Matayo 7:21 - Indagano Inyaaya mu-Chijita

²¹ “Itari ati, bhuri muunu unu kaatogora ati, ‘Raatabhugenyi, Raatabhugenyi,’ ariingira mu‑bhukama bhwa mu‑rwire. Nawe omuunu unu kaakora okwenda kwa Raata waani unu ari mu‑rwire, oyo niwe aribhwingira.

INDAGANO INYA:YA

²¹ Tari ati mu:nu wo:ne unu kambwira ati, Ratabugenyi, Ratabugenyi, nuwe aringira mu bukama bwa mu rwire, tari unu kakora ebyo Rata unu ari mu rwire binu kenda.

Matayo 7:21 Referans Kwoze

Barumi 2:13

Bhariramurwa, kwa okubha Nyamuwanga atakubhara omuunu okubha omurengeresi kwa okuungwa ebhiraagiro ebhyo era, tari unu kaakora jinu ebhiraagiro ebhimuragirira akore.

Ruuka 6:46

“Ni kurwa ki omumbirikira ati ‘Raatabhugenyi, Raatabhugenyi,’ nawe emisango jinu enibhabhwira, mutakujikora?

Yakobo 1:22

Musigega okwijiga abheene. Musige okubha abhaanu bhanu omutegeresya era omusango gwa Nyamuwanga, tari mukorega kutyo ogwayika.

Ruuka 11:28

Nawe Yeesu ˆnaayika ati, “Ni chimari! Tari, bhari na ribhando muno abhaanu bhanu abhoongwa omusango gwa Nyamuwanga na okugugayuka!”

Tiito 1:16

Abheene abhaayika ati bhamenyere Nyamuwanga, nawe ebhikorwa bhyebhwe ebhyeresya ati abhamwigaana. Abho ni bhaanu bhanu abhafuruurusya muno, ni bhanyatagayuka, bhateeyire ku‑bhikorwa bhyonebhyone bhya ekisi.

Baeburania 4:6

Noorwo kutyo bhasaaja weeswe nibho ꞉bhaabheeye bha okwamba okuungwa emisango ja ekisi inguru ya orubhaara rwa okwisya omwoyo, ꞉bhaataamiibhwe okwingira orubhaara orwo, kwa okubha bhaariga bhatakugayuka Nyamuwanga. Ku‑songa eyo, abhaanu abhandi bhariingira orubhaara rwa okwisya omwoyo.

Yowana 6:40

Omusango gunu Raata waani keenda ni ati, bhuri muunu unu kaasombookerwa ati, anye niri Mwana waaye na okunyikirisya, abhe na obhuwanga bhwa akajaanende koone. Oyo niwe anye nirisuurura ku‑rusuku rwa obhuteero.”

Obhusweruro 3:5

Omuunu woonewoone unu ariyiga, nirimufwafya emyenda emyeru rwa abho. Nitarisoosya‑mo risiina ryaye kata mu‑chitabho cha obhuwanga, tari nirimwikirisya imbere ya Raata waani na bhamaraayika bhaaye ati unu ni waani.

1 Petero 4:2

Ku‑njira eyo, jisiku jaaye joone jinu jisigaaye omwene okwikara ku‑chaaro kunu, ariikara rwa kutyo Nyamuwanga keenda, kutari okuruubha obhurigire bhwa echinyamuunu.

Baeburania 13:21

Nyamuwanga abhayaane amanaga ga okukora okwenda kwaye. Ka wone akore mu‑myoyo jeeswe jinu ejimukondisya ku‑njira ya Yeesu Kirisito. Omwene akusibhwe akajaanende koone. Jibhe kutyo.

Matayo 12:50

Okubha omuunu woonewoone unu kaakora okwenda kwa Raata waani unu ari mu‑rwire, oyo niwe omumura waasu, omuyara waasu na maayi.”

