Biblia Todo Logo
Bib sou entènèt

- Piblisite -




Matayo 7:13 - Indagano Inyaaya mu-Chijita

13 “Muture mw‑irango rifunde mwingire. Okubha rirango rigari rirya, erirosya mu‑kusingaarika, na injira ya okurosya eyo, ni ngari. Abhaanu bhanu abhatura okwo, ni bhaafu.

Gade chapit la Kopi

INDAGANO INYA:YA

13 Mwingire mu muryango omufunde, kwo kuba omuryango omugari na injira inu eigenda mu kusimagira ni ngari, na banu abaturako ni ba:fu.

Gade chapit la Kopi




Matayo 7:13
38 Referans Kwoze  

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.


Anye naanye rirango eryo. Woonewoone unu keengira mw‑igutu okutura kw‑anye arichungurwa, ka wone aribha na obhwitaage bhwa okuwuruka na okwingira, na okugenda okureebha mu‑bhureebho bhwa ekisi.


Abhaanu bhanu bhari na obhumwi na Kirisito Yeesu, bhatakutungwa na okurigira kwebhwe kwa omubhiri aamwi na obhwiganirisya bhwebhwe obhubhiibhi. Bhaabhambire okurigira okwo, ku‑musarabha gwa Yeesu.


“Mute ebhibhiibhi bhyemwe ku‑Nyamuwanga, kwa okubha obhukama bhwa mu‑rwire bhuri yeeyi!”


Mbe, mukore ebhikorwa bhinu ebhyeresya ati, chimari mwata ebhibhiibhi bhyemwe ku‑Nyamuwanga.


Kurwa ejo, Raatabhugenyi wone ꞉aayikire ati, “Musooke agati yeebhwe, mwawukane nabho. Mwasiga okukuunʼya echiinu echijabhi, niwo anye niribharamira.”


“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omuyingirira abhaanu okwingira mu‑bhukama bhwa mu‑rwire kwa ameeyigisyo geemwe. Emwe abheene mutakwingira, ka wone mutakwikirisisya abhaanu abhandi bhanu abheenda okwingira. [


Omuunu woonewoone unu risiina ryaye ryariga ritakaamirwe mu‑chitabho cha obhuwanga, oyo wone ꞉eeserwe mu‑nyanja ya omuriro.


Abhaanu abho bharisingaarisibhwa ku‑bhuteero, kwa okubha inda niryo risambwa ryebhwe. Abheene abheekuuyisya ebhikorwa bhya jiswaro bhinu abhakora. Ka wone abheeganirisya era emisango ja ku‑chaaro.


Abhaanu abho, bhatakwikirisya Yeesu, kwa okubha Syetaani omukama wa echaaro chinu, ayingiriiye obhwenge bhwebhwe. Eyo niyo isonga abhataamibhwa okurora obhweru bhwa Emisango ja Ekisi inguru ya rikusyo rya Kirisito, omwene niwe keeresya abhwerubhweru kutyo Nyamuwanga ari.


Kurwa ejo, mute chimwi ebhibhiibhi bhyemwe na muyindukire Nyamuwanga, korereki abhafwire echigongo. Nikwo kutyo Nyamuwanga aribhasimbiisya emwe, ku‑njira ya okubha ayeeyi na emwe,


Eswe echimenya ati, chiri bhaana bha Nyamuwanga. Omubhiibhi urya atungire abhaanu abhandi bhoone bhanu bhatari na obhumwi na Nyamuwanga.


“Kurwa ejo, abhakosi bha ebhibhiibhi abho, bharigenda okuramira jimbuma ja akajaanende koone. Nawe abharengeresi imbere ya Nyamuwanga, abho bhariingira mu‑bhuwanga bhwa akajaanende koone.”


“Niwo, niribhwira bhanu bhari rubhaara rwani rwa ebhumoosi ati, ‘Musooke anu, emwe bhanu Nyamuwanga eeyiimire! Mugende mu‑muriro gwa akajaanende koone gunu Nyamuwanga eeraabhire inguru ya Syetaani na bhamaraayika bhaaye.


Abhaanu bhoone ku‑chaaro choone bhariramya rityanyi eryo, nawe abhaanu bhoone bhanu amasiina geebhwe gakaamirwe mu‑chitabho cha obhuwanga, okusookerera echaaro chichaari okubhumbwa bhataririramya. Echitabho echo ni cha Omwana wa Inaama unu ꞉aatemerwe omutwe.


Nikwo kutyo jiri ku‑Nyamuwanga. ꞉Eendere okweresya abhaanu risungu ryaye na okweresya amanaga gaaye, nawe ꞉aabheegumiirisiisye muno bhanu bheeyire okusingaarisibhwa.


“Nyabhuriko kw‑imwe wone, omuunu unu atakutura okusiga ebhiinu bhyone bhinu ari nabhyo, atakutura okubha omwiyigisibhwa waani.


Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.


Omwanya gunu Muusa na Yeeriya bhaariga nibhagenda, Peetero ˆnaabhwira Yeesu ati, “Mwami weeswe! Ni kisi eswe okubha anu. Chuumbake ebhiwuuna bhisatu, echimwi chibhe chaawo, echindi chibhe cha Muusa, na echindi chibhe cha Yeeriya.” Nawe, Peetero ꞉aayikire jinu aariga atakumenya.


Nawe rirango rinu erirosya mu‑bhuwanga ni funde, na injira ya okurosya eyo, ni funde. Abhaanu bhanu abhayisombookerwa, ni bhatyari.


Swiv nou:

Piblisite


Piblisite