Obhusweruro 12:10 - Indagano Inyaaya mu-Chijita

¹⁰ Mbe, ninuungwa obhuraka obhunene okusooka mu‑rwire nibhwayika ati, “Woori, Nyamuwanga weeswe achungura abhaana bhaaye. Ku‑bhuturo bhwaye ambisya obhukama bhwaye! Eeresya obhuturo bhwa Kirisito waaye. Okubha omubhuusi wa abheekirisya abheejaasu eeserwe ku‑chaaro, omwene aariga ˆneemereeguru imbere ya Nyamuwanga okubhabhuura mu‑ngeta na mu‑mwisi.

INDAGANO INYA:YA

¹⁰ Ninungwa buraka bunene mu rwire nibwaika ati, Woryanu omweruro gwa Nyamuanga weswe gwejire, na managa gae, no bukama bwae, no buinga bwa Kristo wae, okuba omubu:si wa ba:na ba:su e:serwe, unu kababu:raga imbere ya Nyamuanga mu mwisi na mu ngeta.

Obhusweruro 12:10 Referans Kwoze

Ruuka 22:31

Yeesu ˆnaayika ati, “Simooni awe, Simooni awe, tegeresya! Nuumenye kisi ati, Syetaani eekirisiibhwe okubharegeeja emwe bhoone. Aribhakora rwa kutyo omuunu kaawungura obhuro.

Obhusweruro 11:15

Neeya, maraayika wa kataanu na kabhiri ˆnaabhuma ingʼombi yaaye. Niwo ninuungwa obhuraka bhunene bhwa bhamaraayika bhaafu mu‑rwire eyo, nibhwayikaga ati, “Obhutungi bhwa echaaro bhwabheeye bhwa Raatabhugenyi Nyamuwanga weeswe, aamwi na Kirisito waaye. Nyamuwanga niwe aritunga akajaanende koone.”

Matayo 28:18

Mbe, Yeesu ˆnaabhafogera‑ko, ˆnaabhabhwira ati, “Nyamuwanga anaaye obhuturo bhwone bhwa mu‑rwire na obhwa ku‑chaaro.

Obhusweruro 2:26

Omuunu woonewoone unu ariyiga na okugenderera okukora okwenda kwani okukingira ku‑bhuteero, nirimuyaana obhuturo bhwa okutunga amaanga goone.

2 Bakorinto 12:9

Nawe omwene ˆnaambwira ati, “Obhwitiriranya bhwani bhukwiyire, kwa okubha amanaga gaani agabhuurisibhwa mu‑bhujorobhoke.” Kurwa ejo, niribhaga niniikuuya kw‑ikonderwa enene inguru ya obhujorobhoke bhwani, korereki amanaga ga Kirisito gabhe aamwi na anye.

Ruuka 11:2

Yeesu ˆnaabhabhwira ati, “Omwanya gunu muraasabhwega Nyamuwanga, mwayikega ati, ‘Raata [weeswe unu uri mu‑rwire], risiina ryawo rikusibhwe. Obhukama bhwawo bhuuje. [Okwenda kwawo kukorekane mu‑chaaro munu, rwa kutyo okukorekana mu‑rwire eyo.]

Matayo 26:64

Yeesu ˆnaamusubhya ati, “Naawe omwayiki. Nawe enibhabhwira ati okwambira woori, murindora anye Omwana wa Omuunu niinyanjire orubhaara rwa ebhuryo rwa Nyamuwanga owa amanaga goone. Ka wone murindora omwanya gunu niriija niri mu‑meere okusooka mu‑rwire.”

Matayo 6:10

Okwenda kwawo kukorekane mu‑chaaro munu, rwa kutyo okukorekana mu‑rwire eyo.

Tiito 2:3

Kutyokutyo abhakwekuru wone, ubheeyigisye bhabhe na jitungwa jinu ejikusya Nyamuwanga. Bhasige okubha abharomi bha abhaanu, bhasige okubha abhakorwa, tari abhakenwa bheeyigisye ameeyigisyo ga ekisi.

1 Bakorinto 5:4

Omwanya gunu omwikofyanya kw‑isiina rya Raatabhugenyi weeswe Yeesu, anye enibhaga aamwi na emwe echinyamwoyo, na amanaga ga Raatabhugenyi weeswe Yeesu wone agabhaga aamwi na emwe.

Obhusweruro 7:10

Nibhaamura obhuraka, nibhaayikaga ati, “Obhuchungusi obhusooka ku‑Nyamuwanga weeswe, omwene niwe eenyanjire ku‑chitebhe cha ingʼoma, ka wone obhusooka ku‑Mwana wa Inaama.”

1 Petero 5:8

Mwiyingirire na okutengeeja, omwanya gwone. Okubha omusoko weemwe, Syetaani, keeyinda enu na erya rwa itare inu eyiruuta, niiyenja omuunu wa okusingaarisya.