Obhusweruro 22:14

Bharibhona amabhando, abhaanu bhanu abhafura emingiro jeebhwe mu‑sagama ya Omwana wa Inaama, korereki bheekirisibhwe okwingira mu‑musi omuyaaya ogwo okutura ku‑marango gaagwo na okurya amatwasyo ga riiti rinu erisoosya obhuwanga bhwa akajaanende koone.

Yowana 3:5

Yeesu ˆnaamusubhya ati, “Ni chimari enikubhwira ati, atari‑wo omuunu unu kaatura okwingira mu‑bhukama bhwa Nyamuwanga araabha ateebhuuywe mu‑manji na kwa Mwoyo Mweru.

Matayo 18:3

ˆNaabhabhwira ati, “Ni chimari enibhabhwira ati, araabha mukarema okuyinduka na okubha rwa abhaana abharera, mutaringira mu‑bhukama bhwa mu‑rwire noorwo na akatyari.

Yowana 7:17

Omuunu woonewoone unu keenda okukora kutyo Nyamuwanga keenda, oyo kaja okusombookerwa ati, ameeyigisyo gaani gasookere ku‑Nyamuwanga. Ka wone kaja okusombookerwa ati, nitakwayika ku‑bhuturo bhwani omwene.

Barumi 12:2

Mwasiga okuruubha jitungwa ja abhaanu bha echaaro chinu, nawe musige Nyamuwanga ayindure emitima jeemwe, korereki mubhe na obhwiganirisya obhuyaaya. Awo niwo muriiyigira okumenya jinu Nyamuwanga keenda kwa okujikora. Murimenya ati ni misango ki jinu jiri ja ekisi, jinu ejimukondisya, ka wone jinu jikuumiiye.

Mariko 3:35

Omuunu woonewoone unu kaakora okwenda kwa Nyamuwanga, oyo niwe omumura waasu, maayi na omuyara waasu.”

1 Batesalonika 5:18

Musiime Nyamuwanga ku‑bhuri musango, kwa okubha ejo nijo omwene keenda emwe mukore rwa kutyo Kirisito Yeesu ꞉aachiiyigisiisye okukora.

Baefeso 6:6

Mubhagayukega, itari ku‑mwanya gunu abhabharora, muri rwa abhaanu bhanu abheekondya, tari mukuumisyega okwenda kwa Nyamuwanga kwa mwoyo gwone, rwa abhakosi bha Kirisito.

1 Petero 2:15

Nyamuwanga keenda ati, mukore ebhikorwa bhya ekisi, korereki mujibhisye abhaanu abhamuumu bhanu bhatakumenya emisango jaaye.

Matayo 25:21

“Mwami waaye ˆnaamubhwira ati, ‘Ukorere kisi muno. Awe uri mugaya wa ekisi na omwiyikanyibhwa! Wamaabha omwiyikanyibhwa ku‑bhitooto bhinu ꞉naakuyaaye, kurwa ejo enija okukukora okubha omwangarisi wa obhuniibhi bhwafu. Nuuwuuje chikonderwe aamwi.’

1 Batesalonika 4:3

Okubha echiinu chinu Nyamuwanga keenda kw‑imwe nicho chinu, mubhe abhaanu abheeru. Kurwa ejo, mwikenge na obhuromesi.

Bakolosai 4:12

Epaafura, omukosi wa Kirisito Yeesu, ka wone ni muunu wa ewaanyu eyo, kaabhakeesya. Bhuri mwanya keekomeesya okubhasabhirwa korereki murumatane echinyamwoyo mu‑riikirisya ryemwe na okubha na echimari inguru ya okwenda kwone kwa Nyamuwanga.

Ruuka 13:25

Omwene inju ariigara orwigi, emwe muriimereeguru anja, nimwibhuura keenu nimukonoonaga ku‑rwigi nimwayikaga ati, ‘Raatabhugenyi, nuuchiigurire!’ Nawe, omwene aribhasubhya ati, ‘Nitakubhamenya emwe noorwo na akatyari! Ka wone, nitakumenya ati musookere aaki!’

