiye. Mwichuke ati, anye niri aamwi na emwe siku joone, okukingira ku‑bhuteero bhwa echaaro.”

Obhusweruro 12:16

Nawe iisi niisakira omugasi oyo. Niyaatika, niyaasama rwa omunwa, niimira amanji goone okusooka mu‑kanwa aka riyoka eryo.