Obhusweruro 11:2 - Indagano Inyaaya mu-Chijita

² Nawe waasiga okurenga orubhuga rwa Riyekaru rya Nyamuwanga, kwa okubha orwo bhayaaywe abhanyamanga. Abhaanu abho bharitajirira Yerusareemu omusi omweru ku‑mwanya gwa ameesi makumi gana na gabhiri.

INDAGANO INYA:YA

² No rubanja runu ruri aanja ya iyekaru, urusige aanja, amwi wasiga kururenga, okuba rwayabirwe aba:maanga, no musi omweru barigutajirira me:si makumi gana na gabiri.

Obhusweruro 11:2 Referans Kwoze

Obhusweruro 12:6

Omugasi oyo, ˆnaabhirimira mw‑ibhara, anu Nyamuwanga aariga amwiraabhiiye, korereki amwangarire ku‑mwanya gwa siku echiwumbi chimwi na magana gabhiri na makumi gataanu na ekumi rimwi (1,260).

Ruuka 21:24

Abhaanu abhandi bhariitwa kwa jimbanda. Abhandi bharigwatwa na okusirwa mu‑bhyaro ebhindi bhyone. Omusi gwa Yerusareemu guritungwa kwa amanaga na abhaanu abhandi bhanu bhatari Bhayawudi okusooka mu‑bhyaro ebhindi. Ejo jirikorekana, okukingira anu omwanya gwebhwe gwa okutunga gurikuumira.

Obhusweruro 11:3

Nirituma abhabhambaasi bhaani bhabhiri, niribhayaana obhuturo bhwa okusoosya obhuragi, ku‑mwanya ogwoogwo gwa siku echiwumbi chimwi, magana gabhiri na makumi gataanu na rimwi (1,260). Bharisoosya obhuragi obhwo bhafwayega amagunira okweresya obhusurumbaaye bhwebhwe.”

Obhusweruro 21:2

Mbe, nindora omusi omweru, nigwo Yerusareemu inyaaya, nigwika okusooka mu‑rwire ku‑Nyamuwanga. Omusi ogwo gwariga gunojooribhwe rwa kutyo omwenga kaanojooribhwa inguru ya omurume waaye.

Obhusweruro 22:19

Omuunu woonewoone akasoosya‑mo omusango gwonegwone okusooka ku‑misango ja obhuragi bhwa echitabho chinu, Nyamuwanga wone atariikirisya omuunu oyo okurya amatwasyo ga riiti rinu erisoosya obhuwanga bhwa akajaanende koone noorwo okwikara mu‑musi omweru gunu emisango jaagwo jikaamirwe mu‑chitabho chinu.

Matayo 27:53

Yeesu ejire aasuuruka, niwo nibhasooka mu‑bhituuro nibheengira mu‑Yerusareemu, abhaanu bhaafu nibhabharora.

Matayo 5:13

Yeesu ˆnaagenderera okwayika ati, “Emwe muri rwa omuunyu ku‑chaaro. Nawe araabha gukabhurwa obhusambaaruke, ogutura kutiki okubhona obhusambaaruke bhwagwo rindi? Gutakutura okurungwa rindi mu‑chiinu choonechoone, kurwa ejo, ogweswa emwira na okutajwa na abhaanu.

Matayo 4:5

Neeya Syetaani ˆnaagega Yeesu ˆnaamusira mu‑musi omweru gwa Yerusareemu, ˆnaamwimereegusyu ku‑chisonge cha Riyekaru,

Obhusweruro 11:11

Omwanya gwa amasuubha gasatu na esinja gwejire gwatura, Nyamuwanga ˆnaasubhya‑mo emyoyo abhabhambaasi abho, nibheemereeguru. Abhaanu bhoone bhanu ꞉bhaabharorere, nibhoobhaya muno.

Baeburania 10:29

Mbe woori mwiganirisye! Ebhitiibha bhiribha kutiki ku‑muunu unu kaagaya Omwana wa Nyamuwanga na okurora isagama ya indagano inu ꞉yaamwesiisye noorwo ebhibhiibhi bhyaye ati chitari chiinu cha obhugajuro? Angu, ebhitiibha bhiribha kutiki ku‑muunu oyo, nikwo okwayika ati, unu keeyimirisya Mwoyo Mweru wa obhwitiriranya?

Obhusweruro 21:10

Niwo Mwoyo Mweru ˆneeka inguru yaani, maraayika oyo ˆnaansira ku‑chiima echinene echireera. ˆNaanyeeresya omusi omweru Yerusareemu, nigwikaga okusooka mu‑rwire ku‑Nyamuwanga.