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

Ruuka 18:25

Ni bhwangu ingamiya okwiyiganya mw‑iwundu rya isinga, okukira omuniibhi okwingira mu‑bhukama bhwa Nyamuwanga!”

Mariko 9:47

Ka wone, eriiso ryawo rikakureterera okukora echibhiibhi, nuuriiye‑mo. Ni akiri wingire mu‑bhukama bhwa Nyamuwanga uri na isongo, okukira okubha na ameeso goone gabhiri na okweswa mu‑muriro gwa akajaanende koone.

Matayo 19:24

Enibhabhwira rindi ati, ni bhwangu ingamiya okwiyiganya mw‑iwundu rya isinga, okukira omuniibhi okwingira mu‑bhukama bhwa Nyamuwanga!”

Matayo 18:35

Neeya, Yeesu ˆnaamariisya kwa okwayika ati, “Mumenye ati noorwo Raata waani wa mu‑rwire, aribhakorera kutyokutyo, aribha mwarema okufwira echigongo omwikirisya oweejaanyu kwa emyoyo jeemwe joone.”

Yowana 15:23

Omuunu woonewoone unu kaansoka, kaasoka na Raata waani wone.

Matayo 26:42

Yeesu ˆnaabhasiga awo rindi, ˆnaagenda eyo rwa kabhiri, ˆnaasabhwa Nyamuwanga ati, “Raata waani, jikabha ati omutawo gunu gwa bhinyaasyo jitakuturikana okunsooka‑ko, mbe jikorekane rwa kutyo oweenda.”

Matayo 16:17

Yeesu ˆnaabhwira Peetero ati, “Awe Simooni omwana wa Yoona, uri na ribhando, kwa okubha atari‑wo omuunu woonewoone unu akuswerurira echimari echo, tari Raata waani wa mu‑rwire.

Obhusweruro 2:27

Aribhatunga kwa okubhafyetura jisimbo ja echuuma, aribhaata bhabhe bhibhaarabhaara rwa ebhiyaamba bhya jimbiga. Aribhona obhuturo rwa kutyo anye ꞉naaramiiye obhuturo okusooka ku‑Raata waani.

Yowana 14:7

Araabha mukammenyere anye, mwakamenyere na Raata waani wone. Okwambira woori, omumumenya, ka wone mwamurorere.”

Yowana 5:17

Nawe Yeesu ˆnaabhabhwira ati, “Raata waani kaakora emirimu siku joone, ogwo nigwo ogukora anye wone nikore rwa omwene.”

Matayo 26:39

ˆNaafogera imbere kutooto, ˆnaagwa bhwifumbike, ˆnaasabhwa Nyamuwanga ati, “Raata waani, araabha ejiturikana, enikusabhwa unsoosisye‑wo omutawo gunu gwa ebhinyaasyo! Nawe jisige okubha rwa kutyo anye eneenda, tari rwa kutyo awe oweenda.”

Matayo 18:10

Yeesu ˆnaagenderera okubhabhwira ati, “Mukabhuke, mwasiga okugaya owumwi ku‑bhatooto bhanu! Enibhabhwira kutyo, kwa okubha bhamaraayika bheebhwe mu‑rwire eyo, siku joone bhari imbere ya Raata waani wa mu‑rwire. [

Matayo 18:19

Enibhabhwira rindi ati, araabha abhaanu bhabhiri mw‑imwe bhakeekirisyanya ku‑chaaro anu okusabhwa omusango gwonegwone, Raata waani wa mu‑rwire aribhakorera omusango ogwo.

Matayo 25:10

“Mbe, abhayara abhataamutaamu nibhagenda okugura amafuta. Omwanya gunu bhaariga bhachaagenda era okugura amafuta, omutwasi ˆnaakinga. Abhayara abheengeeso bhanu bhaariga bheeraabhire, nibheengira aamwi nage mw‑iyumba rinu obhuregesi bhwariga nibhukorekana. Niwo, orwigi nirwigarwa.