Matayo 9:18 - Indagano Inyaaya mu-Chijita

¹⁸ Omwanya gunu Yeesu aariga achaayika emisango ejo, ˆnaaja omukuru umwi wa inju ya eriikofyanyo, ˆneefukama imbere yaaye, ˆnaamubhwira ati, “Omuyaasya waani, kaamara okufwa woori anu! Enisabhwa chigende, umuteere‑ko okubhoko kwawo, omwoyo oguja okumusubha‑mo rindi.”

INDAGANO INYA:YA

¹⁸ Anu ariga aca:ika emisango ejo, na:ja Omukuru umwi, namuramya na:ika ati, Omuyasya wani amara kufwa woryanu. Nawe ija umuteko okuboko asubo:rora.

Matayo 9:18 Referans Kwoze

Matayo 8:2

Ringira, omuunu umwi unu aariga arwaye ebhigenge ˆnaaja, ˆneefukama imbere yaaye, ˆnaamubhwira ati, “Raatabhugenyi, nimenyere ati, uri na obhuturo bhwa okummosya korereki neere. Ukeenda, enisabhwa ummosye!”

Ruuka 13:14

Omukuru wa inju ya eriikofyanyo eryo, ˆnaabhiyirwa muno kwa okubha, orusuku runu Yeesu ꞉aawosiisye omuunu oyo rwariga ruri rusuku rwa Isabhaato. ˆNaabhwira abhaanu ati, “Bhuri bhwoyo, jisiku ja okukora emirimu ni siku etaanu na rumwi. Mbe, muujega okuwosibhwa ku‑siku ejo, nawe musigega okuuja okuwosibhwa ku‑rusuku rwa Isabhaato!”

Yowana 11:32

Mbe, Maryamu ˆnaakinga anu Yeesu aariga ari. Ejire aarora Yeesu, ˆneefukama imbere yaaye, ˆnaamubhwira ati, “Raatabhugenyi awe, araabha waakabheeye uri anu, omundurume waani ataakafuuwe.”

Matayo 9:24

Yeesu ˆnaabhabhwira ati, “Muwuruke munu! Omuyarakaji unu achaari okufwa, tari awongeeye era.” Abhaanu abho bhejire bhoongwa kutyo, nibhaseka Yeesu kabhikabhi nibhamusiijaakaga.

Ebikorwa 13:15

Abhakuru bha inju eyo bhejire bhaamara okusoma mu‑bhiraagiro bhya Muusa na mu‑bhitabho bhya abharagi, nibharagirira omuunu ku‑Pawuro na Bharinaabha, ˆnaabhabhwira ati, “Abhayiri bhaasu, araabha muri na omusango gwa okuroma na abhaanu gwa okubhasimbiisya emyoyo, mugwayike.”

Yowana 11:25

Yeesu ˆnaamusubhya ati, “Anye naanye obhusuuruko, ka wone naanye obhuwanga. Omuunu unu kaanyikirisya anye, noorwo araabha aakafwa, aribha omuwanga.

Ruuka 18:18

Aariga ari‑wo omutungi umwi. Omutungi oyo, ˆnaabhuusya Yeesu ati, “Omwiyigisya wa ekisi, nikore kutiki, korereki ku‑bhuteero nibhone obhuwanga bhwa akajaanende koone?”

Ruuka 7:2

Mu‑musi ogwo, aariga ari‑mo omwangarisi wa abhasirikare bha Echiruumi. Omwangarisi oyo, aariga ari na omugaya waaye amwenderega muno. Nawe omugaya oyo aariga arwaye, ari yeeyi okufwa.

Matayo 28:17

Eyo niyo ꞉bhaamurorere. Bhejire bhaamurora, nibhamuramya, nawe abhaanu abharebhe agati yeebhwe nibhajira echiitimaato araabha ni Yeesu.

Matayo 17:14

Yeesu na abheeyigisibhwa abhasatu abho bhejire bhaasubha ku‑chise chirya cha abhaanu, omuunu umwi ˆnaaja ku‑Yeesu, ˆnaamwifukamira.

Matayo 15:25

Omugasi oyo ˆnaafogera ku‑Yeesu, ˆneefukama imbere yaaye, ˆnaamwirembeeresya ati, “Raatabhugenyi, nuunsakire!”

Matayo 14:33

Mbe, abheeyigisibhwa bhanu bhaariga bhasigaaye mu‑ngama, nibhamwifukamira, nibhaayikaga ati, “Chimari, awe uri Mwana wa Nyamuwanga!”

Matayo 20:20

Niwo, omugasi wa Jebhedaayo ˆnaaja ku‑Yeesu aamwi na abhaana bhaaye bhabhiri, ˆneefukama imbere yaaye, ˆnaamusabhwa amukorere omusango gumwi.

Matayo 8:25

Abheeyigisibhwa bhaaye nibhamuuja‑ko, nibhamurafya, nibhaayikaga ati, “Raatabhugenyi, nuucheerure! Echisingaarika!”

Matayo 9:17

Ka wone, abhaanu bhatakutuuraga echifuufu echiyaaya mu‑sagwa ja jinjayi jingʼokoro. Araabha bhakakora kutyo, jisagwa ejo, ejaatika, echifuufu nichiwurura na jisagwa ejo joone ejinyamuka. Nawe, abhaanu abhatuuraga echifuufu echiyaaya mu‑sagwa jinyaaya. Kurwa ejo, jisagwa jinyaaya na echifuufu echiyaaya, bhibhiri bhyone ebhibhiikwa kisi!”

Matayo 9:19

Niwo, Yeesu na abheeyigisibhwa bhaaye, nibheemuka nibharuubhana na omukuru oyo.

Ebikorwa 28:8

Omwanya ogwo, esemwene Pubhuriiyo aariga amaamire ku‑bhuriri, ari na omuswija na ˆnaasayaga isagama. Pawuro ˆneengira okumurooja, ˆnaamusabhirwa ku‑Nyamuwanga, ˆnaatuura amabhoko gaaye ku‑murwaye, ˆnaamuwosya.