Obhusweruro 11:15 - Indagano Inyaaya mu-Chijita

¹⁵ Neeya, maraayika wa kataanu na kabhiri ˆnaabhuma ingʼombi yaaye. Niwo ninuungwa obhuraka bhunene bhwa bhamaraayika bhaafu mu‑rwire eyo, nibhwayikaga ati, “Obhutungi bhwa echaaro bhwabheeye bhwa Raatabhugenyi Nyamuwanga weeswe, aamwi na Kirisito waaye. Nyamuwanga niwe aritunga akajaanende koone.”

INDAGANO INYA:YA

¹⁵ Maraika wa kata:nu na kabiri nabuma iŋombi yae. Nigabao maraka manene mu rwire, niga:ika ati, Obukama bwa i:si bwabee bwa Ratabugenyi na bwa Kristo wae. Niwe aritunga kajanende na kajanende.

Obhusweruro 11:15 Referans Kwoze

Obhusweruro 12:10

Mbe, ninuungwa obhuraka obhunene okusooka mu‑rwire nibhwayika ati, “Woori, Nyamuwanga weeswe achungura abhaana bhaaye. Ku‑bhuturo bhwaye ambisya obhukama bhwaye! Eeresya obhuturo bhwa Kirisito waaye. Okubha omubhuusi wa abheekirisya abheejaasu eeserwe ku‑chaaro, omwene aariga ˆneemereeguru imbere ya Nyamuwanga okubhabhuura mu‑ngeta na mu‑mwisi.

Obhusweruro 10:7

Omwanya gunu maraayika wa kataanu na kabhiri aribhuma ingʼombi yaaye, Nyamuwanga arikuumisya obhutinge bhwa imbisike yaaye. Irikuumisibhwa rwa kutyo ꞉aaraasisiisye abhakosi bhaaye abharagi.”

Obhusweruro 19:1

Ejo jejire jaawa, ninuungwa obhuraka obhunene rwa bhwa echise echinene mu‑rwire eyo. Obhuraka obhwo bhwayikaga ati, “Nyamuwanga akusibhwe! Obhuchungusi, rikusyo na amanaga ni bhya Nyamuwanga weeswe,

Ruuka 1:33

Aribha omukama wa abhaanu bha oruganda rwa Yakobho akajaanende koone. Obhukama bhwaye, bhutariwaa‑wo wuri.”

Obhusweruro 16:17

Niwo, maraayika wa kataanu na kabhiri ˆnaasuka ku‑rutumba risungu rya Nyamuwanga rinu ryariga riri mw‑ibhakuri ryaye. Ninuungwa obhuraka obhunene nibhusooka ku‑chitebhe cha ingʼoma mw‑Iyekaru rya Nyamuwanga, nibhwayika ati, “Joone jaakorekeene!”

Baeburania 1:8

Nawe inguru ya Omwana waaye ꞉aayikire ati, “Awe Nyamuwanga uritunga akajaanende na akajaanende, na obhutungi bhwawo bhuribha bhwa obhurengeresi.

Obhusweruro 19:6

Nejire neeya, ninuungwa obhuraka rwa obhwa echise echinene. Obhuraka obhwo bhworeraga rwa amanji amaafu ganu agooromoka. Ka wone, bhwariga bhuri rwa obhuraka bhunene bhwa ribharuka rinu eribharuka. Nibhwayika ati, “Nyamuwanga akusibhwe! Okubha Raatabhugenyi Nyamuwanga weeswe owa obhuturo bhwone niwe kaatunga.

Obhusweruro 15:4

Raatabhugenyi, niga unu atarikuramya? Raatabhugenyi, niga unu atarikuuya risiina ryawo? Okubha awe omwene era, niwe Omweru. Abhaanu bha amaanga goone bhariija na okukuramya, kwa okubha ebhikorwa bhyawo bhya obhurengeresi ebhibhonekana abhwerubhweru.”

Ruuka 15:10

“Enibhabhwira ati, nikwo kutyo Nyamuwanga kaakonderwa imbere ya bhamaraayika, araabha omuunu umwi owa ebhibhiibhi akata ebhibhiibhi bhyaye na okubhisiga.”

Obhusweruro 20:4

Nejire neeya, nindora ebhitebhe bhya obhutungi bhinyanjirwe‑ko bhanu bhaariga bhayaaywe obhuturo bhwa okusoosya indamu. Abho, jaariga jiri emitima ja abhaanu bhanu ꞉bheetirwe isonga iri ati, ꞉bhaasoosiisye obhubhambaasi inguru ya Yeesu na okuraasya emisango ja Nyamuwanga. ꞉Bhataaramiisye rityanyi rirya noorwo risusano ryaryo. ꞉Bhateekirisiisye okutuurwa‑ko orunabho rwa rityanyi eryo ku‑bhisuusu bhyebhwe noorwo ku‑mabhoko geebhwe. Mbe abhaanu abho nibhasuuruka, nibhatunga aamwi na Kirisito emiguuga chiwumbi chimwi.

Obhusweruro 17:14

Bharigwatana na rityanyi eryo, okukora riremo na Omwana wa Inaama. Nawe Omwana wa Inaama aribhayiga, kwa okubha omwene niwe Raatabhugenyi wa bharaatabhugenyi na Omukama wa abhakama. Bhanu bhari aamwi nage nibho bhabhirikiiywe na okusorwa na Nyamuwanga, abheene ni bheeyikanyibhwa.”

Obhusweruro 9:13

Neeya, maraayika wa kataanu na umwi ˆnaabhuma ingʼombi yaaye. Niwo ninuungwa obhuraka okusooka ku‑mbaara jiina jirya ja echigabhiro cha inaaryo, chinu chiri imbere ya Nyamuwanga.

Obhusweruro 9:1

Neeya maraayika wa kataanu wone ˆnaabhuma ingʼombi yaaye. Niwo nindora injota inu yaariga isookere mu‑rutumba, iguuye ku‑chaaro anu. Injota eyo, niiyaanwa orwiguriro rwa orwigi rwa eryobho rinu ritari na obhuteero.

Obhusweruro 8:12

Maraayika wa kana wone ˆnaabhuma ingʼombi yaaye. Niwo ribhaara erimwi ku‑mbaara esatu ja risuubha, ja okwesi na ja jinjota, niribhumwa niribha chisuute. Orubhaara rwa kasatu rwa mu‑mwisi na mu‑ngeta nichibha chisuute chaafu muno.

Matayo 6:13

Waasiga okuchiingisya mu‑maregeejo, nawe uchichungure okusooka ku‑Mubhiibhi urya, [kwa okubha obhukama, amanaga na rikusyo, ni bhyawo akajaanende koone! Jibhe kutyo!]’”

Ruuka 15:6

Omwanya gunu kaakakinga iika, kaabhirikira abhasaani na abheekasyanya bhaaye, abhabhwire ati, ‘Mukonderwe aamwi na anye, kwa okubha inaama yaani inu ꞉yaabhurire, naayibhona!’

Matayo 24:31

Niwo nirituma bhamaraayika bhaani. Bharibhuma muno rinyawegoona, korereki bhakumanye abhasorwa bhoone bha Nyamuwanga okusooka mbaara joone ena ja echaaro. Abhasorwa abho, bhariija okusooka ku‑bhuteero bhwa echaaro okukingira ku‑bhuteero bhwa orubhaara orundi rwa echaaro.”

Ebikorwa 4:26

Abhakama bha echaaro na abhatungi abheekumanyaga aamwi, bhareme Raatabhugenyi Nyamuwanga na Kirisito waaye.’