Matayo 9:15 - Indagano Inyaaya mu-Chijita

¹⁵ Yeesu ˆnaabhasubhya ati, “Angu, abhaanu bhanu bhakokerwe mu‑bhuregesi, abhatura kutiki okusurumbara omutwasi achaari aamwi nabho? Nawe jisiku ejiija, jinu omutwasi arisoosibhwa‑wo. Mbe ku‑mwanya ogwo, niwo bhariiyima okurya ebhiryo.

INDAGANO INYA:YA

¹⁵ Yesu nababu:sya ati, ?Abejabo omutwasi abatura kutiki okusurumbara omutwasi acari nabo? Nawe jisiku jiri:ja omutwasi orwo aribaso:kako, mbe niwo nibasara:rira.

Matayo 9:15 Referans Kwoze

Obhusweruro 19:9

Maraayika urya ˆnaambwira ati, “Kaama ati, bhari na ribhando bhanu bhakokerwe mu‑bhuregesi bhwa Omwana wa Inaama.” ˆNaambwira wone ati, “Ejo nijo emisango ja echimari ja Nyamuwanga.”

Yowana 3:29

Omumura unu ari na omwenga niwe omutwasi. Anye niri rwa omusaani wa omutwasi, niimereeguuyu ku‑mbari yaaye, na enikonderwa okuungwa jinu omutwasi kaayika. Chimari musango gunu gwankondisya muno.

Obhusweruro 21:2

Mbe, nindora omusi omweru, nigwo Yerusareemu inyaaya, nigwika okusooka mu‑rwire ku‑Nyamuwanga. Omusi ogwo gwariga gunojooribhwe rwa kutyo omwenga kaanojooribhwa inguru ya omurume waaye.

Ebikorwa 14:23

Pawuro na Bharinaabha nibhasora abhakaruka mu‑bhuri rikanisa. Mu‑kwiyima okurya na okubhasabhirwa, nibhabhatuura mu‑mabhoko ga Raatabhugenyi Yeesu, unu ꞉bheekirisiisye.

1 Bakorinto 7:5

Mwasiga okwimana, tari araabha mweekirisyanya okukora kutyo katungu kafuyi era, korereki mubhone omwanya gwa ekisi gwa okusabhwa Nyamuwanga. Mukamara ogwo, musubhirane rindi, korereki Syetaani aasiga okubharegeeja mukore obhuromesi kwa okubha mutakutura okwiyingirira.

Yowana 16:6

Mwasurumbara muno mu‑myoyo jeemwe, kwa okubha naabhabhwira ati enigenda ku‑Raata.

2 Bakorinto 11:27

Nikorere emirimu misito na okunyaaka, kwiya kaafu nitawongeeye, nisaraariiye na okuungwa obhwiro bhwa amanji, kwiya kaafu nibhurirwe ebhiryo, nuunguuwe imbewo keenu nitari na emyenda.

Matayo 9:14

Niwo abheeyigisibhwa bha Yowana Omubhatiija nibhaaja ku‑Yeesu, nibhamubhwira ati, “Eswe na Abhafarisaayo, echiiyimaga okurya ebhiryo. Angu, ni kurwa ki abheeyigisibhwa bhaawo bhatakwiyima okurya ebhiryo?”

Matayo 9:16

“Atari‑wo omuunu unu kaabhariirira echirepa echiyaaya ku‑mwenda omukokoro. Araabha aakakora kutyo, echirepa echiyaaya echo, chiritemuka, riwundu rya omwenda ogwo, riribha egari muno.

Mariko 2:19

Yeesu ˆnaabhasubhya ati, “Angu, abhaanu bhanu bhakokerwe na omutwasi mu‑bhuregesi bhwaye, abhatura kutiki okwiyima okurya ebhiryo, omutwasi akabha ari aamwi nabho? Omwanya gwone gunu owubha bhari aamwi nage, bhatakutura okwiyima!

Mariko 2:20

Nawe jisiku ejiija jinu omutwasi arisoosibhwa‑wo. Mbe ku‑mwanya ogwo, niwo bhariiyima okurya ebhiryo.

Ruuka 5:34

Yeesu ˆnaabhasubhya ati, “Omutura kutiki okubhwira abhagenyi bha omutwasi ati bheeyime okurya ebhiryo omwanya gunu omutwasi achaari aamwi nabho?

Ruuka 5:35

Nawe, jisiku ejiija jinu omutwasi arisoosibhwa‑wo na okusiga abhagenyi bhaaye. Mbe ku‑mwanya ogwo, niwo bhariiyima okurya ebhiryo.”

Ruuka 17:22

Neeya, Yeesu ˆnaabhwira abheeyigisibhwa bhaaye ati, “Mu‑siku jinu ejiija, muriigomba okurora noorwo rusuku rumwi runu anye Omwana wa Omuunu nitungire echaaro, nawe mutarirurora.